رووداو – سلێمانی
لە رۆژی 24-ی ئەم مانگە، لە هۆڵی تەلاری هونەری شاری سلێمانی رێورەسمی چلەی ماتەمینی هونەرمەندی بەنێوبانگی کوردستان کەریم کابان بەڕێوەچوو.
لە رێورەسمەکەدا، کە ژمارەیەکی زۆر هونەرمەندان و کەسوکاری کابان و چەندین کەسایەتی سیاسی ئامادەیبوون، گەشتێک لە گۆرانییەکانی ئەم هونەرمەندە لە لایەن هونەرمەندانی کوردستانەوە گوترانەوە، هەر لە رێورەسمەکەشدا فیلمێکی دیکۆمێنتەری لەسەر ژیانی ئەو هونەرمەندە پیشاندرا و پێشانگایەکی فۆتۆگرافیش کرایەوە.
هونەرمەند کەریم کابان، لە ساڵی 1927 لە گەڕەکی شێخانی کۆنی سلێمانی لە دایکبووە، خاوەنی 3 کوڕ و 3 کچە، 20 بەرهەمی تۆمارکراوی هەیەو بەنێوبانگترین بەرهەمەکانی یاران وەسیەتم و بێدارانی شەو-ە، کەریم کابان لە رۆژی 14-ی مانگی یەکی 2016 لە شاری سلێمانی لە تەمەنی 88 ساڵیدا کۆچی دواییکرد.
