ئەمیر حەسەن لە رێگەی رووداوەوە پەیامێک بۆ هونەرمەندان و گوێگرانی دەنێرێت

کاتێک ئەمیر حەسەن دوایین وشەکانی خۆی لەبەردەم میدیاکاندا دەربڕی و کۆنگرە رۆژنامەوانییەکە کۆتایی هات، بە تەنیا لەگەڵ بڕیارە سەختەکەیدا بەرەو ماڵ گەڕایەوە و ماڵەکەی پڕ بوو لە بێدەنگی. ئەو هاونیشتمانییە دەڵێت: "هەستێکی غەریب دایگرتم، خەمبار بووم کە نەمتوانی زیاتر خزمەتی هونەرەکەم بکەم، بەڵام لە هەمان کاتدا ئاسودە بووم." ئەمیر پێی وایە ئەمە باشترین کاتە بۆ ئەوەی وەک "یادگارییەکی جوان" لە دڵی هەوادارەکانیدا بمێنێتەوە، پێش ئەوەی شەپۆلی شێواندنی هونەر و کاریگەرییەکانی ژیریی دەستکرد، جوانیی دەنگی ئەویش لێڵ بکات.