رووداو - هاوینەهەواری دوکان
هێشتا وەرزی بەهار نەهاتووە، کەچی بەشێک لە سەیرانگاکان جمەیان دێت، چونکە خەڵكی دەیانەوێت كەمێك لە كێشەكانی رۆژانەیان دوور بكەونەوە و، لەنێو باوەشی سرووشتدا هەناسەیەكی ئارام هەڵبمژن.
هاونیشتمان باس لەوە دەکەن کە هۆکاری سەیرانکردنیان لەمساڵدا جیاوازە، هاونیشتیمانییەک دەڵێ " لە دوێنێوە پلانمان داناوە، بەڵام زۆربەی زۆری لەبەر دڵی منداڵەكان دێینە سەیران". هاونیشتیمانییەکی دیکەش باس لەوە دەکات " بێ پارەییە و وەك ساڵان نییە كە دێینە سەیرانیش دڵی خۆمان دەدەینەوە". هاونیشتیمانییەکی دیکەش ئاماژە بەوە دەدات"راستە كەسمان وەكو جاران بەهۆی ئەم قەیرانەوە دڵمان خۆش نییە ، بەڵام ناكرێت هەرلە ماڵەوە دانیشیت".
جیاواز لە ساڵانی رابردوو بەڕێوەبەرایەتی گەشتوگوزاری سلێمانی هەموو هیوایەكی خستووەتە سەر گەشتیاری بیانی، چونكە دەڵێت: لە قەیرانی داراییدا گەشتەكان وەك ساڵانی رابردوو لەنێوان شارەكانی باشووری كوردستان جموجۆڵی زۆریان نابێت.
