رووداو دیجیتاڵ
یاریدەدەری سەرۆککۆماری تورکیا دەڵێت: ''بە تووندی هێرشکارییەکەی حکومەتی نەتەنیاهوو کە سەقامگیریی ناوچەکە تێکدەدات، سەرکۆنە دەکەین''.
جەودەت یڵماز، یاریدەدەری رەجەب تەیب ئەردۆغان، سەرۆککۆماری تورکیا رۆژی هەینی، 13ی حوزەیرانی 2025، لە تۆڕی کۆمەڵایەتیی ئێکس رایگەیاند: ''ئیسرائیل بە هێرشکردنە سەر ئێران، کردە نایاسایی و ئاژاوەگێڕییەکانی زیاتر کردن''.
یاریدەدەری سەرۆککۆماری تورکیا گوتیشی: ''بە تووندی هێرشکارییەکەی حکومەتی نەتەنیاهوو کە سەقامگیریی ناوچەکە تێکدەدات و دوورە لە هەموو رەوایەتییەک، سەرکۆنە دەکەین".
یڵماز ئاماژەی بەوەش کرد: ''لە کاتێکدا دانوستاندنەکان لەبارەی ئەتۆم لەگەڵ ئێران بەردەوام بوون، ئەم هێرشە کردەیەکی ستەمکارانەیە کە دیپلۆماسی و بەها مرۆییەکان دەخاتە ژێرپێ''.
یاریدەدەری سەرۆککۆماری تورکیا داوی لە کۆمەڵگەی نێودەوڵەتی کرد ''هەڵوێستێکی تووندیان لە بەرامبەر ئەو کردانەی ئیسرائیل هەبێت کە هەڕەشە لە یاسا و سەقامگیریی ناوچەکە دەکەن''.
بەرەبەیانیی ئەمڕۆ هەینی، ئیسرائیل هێرشێکی ئاسمانیی بەرفراوانی کردە سەر ئێران.
هێرشەکان دوای ئەوەش بەشێوەی جیاواز بەردەوام بوون.
![سێ رۆژە شەڕ وەستاوە؛ سعودیە درۆنەکانی [گرووپە چەکدارەکانی] عێراق تێکدەشکێنێت](/_next/image?url=https%3A%2F%2Fimages.rudaw.net%2Fimages%2Fasset%2Fnews%2F20260727200030_AFP__20260727__C39X7AF__v1__HighRes__IranUsIsraelWar.jpg&w=3840&q=75)
