رووداو - هەولێر
هەرچەندە ژمارەی تووشبووانی کۆرۆنا رۆژ بە رۆژ لە زیاندبووندایە و مەترسی ڤایرۆسەکەش کۆتایی نەهاتووە و تاوەکو ئێستاش زیاتر لە 211 هەزار کەس گیانیان لەدەستداوە، بەڵام لە کرواتیا بازاڕ و شوێنە گشتییەکان دەکرێنەوە و رێکارەکانی دژ بە ڤایرۆسی کۆرۆنا لەم وڵاتە کەمدەکرێنەوە.
لەدوای راگەیاندنی قەدەخەی هاتووچۆ بۆ چەند هەفتەیەک لە دژی ڤایرۆسی کۆرۆنا لە کرواتیا، بەرپرسانی ئەم وڵاتە بڕیاریان دا بە کردنەوەی بازاڕەکان و کەمکردنەوەی رێکارەکانی دژ بە ڤایرۆسەکە.
لە رۆژی دووشەممەوە بازاڕەکان و شوێنە گشتییەکان لە کرواتیا کراونەتەوە، بەڵام هێشتا داوای جێبەجێکردنی رێکارەکانی خۆپارێزی لە خەڵک دەکرێت و هەڕەشەکانی کۆرۆنا بۆ سەر ئەم وڵاتە کۆتاییان نەهاتووە.
بەپێی ئامارە فەرمیەکان دوو هەزار و 39 کەس لە کرواتیا تووشی کۆرۆنابوون، 59 کەس گیانیان لەدەستداوە و هەزار و 166 کەسیش چاکبوونەتەوە.
بەدەر لە کرواتیا، هاوکات لە سویسڕاش بازاڕەکان کراونەتەوە و ئێستا رێگە بە چوونەدەرەوەی خەڵک لەم وڵاتە دەدرێت، بەڵام هێشتا کۆبوونەوەی خەڵک و چالاکییە هونەری و وەرزشییەکان لە سویسڕا قەدەخەن و رێگەپێنەدراون.
هەروەها فەرەنساش پلانی کردنەوەی بازاڕەکانی داناوە و بڕیارە ئەمڕۆ سێشەممە ئێدوارد فلیپ، سەرۆکوەزیرانی فەرەنسا لە گوتارێکیدا لە پەرلەمانی وڵاتەکەی پلانەکە بخاتەڕوو.
پێشتر هەریەکە لە ئیسپانیا و ئەڵمانیا و چەند وڵاتێکی دیکەی ئەوروپا بازاڕەکانیان کردووەتەوە و بڕیاریشە لە داهاتوو رێکارەکان بەرامبەر بەم ڤایرۆسە کەمتربکەنەوە.
ژمارەی تووشبووانی کۆرۆنا لە جیهان سێ ملیۆن کەسی تێپەڕاندووە، تاوەکو ئێستاش زیاتر لە 211 هەزار کەس گیانیان لەدەستداوە و 924 هەزار کەسیش چاکبوونەتەوە.
ئەو وڵاتانەی زۆرترین تووشبووی کۆرۆنایان لێ تۆمارکراوە
ئەمریکا
تووشبوو 1,010,507
چاکبوونەوە 139,162
گیان لەدەستدان 56,803
ئیسپانیا
تووشبوو 229,422
چاکبوونەوە 120,832
گیان لەدەستدان 23,521
ئیتاڵیا
تووشبوو 199,414
چاکبوونەوە 66,624
گیان لەدەستدان 26,977
فەرەنسا
تووشبوو 165,842
چاکبوونەوە 45,513
گیان لەدەستدان 23,293
ئەڵمانیا
تووشبوو 158,758
چاکبوونەوە 114,500
گیان لەدەستدان 6,126
بەریتانیا
تووشبوو 157,149
گیان لەدەستدان 21,092
تورکیا
تووشبوو 112,261
چاکبوونەوە 33,791
گیان لەدەستدان 2,900
ئێران
تووشبوو 91,472
چاکبوونەوە 70,933
گیان لەدەستدان 5,806
رووسیا
تووشبوو 87,147
چاکبوونەوە 7,346
گیان لەدەستدان 794
چین
تووشبوو 82,836
چاکبوونەوە 77,555
گیان لەدەستدان 4,633
