.jpg&w=3840&q=75)
رووداو دیجیتاڵ
گوتەبێژی حکومەتی عێراق لەبارەی تۆمەتبارانی دۆسیەی گەندەڵی دەڵێت، "هەندێک تۆمەتبار خۆیان شاردووەتەوە، یان رایانکردووە، ئێمە بەدوایانەوەین".
حەیدەر عەبودی، گوتەبێژی حکومەتی عێراق ئەمڕۆ دووشەممە رایگەیاند، "هیچ لایەنێکی دەرەکی لەپشت ئەو هەڵمەتەی رووبەڕووبوونەوەی گەندەڵی نییە".
گوتەبێژی حکومەتی عێراق لەبارەی رۆڵی هەرێمی کوردستان لەو هەڵمەتەدا دەڵێت، "رۆڵی هەرێمی کوردستان چاودێری و شوێنهەڵگرتنی داواکراوەکانە".
حەیدەر عەبودی لەبارەی سەردانەکەی عەلی فالح زەیدی بۆ واشنتن دەڵێت، "هەڵمەتەکە هیچ پەیوەندییەکی بە سەردانەکەی سەرۆکوەزیران بۆ واشنتن نییە".
گوتەبێژی حکومەتی عێراق دەشڵێت، "چاومان لەوەیە دۆسیەی هەموو تۆمەتبارەکان بە ئەنجام بگات".
لە 28ـی حوزەیرانەوە هێزە ئەمنییەکانی عێراق هەڵمەتێکیان لە چەند پارێزگایەکی عێراق دەست پێکرد بۆ دەستگیرکردنی ئەو کەسانەی تۆمەتبارن بە گەندەڵی و تاوەکو ئێستا دەستگیرکردنی 47 پەرلەمانتار و بەرپرس بە فەرمی پشتڕاست کراوەتەوە.
