رووداو دیجیتاڵ
ئەنجوومەنی وەزیرانی عێراق ئەمڕۆ بڕیاریدا پارەی قەرزی گەنمی هەموو ساڵانی رابردووی جووتیارانی هەرێمی کوردستان بدات.
بەگوێرەی ئەو زانیارییانەی تۆڕی میدیایی رووداو لە ئەنجوومەنی وەزیرانی عێراق وەریگرتوون، ئەمڕۆ سێشەممە 4/10/2022، "ئەنجوومەنی وەزیرانی عێراق لە کۆبوونەوەیدا بڕیاریدا پارەی قەرزی گەنمی هەموو ساڵانی رابردووی جووتیارانی هەرێمی کوردستان بدات."
هەر دوێنێ، مستەفا کازمی، سەرۆکوەزیرانی عێراق لە گوتارێکدا لە رێوڕەسمی پێنجەم ساڵڕۆژی کۆچی دوایی مام جەلال لە هەولێر رایگەیاند: بڕیارمانداوە شایستەی دارایی ساڵانی رابردووی جووتیارانی هەرێمی کوردستان خەرج بکەین.
شایستەی گەنمی جووتیارانی هەرێمی کوردستان بۆ ساڵانی 2014 و 2015 و2016 کە 309 ملیار دینارە، لە یاسای ئاسایشی خۆراکی عێراق دیاریکراوە، بەڵام تاوەکو ئێستا وەزارەتی بازرگانیی عێراق پارەکەی خەرج نەکردووە.
.png&w=3840&q=75)