رووداو دیجیتاڵ
کەسێک لە مۆڵێکی فینلاند بە چەقۆ هێرشی کردە سەر کۆمەڵێک کەس. پۆلیس هێرشکارەکەی دەستگیرکرد و دەڵێت، هیچ مەترسییەک نەماوە.
رۆژی پێنجشەممە 03-07-2025 لە مۆڵی (راتینا) لە شاری تامپێرێی نێوەڕاستی فینلاند، کەسێک بە چەقۆ هێرشی کرد و چەند کەسێکی بریندارکرد.
پۆلیسی شارەکە گەیشتە شوێنی رووداوەکە و هێرشکارەکەیان دەستگیرکرد. تیمەکانی فریاگوزاریش هەر لەوێ چارەسەری سەرەتاییان بۆ کۆمەڵێک بریندار کرد و دواتر بۆ نەخۆشخانەیان گواستنەوە.
گوتەبێژێكی پۆلیسی شارەکە گوتی: "دۆخەکە ئێستا ئارامە و هیچ مەترسییەک لەسەر ژیانی خەڵک نەماوە."
پۆلیس دەڵێت، لێکۆڵینەوە دەستیپێکردووە و تاوەکو ئێستا ناتوانن هیچ زانیارییەک لەبارەی ژمارەی برینداران، رەچەڵەکی هێرشکارەکە و پاڵنەری رووداوەکە بدەن.
.jpg&w=3840&q=75)