رووداو دیجیتاڵ
بەرپرسانی زیندانێک لە شاری ئاڵی باشووری فەرەنسا دەڵێن، بەندکراوێک بە بەکارهێنانی چەقۆ پێنج کەسی لە ستافی زیندانەکەی بە بارمتە گرتووە.
بەندکراوەکە چوار پەرستار و پاسەوانێکی بە بارمتە گرتوون.
رووداوەکە لە شاری ئاڵ روویداوە و بەپێی زانیارییە سەرەتاییەکان، بەندکراوەکە باری دەروونی ناجێگیرە.
بەگوێرەی سەرچاوەکە رووداوەکە لە کاژێر 01:15 خولەکی دوانیوەڕۆی ئەمڕۆ هەینی روویداوە.
پۆلیسی بەندینخانەکە دەڵێت، بەندکراوەکە 37 ساڵە و بەتاوانی "دەستدرێژیکردن" بەندکراوە و پرۆفایلی "تیرۆریستی" نییە.
پۆلیس هەروەها دەڵێت، بەندکراوەکە داوای کردووە بگوازرێتەوە بۆ زیندانێکی دیکە و "ئێستا دۆخەکە ئارام بووەتەوە".
سەرچاوەیەکی ئاگادار لە کەیسەکە دەڵێت، سزای زیندانی بەندکراوەکە تاوەکو ساڵی 2031ـە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ