لەو سەنتەرەی شاری باماکۆ لە مالی نەخۆشەکان ئازاد دەکرێن.
رووداو دیجیتاڵ
سەنتەرێکی تەندروستی لە مالی بۆ چارەسەرکردنی نەخۆشانی دەروونی رێگەیەکی نوێ بەکاردەهێنێت. ئەرز و گەزیان بۆ دابینکردوون، نەخۆشەکانیش پڕ بە دەنگی خۆیان بەند و گۆرانی دەڵێن. بەمە دەڵێن شانۆگەری کۆتیبا.
ئادەما باگایۆکۆ، بەڕێوەبەری گرووپی شانۆکاران دەڵێت: "بەر لە هەموو شتێک قسە لەسەر نەخۆشیی دەروونی دەکەم. کاتێک روودەدات کە هەموو دەرگایەکت بەسەر دا داخراوە و پەراوێزخراوی. ئەمە ئەو کاتەیە کە کەسەکە بە شێت ناودەبەین. بەڵام کاتێک دێنە ئێرە و بەشداری لە شانۆگەرییەکە دا دەکەن، چیدی هەست ناکەن پەراوێز خراون، چونکە ئێمە دەرفەتیان پێدەدەین. دەست لەیەک دەدەین و قسە لەگەڵ یەک دەکەین. بەیەکەوە سەما دەکەین. ئەمە گرنگی کۆتیبایە."
لەو سەنتەرەی شاری باماکۆ لە مالی نەخۆشەکان ئازاد دەکرێن.
تاوەکو ماندوو دەبن سەما دەکەن و ناخ و دڵی پڕیان بەتاڵ دەکەنەوە.
ئەمە ئەوکاتەیە دۆپامین (هۆرمۆنی دڵخۆشی) دەگاتە لووتکە.
مەمەدۆ دیارا، نەخۆشێکی دەروونییە و دەڵێت: "هەرگیز بەشداریم لەو شانۆگەرییە دا نەکردووە. پێشتر هەرگیز سەمام نەکردووە. هەر کە دەستمپێکرد خوا هێز و توانای پێبەخشیم. دەست بۆ هەرشتێک ببەم سەرکەوتوو دەبم. من ئەم جۆرە کەسەم."
کۆتیبا شانۆگەریێکی میللییە و لەلایەن گەورەترین هۆزی مالی بەناوی بامبارا ساز دەکرێت.
نەخۆشەکانی ئەو سەنتەری چارەسەری دەروونییە زۆر دڵیان بە چارەسەرەکە خۆشە.
هەر نەخۆشێک ترس یا فۆبیای کۆمەڵایەتی هەبێت، پیلی رادەکێشن و رووبەڕووی رکابەرەکەی دەکەنەوە، تاوەکو ترسەکەی لێدەرنەکەن وازی لێناهێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ