هەڵەیەک روویدا! دووبارە هەوڵبدە
هیوا جەمال و میوانەکەی. وێنە: نێو ستۆدیۆی بەرنامەی رۆژی هیوا جەمال
رووداو - تەندروستی
پەتای کۆڤید-19 جیا لەوی کاریگەریی لەسەر تەواوی کایەکانی جیهان کرد، کاریگەریی جیدیشی لەسەر تووشبووانی نەخۆشییە درێژخایەنەکان کردووە، لە توێژینەوەی پسپۆڕێکی کورد دا، کاریگەرییەکانی کۆڤید-19 لەسەر خەڵکانی بەریتانیا ئاشکرادەکرێت.
توێژینەوەکە لەلایەن پسپۆڕێکی دەرمانسازی کورد لە وڵاتی بەریتانیا بە هاوکاری تیمێکی بەریتانی لەو وڵاتە کراوە و دەرکەوتووە، بەراورد بە دوو ساڵی پێش پەتاکە، نزیکەی نیو ملیۆن تووشبووی نەخۆشییەکانی دڵ و لوولەکانی خوێن کەمتر دەستیان بە دەرمان و چارەسەرییەکان گەیشتووە.
ئەمڕۆ شەممە 23-11-2024 لە بەرنامەی رۆژی هیوا جەمال، د. ئامانج ئیسماعیل، پسپۆڕی دەرمانسازیی کلینیکی و سەرپەرشتیاری توێژینەوەکە رایگەیاند، لە ماوەی بڵاوبوونەوەی پەتای کۆڤید-19 نزیکەی نیو ملیۆن تووشبووی بەرزەپەستانی خوێن و بەرزەچەوریی خوێن دەستیان بە چارەسەری پێویست نەگەیشتووە، کێشەیان لە نەبوونی دەرمان و خزماتگوزاریی پزیشکی هەبووە.
توێژینەوەکە ئەوەشی سەلماندووە کە دەستڕانەگەیەشتن بەو دەرمانانە، وایکردووە تووشبووانی پەککەوتنی دڵ، جەڵتەی دڵ و جەڵتەی مێشک زیادبن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ