رووداو دیجیتاڵ
لە ئۆپەراسیۆنێکی هێزە ئەمنییەکانی تورکیادا لە ئیزمیر 53 کۆچبەری نایاسایی دەستبەسەرکران کە دەیانویست بچنە ئەورووپا.
فەرماندەیی ئاسایشی کەناراوەکانی تورکیا بڵاویکردەوە، هێزە ئەمنییەکانیان ئۆپەراسیۆنێکیان لە کەناراوەکانی شارۆچکەی دیکیلی لە پارێزگای ئیزمیر ئەنجامداوە و 53 کۆچبەریان لەنێو بەلەمێک دەستبەسەر کردووە.
دوای جێبەجێکردنی رێکارە یاساییەکان، کۆچبەرەکان رەوانەی فەرمانگەی کۆچی پارێزگاکە کران.
بەگوێرەی ئاماری وەزارەتی ناوخۆی تورکیا، لە هەشت مانگی سەرەتای ئەم ساڵدا 126 هەزار و 766 کۆچبەری نایاسایی لەو وڵاتە دەستبەسەرکراون و زۆربەشیان لەو کاتەدا بوون کە هەوڵیانداوە بچنە ئەورووپا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ