رووداو دیجیتاڵ
لە پارێزگای دیالە، گەنجێکی 24 ساڵ برا بچووکە 14 ساڵانەکەى بە چەقۆ دەکوژێت. بەرپرسێکى پۆلیسی ئەو پارێزگایە دەڵێت "رووداوەکە بەهۆى کێشەى خێزانییەوە بووە و بکوژەکە دەستگیرکراوە."
28ـی ئابی 2023، عەقید هەیسەم شمەرى، بەڕێوەبەرى راگەیاندنى بەڕێوەبەرایەتى پۆلیسی پارێزگای دیالە بە تۆڕى میدیایی رووداوى راگەیاند: شەوى رابردوو (یەکشەممە، 27-8-2023) لە ناحیەى بوهروز، کوڕێکى لەدایکبووى ساڵى 1999 برا بچووکەکەى بە چەقۆ کوشتووە، کە لەدایکبووى ساڵى 2008 بووە."
عەقید هەیسەم شمەرى گوتیشى "رووداوەکە بەهۆی ناکۆکیى خێزانى بووە و لە ماوەیەکى کەمدا بکوژەکە دەستگیرکراوە و رادەستى لایەنى پەیوەندار کراوە، بۆ گرتنەبەرى رێوشوێنى یاسایی."
بەپێی ئاماری وەزارەتى ناوخۆی عێراق، لە ساڵى 2022ـدا پێنج هەزار و 300 کەس لە عێراق لەسەر کێشەی جیاجیا کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ