رووداو - هەولێر
وەزارەتی دەرەوەی کۆریای باکوور مایک پۆمپیۆ، وەزیری دەرەوەی ئەمریکا بە "گیای ژەهراوی" ناو دیپلۆماسییەتی ئەمریکا ناودەبات.
ری یۆنگ هو، وەزیری دەرەوەی کۆریای باکوور لە راگەیێندراوێکدا دەڵێت "سێبەرێکی تاریک کەوتووەتە سەر داهاتووی دانوستاندنەکانی نێوان ئەمریکا و کۆریای باکوور".
ری یۆنگ پۆمپیۆ بە بەشێک لە هۆکاری کێشەکان دەزانێت و بە "گیای ژەهراوی" ناو دیپلۆماسییەتی ئەمریکای ناودەبات. دەشڵێت، پۆمپیۆ کەسێکی "بێشەرمە" و لە کاتی سەردانەکەیدا بۆ پیۆنگ یانگ بۆ داماڵینی چەکی ئەتۆمی و باشکردنی پەیوەندییە دووقۆڵییەکان لە کیم جۆنگ ئون پاڕاوەتەوە.
راگەیێندراوەکەی وەزیری دەرەوەی کۆریای باکوور وەڵام بوون بۆ لێدوانەکەی مایک پۆمپیۆ کە گوتبووی سزاکانی ئەمریکا بە تەواوی لەسەر کۆریای باکوور دەمێننەوە تاوەکو ئەوکاتەی ئەو وڵاتە دەستدەکات بە لەنێوبردنی چەکە ئەتۆمییەکانی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ