رووداو دیجیتاڵ
وەزیری دەرەوەی عێراق بە رووداوی راگەیاند، کۆبوونەوەی لەگەڵ وەزیری دەرەوەی ئەمریکا "زۆر باش" بووە و "باسی هەموو بابەتێک"یان کردووە.
رۆژی هەینی 25-04-2025 فوئاد حوسێن، جێگری سەرۆکوەزیران و وەزیری دەرەوەی عێراق، دوای تەواوبوونی کۆبوونەوەی لەگەڵ مارکۆ روبیۆ، وەزیری دەرەوەی ئەمریکا لە واشنتن دی سی، بە دیار کوردە، بەرپرسی نووسینگەی تۆڕی میدیایی رووداوی لە واشنتنی راگەیاند، "کۆبوونەوەکانمان زۆر باش بوون؛ باسی هەموو شتێکمان کرد."
وەزیری دەرەوەی عێراق دوێنێ پێنجشەممە رایگەیاند، "زنجیرەیەک کۆبوونەوەی دووقۆڵی دەکەین بۆ پتەوکردنی پەیوەندییەکانی عێراق - ئەمریکا و هاوئاهەنگیی هەوڵەکان لە پرسە هەرێمی و نێودەوڵەتییەکاندا. گفتوگۆ لەبارەی پتەوکردنی ئاسایشی هاوبەش و هاوکاری لە بوارە جیاجیاکاندا دەکەین."
لە وەڵامی پرسیارێکی دیار کوردەدا تامی برووس، گوتەبێژی وەزارەتی دەرەوەی ئەمریکا گوتی، "فوئاد حوسێن، جێگری سەرۆکوەزیران و وەزیری دەرەوەی عێراق بۆ چەند کۆبوونەوەیەکی جیاجیا لە واشنتن دەبێت."
ئەمریکا و عێراق پەیوەندییەکی فرە رەهەندییان هەیە و هەردوولا ویستی ئەوەیان دەربڕیووە ئەو پەیوەندییانە بەرەو پێشەوە ببەن.
.webp&w=3840&q=75)
