ئەردۆغان: بە تەلەفۆن پیرۆزبایی ئۆپەراسیۆنەکەم لە ئەحمەد شەرع کرد

سەرۆککۆماری تورکیا کە سەرکردایەتیی کۆبوونەوەی لەگەڵ وەزیرانی وڵاتەکەی کردبوو جەختیکردەوە، لە نزیکەوە چاودێریی تەواوی پێشهاتەکانی سووریا دەکەن. 

سەرۆککۆماری تورکیا هەروەها پرەنسیپی 'یەک دەوڵەت و یەک ئاڵا'ی بە مەرجی بنەڕەتی بۆ سەقامگیریی هەر وڵاتێک وەسفکرد و پاڵپشتیی تورکیای بۆ جێبەجێکردنی ئەو پرەنسیپە دووپاتکردەوە.

لەبارەی هێرشی سوپای عەرەبیی سووریا بۆ سەر گەڕەکە کوردنشینەکانی حەلەب، ئەردۆغان گوتی:"ئەو ئۆپەراسیۆنە سەربازییەی هەفتەی رابردوو بۆ رزگارکردنی چەند گەڕەکێکی داگیرکراوی حەلەب دەستیپێکرا، دوێنێ بە ئاگربەست و تێکەڵبوونەوە، کۆتایی هات. بەرێوەچوونی ئەو ئۆپەراسیۆنە هەستیارە بە وردی و لەپێناوی ئەوەی زیان بە سڤیل نەگات، وەکو نەشتەرگەر هەنگاوی ناوە کە ئەمە جێی رێزە."

سەرۆککۆماری تورکیا دەشڵێت: "سەرەڕای گێرەشێوێنیی ئەو گرووپە چەکدارانەی باکووری سووریایان داگیرکردووە، سوپای سووریا تاقیکردنەوەیەکی سەرکەوتووانەی تێپەڕاند و خۆی پاراست لەوەی لە حەقبوونەوە ناحەق نیشان بدرێت". 

لەبارەی ئۆپەراسیۆنەکانی سوپا بۆ سەر ناوچەکانی ژێر کۆنترۆڵی هێزەکانی سووریای دیموکرات (هەسەدە)، ئەردۆغان گوتی: "دوێنێ شەو لەگەڵ سەرۆککۆمار ئەحمەد شەرع قسەمکرد و پیرۆزبایی ئۆپەراسیۆنەکەم لێی کرد. بە بەڕێز ئەحمەد شەرعم گوت لە بەرەنگاربوونەوەی تیرۆردا تورکیا هەمیشە لەگەڵتانە. هیوادارم رێککەوتنەکەی سووریا ببێتە مایەی خێر بۆیان. ئیدی خاکی بە بەرەکەتی سووریا لە فرمێسک و خوێن تێر بووە و نایەوێ. سەردەمی تیرۆر لە ناوچەکەماندا بەسەرچوو".

لەکاتێکدا هێشتا هیچ رێککەوتنێکی روون لەبارەی داهاتووی شەڕڤانانی هەسەدە لە سووریا واژۆنەکراوە، ئەردۆغان گوتی:" خۆ خافڵاندن و خۆشاردنەوە لە پەنای بیانوو بۆ دەستخستنی کات، سوودی بۆ هیچ کەسێک نابێت. کورد برای ئێمەن، عەرەب و تورکمانیش برا، گیان و جەرگی ئێمەن. ئێمە وەکو تورک، کورد و عەرەب، جگە لە خۆمان دۆستی دیکەمان نییە".

پرەنسیپی یەک دەوڵەت و یەک سوپا، بۆ سەقامگیریی وڵاتێک مەرجی بنەڕەتییە.تورکیا پاڵپشتیی تەواوی بۆ جێبەجیکردنی ئەمە هەیە. ئەو ئۆپەراسیۆنە سەربازییەی هەفتەی رابردوو بۆ رزگارکردنی چەند گەڕەکێکی داگیرکراوی حەلەب دەستیپێکرا، دوێنێ بە ئاگربەست و تێکەڵبوونەوە، کۆتایی هات. بەرێوەچوونی ئەو ئۆپەراسیۆنە هەستیارە بە وردی و لەپێناوی ئەوەی زیان بە سڤیل نەگات، وەکو نەشتەرگەر هەنگاوی ناوە کە ئەمە جێی رێزە. سەرەڕای گێرەشێوێنیی ئەو گرووپە چەکدارانەی باکووری سووریایان داگیرکردووە، سوپای سووریا تاقیکردنەوەیەکی سەرکەوتووانەی تێپەڕاند و خۆی پاراست لەوەی لە حەقبوونەوە ناحەق نیشان بدرێت.