کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

د.ئیكرام حوسێن

د.ئیكرام حوسێن

news

چا بە رەنگی میز

ئیکرام حوسێن

ئیکرام حوسێن

31-05-2015
گوێبگرە
0:00
0:00
قەبارەی دەق
ئیکرام حوسێن
ئیکرام حوسێن31-05-2015

بابەتی پەیوەندیدار

کرێکارێک لە بۆکان بەهۆی رووخانی دیوار بە سەریدا گیانی لەدەستدا
کوردستان22-11-2026

کرێکارێک لە بۆکان بەهۆی رووخانی دیوار بە سەریدا گیانی لەدەستدا

قوتابخانەکانی سێ گوندی پارێزگای سنە بەهۆی هەڵامەتەوە سێ رۆژ دادەخرێن
کوردستان22-11-2026

قوتابخانەکانی سێ گوندی پارێزگای سنە بەهۆی هەڵامەتەوە سێ رۆژ دادەخرێن

سێ کەس بەهۆی کەوتنە نێو ئاوەڕۆیەک لە شاری هیتی پارێزگای ئەنبار گیانیان لەدەستدا
عێراق22-11-2026

سێ کەس بەهۆی کەوتنە نێو ئاوەڕۆیەک لە شاری هیتی پارێزگای ئەنبار گیانیان لەدەستدا

نازانم راستە یان نا، دەڵێن وەزیری تەندروستیی ئێستا كە پێشتر بەڕێوەبەری گشتی تەندروستیی سلێمانی بووە، كارمەندێكی تاقیگەیان لای ئەو تۆمەتبار كردووە بەوەی ئەنجامەكان دەنووسێ بێ ئەوەی تاقیكردنەوەیان بۆ بكات، بەڕێوەبەریش كەسێك دەنێرێت بە ( normal saline, distal water)، یەكێك لەو دوو شلەیەی پێدەبێت بۆ پشكنین كە گوایا میزە، دوو شلەكە یەكێكیان ئاوی پاڵێوراوە و ئەوی دیكەیان ئەو ئاوەیە لە كاتی پێویستیدا لەڕێگای كانۆلاوە بە نەخۆش دەدرێت، لە كۆتاییدا بەڕێوەبەر بۆی دەردەكەوێت كە كابرای تاقیگە فێڵبازە و سزاكەشی ئەوەندەی بیرم مابێت، گواستنەوەی دەبێت بۆ دەرەوەی شار.


ئەوەی كە رۆژنامەنووسێك چای دەبات بۆ تاقیگە لەجێی میز، بەو بیانووەی كە خەڵكی زۆر سكاڵایان لەلا دەكات، زۆر قسە هەڵدەگرێت. رۆژنامەنووسەكە لە كارەكەیدا هێندەی خەمی گەورەكردنی بابەتەكەی بووە، هێندە بیری لەوە نەكردووەتەوە زانستییانە كارەكە بكات كە هەر دەیكات، بۆ نموونە كێ لە پێكهاتەكانی چای دڵنیایە؟ ئەو دەبوو شتێكی بردبا بۆ پشكنین كە لێی دڵنیا بووایە، كاتێك بە زمانی شت گەورەكردن دەڵێیت چاییان لێبووە بە میز، لەوانەیە خەڵكی بە سەری خۆیاندا بكێشن، بەڵام لەڕاستیدا زۆر ماددە هەن لە میزدا كە لەوانەیە لە چایشدا هەبن، یان لەوانەیە لێكچوون لە نێوانی گەردیلەكانیاندا هەبێت لە ژێر گەردیلەبیندا، ئەو ئەگەرانە و ئەگەری دیكەش، لەوانەیە كاكی كارمەندی تاقیگە هەر بە چاو پشكنینی بۆ چایەكە كردبێت، بەڵام كاتێك لەو ئەگەرە دڵنیا دەبووین ئەگەر شلەیەكی دیاریكراوی باوەڕپێكراو ببرایەتە تاقیگە، نەك چای.
دەبوو بەشی بەڕێوەبردنی جۆرێتی ئەو كارەی رۆژنامەنووسەكە بكات، توانا و لێهاتوویی تاقیگە و پزیشكان هەڵبسەنگێنێ، بە تایبەتی لە نەخۆشخانەی فریاكەوتن كە فریای هەموومان دەكەوێت.


لە كاتی چوونە ژوورەوەی رۆژنامەنووسەكەدا، دیارە پزیشكە موقیمەكە چ قەرەباڵخییەكی لەسەرە، ئەوە لەوەتەی هەیە هەروایە، ئاخر دوو پزیشك رۆژانە پێشوازی لە نزیكەی 1500 نەخۆش بكەن، دەبێت بیشیكەن، هەر ئەوەندە دەتوانن،  ئینجا ئەنجامەكە بەو شێوەیە لە تاقیگە گەڕاوەتەوە، كاكی رۆژنامەنووسیش ئازاری (گورچیلە)ی هێندە زۆر بووە رووی لە تەواری كردووە، ئەو مادام بۆ تەقاندنەوەی بابەتێك رۆیشتووە، دەبوو بڵێ (ئێرە)م ئازاری هەیە، نەك (گورچیلە)م.


بە هەموو ئەو رەخنانەوە لەسەری هەیە، نەخۆشخانەی فریاكەوتن ماندووترین نەخۆشخانەیە، تەقینەوەیەك لە هەر شوێنێكی كوردستان ببێت، نەخۆشەكانی دەگەنە ئەوێ، پارساڵ دەستێكی قرتاویان بۆ پیاوەكەی شەقامی مەولەوی پێوەكردەوە كە كارێكی دەگمەن و مەحاڵ بوو، تۆ بۆ خۆشیی خۆت سەرخۆش دەبیت و تووشی رووداوی هاتوچۆ دەبیت، لەوێ لە ماوەیەكی كەمدا دەتبەنە هۆڵی نەشتەرگەری و جۆرەها نەشتەرگەریت بۆ دەكەن.


لە رۆژی پەرستاراندا سەرۆكی ئەنجومەنی پارێزگا پێشانگایەكی كردبووەوە لە نەخۆشخانەی شار، هیوادارم بیری نەچووبێت و پرسیبێتی ئەمە بەشی فریاكەوتنی نەخۆشخانەیە، ئەی كوان نەخۆشەكانی؟ 
نەخۆشخانەی فریاكەوتن، دەبێت فریای نزیكەی دوو ملیۆن كەس بكەوێت، دەبێت فریای كارمەندەكانی نەخۆشخانەی شار بكەوێت كاتێك تووشی رووداوێك دەبن، دەبێت فریای نەخۆشەكانی نەخۆشخانەی فاروقیش بكەوێت كاتێك پارەیان پێ نامێنێ، كاتێك نەخۆشێك 35 ملیۆن دینار دەدات و ئیتر ئیفلاس دەكات، دەبێت نەخۆشخانەی فریاكەوتن وەریبگرێت، گەر هەموو نەخۆشخانە ئەهلییەكان و كلینیكە تایبەتییەكان دابخەیت، لەوانەیە رێژەی مردن كەم ببێتەوە، بەڵام نەخۆشخانەی فریاكەوتن فریای هەموومان دەكەوێت، بە تایبەتی لە رۆژی رەشەبادا كاتێك منداڵەكانمان دەڕۆنە شاری یاری، یان كاتێك یەك فلسیشمان پێ نەبێت، نەخۆشخانەی فریاكەوتن ماڵ و موڵكی هەژارانە.

بابەتی پەیوەندیدار

کرێکارێک لە بۆکان بەهۆی رووخانی دیوار بە سەریدا گیانی لەدەستدا
کوردستان22-11-2026

کرێکارێک لە بۆکان بەهۆی رووخانی دیوار بە سەریدا گیانی لەدەستدا

قوتابخانەکانی سێ گوندی پارێزگای سنە بەهۆی هەڵامەتەوە سێ رۆژ دادەخرێن
کوردستان22-11-2026

قوتابخانەکانی سێ گوندی پارێزگای سنە بەهۆی هەڵامەتەوە سێ رۆژ دادەخرێن

سێ کەس بەهۆی کەوتنە نێو ئاوەڕۆیەک لە شاری هیتی پارێزگای ئەنبار گیانیان لەدەستدا
عێراق22-11-2026

سێ کەس بەهۆی کەوتنە نێو ئاوەڕۆیەک لە شاری هیتی پارێزگای ئەنبار گیانیان لەدەستدا

پێشنیازەکان

ئەمەنەش ببینە