رووداو دیجیتاڵ
ئەم شەو بە چوار درۆن سەنتەری شاری هەولێر بۆردوومان کرا، یەکێک لە درۆنەکان لەنێو بەڕێوەبەرایەتییەکی سەر بە وەزارەتی بارزگانی کەوتە خوارەوە.
درۆنەکان لە کاژێر 07:00ـی ئێوارە بۆ نزیک کاژێر 09:00ـی شەوی دووشەممە ئاراستە کراون. بەگوێرەی زانیارییەکانی رووداو، سێ لە درۆنەکان لە نزیک فڕۆکەخانەی نێودەوڵەتیی هەولێر لەلایەن سیستمی بەرگرییەوە خراونەتە خوارەوە.
یەکێک لە درۆنەکان لەنێو بەڕێوەبەرایەتیی بازرگانی و کەلوپەلی خۆراکی هەولێر لە گەڕەکی ئازادی کەوتە خوارەوە، بەگوێرەی زانیاری سەرەتایی، زیانی گیانی نەبووە.
پاشماوەی ئەو درۆنەی کەمێک لەمەوبەر لە هەولێر کەوتە خوارەوە؛ ئاگری لێ بەرز دەبێتەوە pic.twitter.com/vm4X1rC2Oe
— Rudaw (@Rudawkurdish) March 16, 2026
هەر ئەمڕۆ درۆنێک لە نزیک چیای کۆڕەک لە ئیدارەی سەربەخۆی سۆران لە پارێزگای هەولێر کەوتە خوارەوە.
هەڵگورد شێخ نەجیب، سەرپەرشتیاری ئیدارەی سەربەخۆی سۆران بە رووداوی گوت: "درۆنەکەی نزیک کۆڕەک دووربوو لە دانیشتووانی گوندێکی ناوچەکە و زیانی گیانی نەبووە".
لە دەستپێکی جەنگی نێوان ئیسرائیل و ئەمریکا دژی ئێران لە 28ـی شوبات تاوەکو ئێستا، هەرێمی کوردستان بە زیاتر لە 320 درۆن و مووشەک هێرشی کراوەتە سەر.
.jpg&w=3840&q=75)