تیمەکان تابلۆی "ناوچەی مەترسیی هاری" ـیان لە دەروازەی چوونە ژوورەوە و دەرچوونی گوندەکە هەڵواسیوە.
رووداو دیجیتاڵ
لە پارێزگای هاتای ـی تورکیا بەهۆی مەترسیی بڵاوبوونەوەی نەخۆشیی هاریی سەگ، گوندێک کەرەنتین کرا.
بەگوێرەی راگەیێندراوێك، کە رۆژی دووشەممە (6-1-2025) لەلایەن پارێزگای هاتای بڵاوکراوەتەوە، دوای ئەوەی دوو تووشبووی نەخۆشیی هاری لە گوندی چامسرای سەر بە شارۆچکەی کرکهان دەستنیشان کران، بڕیاردرا گوندەکە کەرەنتین بکرێت.
بەپێی راگەیێندراوەکە؛ سەگێک کە هاووڵاتییەک بەناوی محەممەد ئاککوش خاوەنیەتی، گازی لە دوو کەس گرتووە کە تەمەنیان 10 و 52 ساڵە. سەگەکە لەلایەن کارمەندانی بەڕێوبەرایەتیی کشتوکاڵ و دارستانی شارۆچکەکە خراوەتە ژێر چاودێرییەوە. نەخۆشی هاری لە سەگەکەدا دەرکەوتووە و دوای ماوەیەک مردار بووە. بەو هۆیەوە گوندەکە بە "ناوچەی مەترسیی هاری" دەستنیشانکراوە و کەرەنتین کراوە.
بەگوێرەی زانیارییەکان ئەو دوو کەسە ڤاکسینیان لێدراوە و تەندروستییان باشە، بەردەوام لەلایەن بەڕێوەبەرایەتیی تەندروستیی شارۆچکە و پزیشکی خێزانی پەیوەندیدارەوە چاودێری دەکرێن.
تیمەکان تابلۆی "ناوچەی مەترسیی هاری" ـیان لە دەروازەی چوونە ژوورەوە و دەرچوونی گوندەکە هەڵواسیوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ