رووداو دیجیتاڵ
ئەو جووەی لە سەرەتای ڤیدیۆیەکە دا دەردەکەوێت، بە بیرکردنەوەی خۆی گوناهـ بێت پێیەوە نەماوە. پێیوایە تاوانی ساڵی پاری دەگوازێتەوە بۆ مریشکەکانیان.
جووە ئۆرتۆدۆکسەکان ساڵانە لە رۆژی کیپوور ئەم نەریتە دووبارە دەکەنەوە. کیپوور پیرۆزترین رۆژە لە رۆژمێری جووەکان.
جۆی گۆلد، دانیشتووی قودس دەڵێت: "ئەم ساڵ بۆ زۆر خەڵک یادەکە زۆر جیاواز بوو. خەڵکی زۆری دیندار دەناسم لە بەرەکانی جەنگن. تۆ ناتوانی بەڕۆژوو بیت، دۆخێکی زۆر جیاوازە."
ئەو جووانەی کە لەگەڵ شەڕی غەززەدا نین، هیوا دەخوازن رۆژی کیپوور ببێتە هۆی کۆتاییهاتنی شەڕ و گەڕانەوەی ئاشتی بۆ ناوچەکە.
جووە ئۆرتۆدۆکسەکان تووند دەستیان بە بیروباوەڕیانەوە گرتووە. یەکێک لە بیروباوەڕەکانیان ئەم مریشکانەن.
کە ئاوا لەسەر سەریان دەیسوڕێننەوە، بە تێگەیشتنی خۆیان ئیدی وەکو منداڵێکی ساوایان لێدێتەوە.
جۆی گۆڵد، دانیشتووی قودس دەڵێت: "هیوا بۆ ساڵێکی نوێ دەخوازین، ساڵێکی مەزن و سەلامەت. ئەم شەڕە خراپ کاری لە پشوومان کردووە."
ئەم ساڵ لە رۆژی کیپووردا بازاڕی مریشکفرۆشان لە قودس و شارەکانی دیکە جمەی دەهات. بۆ پاکبوونەوە لە گوناهـ، مریشک لەسەر رەفە و لەنێو قەفەزەکاندا نەما.
