رووداو دیجیتاڵ
وەزارەتی دەرەوەی کوێت لە راگەیێندراوێکدا سەرکۆنەی هێرشکردنە سەر بارەگای سەرۆک بارزانی و شوێنی نیشتەجێبوونی نێچیرڤان بارزانی، سەرۆکی هەرێمی کوردستان لە دهۆک دەکات.
رۆژی 29-3-2026، وەزارەتی دەرەوەی کوێت لە راگەیێندراوێکدا دەڵێت، "وەزارەتی دەرەوە سەرکۆنە و ئیدانەی تووندی دەوڵەتی کوێت دەردەبڕێت بۆ ئەو دەستدرێژییەی کە کرایە سەر بارەگاکانی نیشتەجێبوونی سەرۆکی هەرێمی کوردستانی عێراق، نێچیرڤان بارزانی، و سەرۆکی پارتی دیموکراتی کوردستان مەسعود بارزانی".
ئاماژە بەوەش کراوە، "وەزارەت جەخت لەسەر هەڵوێستی نەگۆڕی دەوڵەتی کوێت دەکاتەوە لە رەتکردنەوەی هەموو جۆرە تووندوتیژییەک و ئیدانەکردنی ئەو کارانەی کە دەبنە هۆی تێکدانی ئاسایش و سەقامگیری لە کۆماری عێراقی برا و وڵاتانی دیکەی ناوچەکە".
.jpg&w=3840&q=75)