رووداو دیجیتاڵ
وەزارەتی دارایی و ئابووریی هەرێمی کوردستان لیستی مووچەی مانگی 4ـی بڵاوکردەوە و لە سێ رۆژدا مووچە دابەش دەکرێت.
لیستەکە ئەمڕۆ سێشەممە، 13-05-2025 بڵاوکرایەوە. بەگوێرەی لیستەکە، دابەشکردنی مووچە سبەی چوارشەممە بە خانەنشینی شارستانی دەستپێدەکات و رۆژی یەکشەممە بە هێزەکانی زێرەڤانی و بەرگریی کۆتایی دێت.
وەزارەتی دارایی و ئابووری هەرێمی کوردستان ئەمڕۆ رایگەیاند، بڕی 959 ملیار و 514 ملیۆن دینار وەک شایستەی مووچەی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندیی عێراق.
مووچەی مانگی سێی فەرمانبەرانی هەرێمی کوردستان 26ـی مانگی سێ راگەیێندرا، بەوپێیە، دابەشکردنی مووچەی مانگی چوار دوای مانگێک و 17 رۆژ لە مووچەی مانگی سێ دێت.
لە لیستەکەدا باس لە دابەشکردنی مووچەی فەرمانبەرانی گرێبەست نەکراوە.
.jpg&w=3840&q=75)
.jpg&w=3840&q=75)
