03-01-2020
01:55
پۆمپەیۆ و بەرهەم ساڵح پەیوەندییەکی تەلەفۆنییان ئەنجامدا
بەرهەم ساڵح و پۆمپیۆ وێنە؛ ئەرشیڤ
مایک پۆمپەیۆ وەزیری دەرەوەی ئەمریکا و بەرهەم ساڵح سەرۆککۆماری عێراق پەیوەندییەکانی تەلەفۆنییان ئەنجامدا و باسی هێورکردنەوەی بارودۆخەکەیان کردووە.
بەگوێرەی راگەیێندراوێکی وەزارەتی دەرەوەی ئەمریکا، لە پەیوەندییە تەلەفۆنییەکەدا مایک پۆمپەیۆ باسی بڕیارەکەی سەرۆکی ئەمریکای بۆ بەرهەم ساڵح کردووە لەبارەی هێرشەکەی بەغدا.
هەروەها مایک پۆمپەیۆ وەزیری دەرەوەی ئەمریکا جەختیکردووەتەوە لە پابەندبوونی ئەمریکا بە کەمکردنەوەی گرژییەکان و هێورکردنەوەی بارودۆخەکە. وەزارەتی دەرەوەی ئەمریکا دەشڵێت: "بەرهەم ساڵح هاوڕابووە لەبارەی پێویستی کەمکردنەوەی گرژییەکان لە ناوچەکە".
هەر لە پەیوەندییە تەلەفۆنییەکەدا مایک پۆمپەیۆ پابەندبوونی ئەمریکای بە سەروەری و سەربەخۆیی عێراق دووپاتکردووەتەوە.
زیاتر بخوێنەوە
01:12
ترەمپ: قاسم سولەیمانیمان کوشت بۆئەوەی شەڕێک بووەستێنین
دۆناڵد ترەمپ سەرۆکی ئەمریکا
دۆناڵد ترەمپ سەرۆکی ئەمریکا لە گوتارێکدا کوشتنی قاسم سولەیمانی بۆ ئەوە دەگەڕێنێتەوە کە رێگرییان کردووە لە سەرهەڵدانی شەڕێک. ئەو دەڵێت، هەموو کارێک دەکەم بۆ پاراستنی ئەمریکییەکان و سەردەمی تیرۆریزمی سولەیمانی کۆتاییهات.
دەقی قسەکانی دۆناڵد ترەمپ:
"کاکی تیرۆریست، تۆ کە نیازت هەیە زیان بە هەر ئەمریکییەک بگەیێنیت، دەتدۆزینەوە و لەناوت دەبەین. ئێمە هەمیشە دیپلوماتکارەکانمان، شاندی خزمەتگوزارییەکانمان، هەموو ئەمریکییەکان و هاوپەیمانەکانمان دەپارێزین. بۆ چەندین ساڵ سوپای پاسدارانی ئێران و فەیلەقی دڵرەقی قودس لەژێر فەرمانڕەوایی سولەیمانی، سەتان سیڤیلی ئەمریکی کردووەتە ئامانج و بریندار کردووە. هێرشەکانی ئەمدواییە لەسەر ئامانجەکانی ئەمریکا لە عێراق لەنێوانیاندا ئەو هێرشەی کە بە مووشەک کرا و بووەهۆی کوژرانی ئەمریکییەک و برینداربوونی 4 ئەمریکی دیکە بە خراپی، هەروەها هێرشێکی دووژمنکارانە لەسەر باڵیۆزخانەکەمان لە بەغدا کە بە ئاراستەکردنی سولەیمانی ئەنجامدراوە. سولەیمانی کوشتنی خەڵکی بێتاوانی سیڤیلی کردبووە حەزی نەخۆشی خۆی، ئەمڕۆ ئێمە بە بڕیاردانمان بە رووبەڕووبوونەوەی کۆتاییمان بە سەردەمی تیرۆری ئەو هێناوە. سولەیمانی لەماوەی 20 ساڵی رابردوودا کردەوە تیرۆریستییەکانی ئەنجامدەدا بۆ ناجێگیرکردنی رۆژهەڵاتی نێوەڕاست. ئەوەی کە ویلایەتە یەکگرتووەکانی ئەمریکا دوێنێ ئەنجامیدا دەبوایە پێشتر ئەنجامیبدایە".
21:49
کەنەدا: کارە شەڕەنگێزییەکانی سوپای قودس کاریگەریی خراپیان لەسەر ناوچەکە و جیهان هەبووە
فرانسوا فلیپ، وەزیری دەرەوەی کەنەدا. AFP
لەبارەی هەڕەشە و گرژی و ئاڵۆزییەکانی دوای کوژرانی قاسم سولەیمانی، وەزیری دەرەوەی کەنەدا داوادەکات هەموولایەک دانبەخۆیاندا بگرن و هەوڵی کەمکردنەوەی گرژییەکان بدەن، بەڵام سوپای قودس بە "شەڕەنگێز" ناودەبات کە کاریگەریی خراپیان لەسەر ناوچەکە و جیهان هەبووە.
فرانسوا فلیپ، وەزیری دەرەوەی کەنەدا لە راگەیێندراوێکدا ئاماژە بەوە دەکات، ماوەیەکی زۆرە کەنەدا لە فەیلەقی قودسی سەر بە سوپای پاسداران نیگەرانە کە قاسم سولەیمانی سەرۆکایەتی دەکرد و "کارە شەڕەنگێزییەکانی ئەو هێزەش کاریگەریی خراپیان لەسەر سەقامگیری ناوچەکە و شوێنەکانی دیکەی جیهان هەبووە".
کەنەدا ئەندامێکی هاوپەیمانیی نێودەوڵەتیی دژی داعشە و نزیکەی 850 راوێژکاری سەربازیی لە ناوچەکەدا هەن.
21:25
بەشار ئەسەد: یادی قاسم سولەیمانی لە ویژدانی گەلی سووریا بە زیندوویی دەمێنێتەوە
بەشار ئەسەد، سەرۆککۆماری سووریا. وێنە: AFP
بەشار ئەسەد، سەرۆککۆماری سووریا بەبۆنەی کوژرانی قاسم سولەیمانی دوو پەیامی بۆ عەلی خامنەیی، رابەری شۆڕشی ئیسلامیی ئێران و حەسەن رووحانی، سەرۆککۆماری ئێران نارد و دەڵێت "یادی قاسم سولەیمانی لە ویژدانی گەلی سووریا بە زیندوویی دەمێنێتەوە".
بەشار ئەسەد لە پەیامیدا بۆ عەلی خامنەیی بەناوی گەلی سووریاوە سەرەخۆشی لە گەلی ئێران کردووە و رایگەیاندووە "یادی قاسم سولەیمانی لە ویژدانی گەلی سووریا بە زیندوویی دەمێنێتەوە و وەستانی شانبەشانی سوپای سووریا لەبیرناکەین".
سەرۆککۆماری سووریا جەختیشی کردووەتەوە "ئەم تاوانە بەرەی بەرهەڵستکاری سوورتر دەکات بۆ وەستانەوە بەڕووی سیاسەتی تێکدەرانەی ئەمریکا لە ناوچەکە".
لە پەیامیدا بۆ حەسەن رووحانی، بەشار ئەسەد دەڵێت "وەستانی شەهید سولەیمانی لەپاڵ گەل و سوپای سووریا لە جەنگی دژ بە تیرۆر و رۆڵی گەورەی لە سەرکەوتنەکان، هەمیشە لە ویژدانی گەلی سووریادا دەمێنێتەوە".
بەشار ئەسەد دەشڵێت "شەهیدبوونی ئەو سەرکردانەی ژیانی خۆیان بۆ خزمەتی بەرهەڵستکاری تەرخانکرد، سووربوونی نەوەکانی داهاتوو لە بەرهەڵستکاران پتەودەکات بۆ دانانی سنوورێک بۆ سیاسەتە دوژمنکارانەکان کە مافەکانی گەلان و سەروەریی وڵاتان پێشێل دەکات کە ئەمریکا لە ناوچەکەمان پەیڕەوی دەکات".
21:12
ئەمریکا سێ هەزار و 500 سەربازی دیکە دەنێرێتە رۆژهەڵاتی نێوەڕاست
ناردنی هێزی ئەمریکی لە دوو رۆژی رابردوو بۆ رۆژهەڵاتی نێوەڕاست. وێنە: AFP
پێنتاگۆن رایگەیاند، سوپای ئەمریکا دوای کوژرانی قاسم سولەیمانی، فەرماندەی سوپای قودس، نزیکەی سێ هەزار و 500 سەربازی دیکە دەنێرێتە رۆژهەڵاتی نێوەڕاست.
بەپێی زانیارییەکان، سەربازەکان لە عێراق، کوەیت و چەند ناوچەیەکی دیکە بڵاودەکرێنەوە و فەرمانیان پێ کراوە کە لە بەرامبەر هەڕەشەکانی دوای کوژرانی سولەیمانی لەئەرکدابن.
بەپێی میدیاکانی ئەمریکا، لەو سێ هەزار و 500 سەربازە 700 سەربازیان بەرەو رۆژهەڵاتی نێوەڕاست بەڕێکەوتوون، بەڵام ئەمە وەڵامدانەوەیەکی راستەوخۆ نابێت بۆ دۆخی دوای کوژرانی سولەیمانی.
پێشتر ئەمریکا داوای لە هاووڵاتییانی وڵاتەکەی کرد عێراق جێبهێڵن و وەزارەتی بەرگریی ئەمریکاش رایگەیاند کە "سولەیمانی بە شێوەیەکی چالاک پلانی دادەنا بۆ هێرشکردنە سەر دیپلۆماتکارانی ئەمریکا لە عێراق و ناوچەکە".
زیاتر بخوێنەوە
19:53
رێبەری ئێران سەردانی ماڵی قاسم سولەیمانی دەکات
رێبەری ئێران لە ماڵی قاسم سولەیمانی
رووداو-هەولێر
عەلی خامنەیی، رێبەری کۆماری ئیسلامی ئێران سەردانی ماڵی قاسم سولەیمانی دەکات و سەرەخۆشی لە هاوژین و دوو منداڵەکەی دەکات.
رێبەری کۆماری ئیسلامی ئێران لە گوتەیەکیدا بۆ بنەماڵەی قاسم سولەیمانی گوتی: "حاج قاسم زۆرجار رووبەڕووی شەهیدبوون بووەتەوە بەڵام لە رێهەی خودا و ئەنجامدانی بەرپرسیاریەتی و جیهاد، لە هیچ کەس و هێچ شتێک نەدەسڵەمییەوە".
رێبەری شۆڕشی ئیسلامی ئێران کوژرانی قاسم سولەیمانی بەدەستی ئەمریکییەکان کە بە ناپاکترین کەسەکانی جیهان ناویان دەهێنێت، بە تایبەتمەندییەکی نایاب بۆی ناوی دەهێنێت و دەڵێت: "جیهادی ئەو جیهادێکی گەورە بوو و خواش شەهیدبوونێکی گەورەی کردە خەڵاتی. حاج قاسم دەبوایە هەر بەو شێوەیە دەبوایە شەهیدبوایە".
عەلی خامنەیی، رێبەری کۆماری ئیسلامی ئێران سەردانی ماڵی قاسم سولەیمانی دەکات و سەرەخۆشی لە هاوژین و دوو منداڵەکەی دەکات.
رێبەری کۆماری ئیسلامی ئێران لە گوتەیەکیدا بۆ بنەماڵەی قاسم سولەیمانی گوتی: "حاج قاسم زۆرجار رووبەڕووی شەهیدبوون بووەتەوە بەڵام لە رێهەی خودا و ئەنجامدانی بەرپرسیاریەتی و جیهاد، لە هیچ کەس و هێچ شتێک نەدەسڵەمییەوە".
رێبەری شۆڕشی ئیسلامی ئێران کوژرانی قاسم سولەیمانی بەدەستی ئەمریکییەکان کە بە ناپاکترین کەسەکانی جیهان ناویان دەهێنێت، بە تایبەتمەندییەکی نایاب بۆی ناوی دەهێنێت و دەڵێت: "جیهادی ئەو جیهادێکی گەورە بوو و خواش شەهیدبوونێکی گەورەی کردە خەڵاتی. حاج قاسم دەبوایە هەر بەو شێوەیە دەبوایە شەهیدبوایە".
19:08
ئاکپارتی: هەوڵەکان بۆ ئەوەن عێراق ببێتە دەوڵەتی پاشکۆ
لۆگۆی ئاکپارتی
بەهۆی دۆخی ناوچەکە و گرژییەکان ئەنجوومەنی ئاسایشی تورکیا بە سەرۆکایەتی رەجەب تەیب ئەردۆغان کۆبووەوە، بەڵام وردەکاریی تەواو لەبارەی کۆبوونەوەکە بڵاونەکراوەتەوە، گوتەبێژی ئاکپارتی لەبارەی گرژییەکانەوە دەڵێت "هەوڵەکان بۆ ئەوەن عێراق ببێتە دەوڵەتی پاشکۆ".
عومەر چەلیک، گوتەبێژی ئاکپارتی نیگەرانیی بەرامبەر ئۆپەراسیۆنی کوشتنی قاسم سولەیمانی نیشاندا و ئاماژەی بە چەند هەوڵ و هەنگاوێک کرد بۆئەوەی عێراق بکەنە دەوڵەتی پاشکۆ و لە تۆڕی کۆمەڵایەتیی توویتەر نووسیویەتی "هەر چالاکییەک کە ببێتە هۆی دروستبوونی ناسەقامگیری لە عێراق، دژی هەموو ناوچەکەیە. ئەو هێرشەی کرایە سەر قاسم سولەیمانی فەرماندەی سوپای قودس لە سوپای پاسدارانی ئێران و ئەوانەی لەگەڵیدا بوون، دەبێتە هۆکاری دروستبوونی ناسەقامگیریی زیاتری ناوچەکە. ئەمە هەم دژی گەلی عێراقە و هەمیش دژی تەواوی ناوچەکەیە".
چەلیک ئاماژەی بەوەش کردووە "دەستوەردانی دەرەکی، چالاکییەکانی کوشتن، پێکدادانی لایەنەکان و شەڕە مەزهەبییەکان کە هەوڵن بۆئەوەی عێراق بکەنە دەوڵەتێکی پاشکۆ، عێراق تووشی ناسەقامگیری زیاتر دەکەن".
گوتەبیژی ئاکپارتی ئامادەیی تورکیای بۆ تۆکمەکردنی سەقامگیری و ئاسایشی ناوچەکە نیشاندا.
18:50
بنەماڵەی قاسم سولەیمانی: رێوڕەسمی بەخاکسپاردنی سولەیمانی یەکشەممە بەڕێوەدەچێت
قاسم سولەیمانی، فەرماندەی سوپای قودس. وێنە: AFP
بنەماڵەی قاسم سولەیمانی، فەرماندەی سوپای قودس سەر بە سوپای پاسدارانی ئێران رایگەیاندووە، رێوڕەسمی ماڵئاوایی لە تەرمی قاسم سولەیمانی رۆژی یەکشەممە 5-1-2020 لە زانکۆی تاران بەڕێوەدەچێت.
بە گوتەی بنەماڵەی سولەیمانی، عەلی خامنەیی، رێبەری کۆماری ئیسلامی لەسەر تەرمی سولەیمانی نوێژ دەخوێنێت.
هاوکات بڕیارە رۆژی شەممە 4-1-2020 رێوڕەسمی ماڵئاوایی لە تەرمی سولەیمانی و کوژراوەکانی دیکەی هێرشی ئەمریکا، لە بەغدا بەڕێوەبچێت.
18:33
سەرۆکی پەرلەمانی عێراق سەرکۆنەی کوشتنی ئەبومەهدی موهەندیس دەکات
محەممەد حەلبووسی، سەرۆکی پەرلەمانی عێراق
سەرۆکی پەرلەمانی عێراق سەرکۆنەی کوشتنی ئەبومەهدی موهەندیس، جێگری سەرۆکی دەستەی حەشدی شەعبی دەکات و دەڵێت "موهەندیس رۆڵێکی دیاری هەبوو لە شەڕی ئازادکردنی خاکی عێراق لەدەستی داعش".
دوای کوژرانی قاسم سولەیمانی و ئەبومەهدی موهەندیس، لە راگەیێندراوێكدا محەممەد حەلبووسی ئاماژەی بەوە کردووە، سەرخۆشی لە كۆماری ئیسلامی ئێران دەكەن لە بەرامبەر "شەهیدبوونی حاجی قاسم سلیمانی" و دەڵێت "بە خەمێکی گەورەوە هەواڵی شەهیدبوونی حاجی سەرکردە ئەبومەهدی موهەندیس، جێگری سەرۆکی دەستەی حەشدی شەعبیمان پێگەیشت".
سەرۆکی پەرلەمانی عێراق ئاماژەی بەوەش کرد، ئەوەی کە لە ناوچەی دەورووبەری فڕۆکەخانەی بەغدای نێودەوڵەتی روویدا پێشێلکردنێکی روونی سەروەریی خاکی عێراقە و دژ بە یاسا و پەیماننامە نێودەوڵەتییەکانە.
حەلبووسی باسی لەوە کردووە، هەر ئۆپەراسیۆنێكی سەربازی و ئەمنی کە لەسەر خاکی عێراق بکرێت، دەبێت بە رەزامەندی حکومەتی عێراق ئەنجامبدرێت و گوتیشی "هۆشداری دەدەین لە دەرهاویشتەکانی ئەو کارە کە هەڕەشە لە ئاشتیی عێراق و ناوچەکە دەکات، داوادەکەین عێراق دووربخرێتەوە لەوەی کە ببێتە گۆڕەپانی شەڕکردن و ململانێی هەرێمی".
18:31
ئەنجوومەنی باڵای ئاسایشی نیشتمانی ئێران: لەکات و ساتی گونجاو تۆڵەدەکەینەوە
کۆبوونەوەیەکی پێشووی سکرتاریەتی ئەنجوومەنی ئاسایشی نیشتمانی ئێران لەگەڵ رێبەری ئەو وڵاتە
ئەنجوومەنی باڵای ئاسایشی نیشتمانی ئێران دوای کۆبوونەوەی ئەمڕۆ لەبارەی کوژرانی قاسم سولەیمانی فەرماندەی سوپای قودس رایگەیاند، هەروەک رێبەری ئێران گوتی، تۆڵەیەکی تووند دەکەینەوە و تۆڵەکردنەوەکەش لەو تاوانبارانە لەکات و ساتی گونجاودا دەبێت.
ئەنجوومەنی باڵای ئاسایشی نیشتمانی ئێران دەڵێت: "ئەوانەی دڵیان بەو تاوانە خۆش کردووە دەبێت بزانن کە ئەو جۆرە هەنگاوانە کوێر وترسنۆکانەیە و ئیرادەی کۆماری ئیسلامی ئێران لە درێژەپێدانی بەبێ پاشەکشە لە سیاسەتەکانی خۆڕاگریی چالاک، بەهێزتر دەکات".
18:04
سیناتۆرێکی ئەمریکی: بەهێزترین پیاوی تارانمان کوشت
لیندزی گراهام، سیناتۆری ئەمریکی. وێنە: AP
سیناتۆرێکی پارتی کۆماریی ئەمریکا، نزیک لە ئیدارەی ترەمپ لەبارەی کوشتنی قاسم سولەیمانی رایگەیاند، بەهێزترین پیاوی نێو تارانیان کوشتووە.
لیندزی گراهام، سیناتۆری ئەمریکی لە کۆمارییەکان لە توویتێکدا رایگەیاند "کوشتنی قاسم سولەیمانی تۆڵەسەندنەوە نەبوو لەو کارانەی کە ئەو لە رابردوودا ئەنجامیداون، بەڵکو کردەوەیەکی پێشوەختەی ئێـمە بوو دژ بە کەسێك کە بڕیاربوو چەندین هێرش بۆسەرمان رێکبخات".
17:57
تورکیا لەبارەی کوژرانی سولەیمانی: سەقامگیری و ئاسایشی ناوچەکە تێکدەدات
قاسم سولەیمانی، فەرماندەی پێشووی سوپای قودس. وێنە: AFP
وەزارەتی دەرەوەی تورکیا رایگەیاند، ئەو ئۆپەراسیۆنەی ئەمریکا ئاسایش و سەقامگیریی ناوچەکە زیاتر تێکدەدات، گوتەبێژی سەرۆکایەتیی کۆماری تورکیاش نیگەرانیی لەبارەی دروستبوونی گرژی لە خاکی عێراق دەربڕی.
وەزارەتی دەرەوەی تورکیا یەکەمین هەڵوێستی لەبارەی کوژرانی قاسم سولەیمانی، فەرماندەی پێشووی سوپای قودس بڵاوکردەوە و رایگەیاندووە "نیگەرانیی خۆمان لەبارەی گرژییەکانی ئەمریکا - ئێران لە ناوچەکە رادەگەیێنین؛ روونە کە ئۆپەراسیۆنی ئاسمانیی ئەمریکا دەبێتە هۆی تێکچوونی زیاتری سەقامگیری و ئاسایشی ناوچەکە".
وەزارەتی دەرەوەی تورکیا جەختی لەوە کردووەتەوە و هۆشداریی داوە لەوەی، ئەگەر عێراق ببێتە مەیدانی پێکدادان، زیان بە ئاشتەوایی و سەقامگیریی ناوچەکە دەگات.
هاوکات ئیبراهیم کاڵن، گوتەبێژی سەرۆکایەتیی کۆماری تورکیا لە تۆڕی کۆمەڵایەتیی تویتەر توویتێکی بڵاوکردەوە و نووسیویەتی "ئێمە وەکو تورکیا بانگهێشتی تەواوی لایەنەکان دەکەین بۆئەوەی هیچ هەنگاوێک نەنێن کە ببێتە هۆی هەڵکشانی زیاتری گرژییەکان".
گوتەبێژی سەرۆکایەتیی کۆماری تورکیا ئاماژەی بەوە کردووە "وڵاتەکەمان لەپێناو دەستەبەرکردنی ئاشتەوایی ناوچەیی و جیهانی بەردەوامدەبێت لە بەکارهێنانی تەواوی تواناکانی بەشێوەیەکی بەرفراوان".
زیاتر بخوێنەوە
17:18
ترەمپ: دەبوایە چەندین ساڵ پێش ئێستا سولەیمانی بکوژرایە
رووداو
سەرۆکی ئەمریکا لە نوێترین توویتی سەبارەت بە کوژرانی فەرماندەی سوپای قودسی سوپای پاسداران، بە بەرپرسیار لە کوشتنی ملیۆنەها کەس ناوی دەبات و دەڵێت، هەزاران ئەمریکی کوشتووە و بریندارکردووە و پلانی هەبوو ژمارەیەکی زیاتر ئەمریکی بکوژێت.
دۆناڵد ترەمپ، سەرۆکی ئەمریکا دەڵێت: "قاسم سولەیمانی کەسێک بوو لە ناو ئێراندا خەڵکی رقی لێدەبووەوە و لێی دەترسا، بەڵام ئێران بەئاشکرا دان بەوەدا نانێت". ئەو دەڵێت: "دەبوایە چەندین ساڵ پێش ئێستا قاسم سولەیمانی بکوژرایە".
....of PROTESTERS killed in Iran itself. While Iran will never be able to properly admit it, Soleimani was both hated and feared within the country. They are not nearly as saddened as the leaders will let the outside world believe. He should have been taken out many years ago!
— Donald J. Trump (@realDonaldTrump) January 3, 2020
کوژرانی قاسم سولەیمانی سەرەتای کۆتاییهاتنی دانوستاندنەکانی نێوان ئەمریکا و ئێرانە؟
زنار شینۆ لەبارەی کاردانەوەی وڵاتانی ئەوروپی رایگەیاند: "وڵاتانی ئەوروپی پێیانوایە لە کوشتنی قاسم سولەیمانی مەترسی ئەوە هەیە ئێران تۆڵەبکاتەوە و ئەوان مەترسیی ئەوەیان هەیە لەئەگەری تۆڵەکردنەوەی ئێران کاردانەوەی گەورەی هەم لە ئەوروپا و هەم لە رۆژهەڵاتی ناوەڕاست لێبکەوێتەوە".
زنار گوتی: "وڵاتانی ئەوروپی هەموویان داوادەکەن ئاڵۆزییەکان کەمتر ببنەوە. وەزیری دەرەوەی بەریتانیا دەڵێت ئێمە پێشووتر دانمان بەوەدا ناوە کە هەژموونی ئێران و بەتایبەتیش قاسم سولەیمانی مەترسییەکی دووژمنکارانەی هەبووە لە ناوچەکەدا بۆیە دوای مردنەکەی( ناڵێت کوژرانی) داوا لە هەموو لایەک دەکات دان بەخۆیاندا بگرن".
پەیامنێری رووداو لە ئەوروپا دەڵێت: "هەوڵەکانی پێشووتری ئەوروپییەکان نەگەیشتە ئاستی دانوستاندنی نێوان ئێران و ئەمریکا و دۆستایەتییەک لەنێوانیاندا دروستبێت". گوتیشی: "لەزمانی فەرمی ئەم رووداوەی ئێستا بە سەرەتای کۆتاییهاتنی دانوستاندنەکانی نێوان ئەمریکا و ئێران ناودەبرێت".
زیاتر بخوێنەوە
16:31
نەتەنیاهو: سولەیمانی بەرپرسبوو لە کوشتنی خەڵکی بێتاوان
بنیامین نەتەنیاهو، سەرۆکوەزیرانی ئیسرائیل. وێنە: AP
سەرۆکوەزیرانی ئیسرائیل بەرگری لە بڕیاری کوشتنی سولەیمانی دەکات لەلایەن ئەمریکاوە و رایگەیاند، قاسم سولەیمانی بەرپرسبووە لە کوشتنی خەڵکی بێتاوان و هاووڵاتی ئەمریکی.
بنیامین نەتەنیاهو، سەرۆکوەزیرانی ئیسرائیل رۆژی هەینی (3-1-2020) لەدوای گەڕانەوەی بۆ ئیسرائیل لە فڕۆکەخانە لەبارەی کوژرانی سولەیمانی رایگەیاند، قاسم سولەیمانی بەرپرسبوو لە کوشتنی خەڵکی بێتاوان و هاووڵاتییانی ئەمریکی.
نەتەنیاهوئاماژەی بەوەش کردووە، سولەیمانی پلانی ئەنجامدانی چەندین هێرشی دیکەی دانابوو، بەڵام وەک چۆن ئیسرائیل مافی ئەوەی هەیە بەرگری لە خۆی بکات، ئەمریکاش بەهەمان شێوە ئەو مافەی هەیە بەرگری لە خۆی بکات.
سەرۆکوەزیرانی ئیسرائیل لەکاتی کوژرانی قاسم سولەیمانی بە سەردانێک لە یۆنان بووە، بەڵام ماوەی سەردانەکەی کورتکردووەتەوە و گەڕاوەتەوە بۆ ئیسرائیل. بەپێی سەرچاوەکان، دوای هەڕەشەکانی ئێران سوپای ئیسرائیلیش بەتەواوی خراوەتە حاڵەتی ئامادەباشییەوە.
زیاتر بخوێنەوە
بنیامین نەتەنیاهو، سەرۆکوەزیرانی ئیسرائیل رۆژی هەینی (3-1-2020) لەدوای گەڕانەوەی بۆ ئیسرائیل لە فڕۆکەخانە لەبارەی کوژرانی سولەیمانی رایگەیاند، قاسم سولەیمانی بەرپرسبوو لە کوشتنی خەڵکی بێتاوان و هاووڵاتییانی ئەمریکی.
نەتەنیاهوئاماژەی بەوەش کردووە، سولەیمانی پلانی ئەنجامدانی چەندین هێرشی دیکەی دانابوو، بەڵام وەک چۆن ئیسرائیل مافی ئەوەی هەیە بەرگری لە خۆی بکات، ئەمریکاش بەهەمان شێوە ئەو مافەی هەیە بەرگری لە خۆی بکات.
سەرۆکوەزیرانی ئیسرائیل لەکاتی کوژرانی قاسم سولەیمانی بە سەردانێک لە یۆنان بووە، بەڵام ماوەی سەردانەکەی کورتکردووەتەوە و گەڕاوەتەوە بۆ ئیسرائیل. بەپێی سەرچاوەکان، دوای هەڕەشەکانی ئێران سوپای ئیسرائیلیش بەتەواوی خراوەتە حاڵەتی ئامادەباشییەوە.
16:09
فه‌رمانبه‌ره ئه‌مریكییه‌كانی كۆمپانیاكانی نه‌وت له به‌سره، عێراق جێده‌هێڵن
کێڵگە نەوتییەکانی بەسرە. وێنە: Reuters
ئاژانسی هەواڵیی رۆیته‌رز بڵاویكرده‌وه، فه‌رمانبه‌ر و كارمه‌نده ئه‌مریكییه‌كانی كۆمپانیاكانی نه‌وت له به‌سره، ئاماده‌كاری ده‌كه‌ن بۆ جێهێشتنی عێراق، وەزارەتی نەوتی عێراقیش رۆیشتنی فەرمانبەرانی ئەمریكا لە بەسرە پشتڕاست دەكاتەوە.
به‌پێی ئه‌و زانیارییانه‌ی ئاژانسی رۆیتەرز له چه‌ند سه‌رچاوه‌یه‌كه‌وه ده‌ستیكه‌وتووه، ده‌یان فه‌رمانبه‌ر و كارمه‌ندی ئه‌مریكی لەنێو كۆمپانیاكانی نه‌وت له به‌سره، به‌هۆی پێشهاته‌كانی دوای كوشتنی قاسم سوله‌یمانی، ئه‌بومه‌هدی موهه‌ندیس و ژماره‌یه‌ك له سه‌ركرده‌كانی حه‌شدی شه‌عبی، ئاماده‌كاری ده‌كه‌ن بۆئه‌وه‌ی عێراق جێبهێڵن، وەزارەتی نەوتی عێراقیش رایگەیاند "ژمارەیەك لەو ئەمریكییانەی لە كۆمپانیا بیانییەكانی نەوت لە شاری بەسرە كاردەكەن لە شارەكە دەڕۆن".
وەزارەتی نەوت ئاماژەی بەوە کردووە "سەرجەم كێڵگە نەوتییەكانی وڵات لە كارەكانیان بەردەوامن و رۆیشتنی فەرمانبەرانی ئەمریكی و رووداوەكەی شەوی رابردووی فڕۆكەخانەی بەغدا هیچ كاریگەریی لەسەر پرۆسەی بەرهەمهێنان و هەناردەی نەوت نەكردووە".
بەپێی راگەیێندراوەکەی وەزارەتی نەوتی عێراق "دوای تیرۆركردنی قاسم سولەیمانی، فەرماندەی فەیلەقی قودسی ئێران و ئەبو مەهدی موهەندیس، جێگری سەرۆكی دەستەی حەشدی شەعبی، ئەمریكا داوای لە هاوڵاتییانی كرد دەستبەجێ عێراق جێبهێڵن و ژمارەیەك لەو ئەمریكیانەی لە كۆمپانیا نەوتییە ئەمریكییەکان لە عێراق كاردەكەن دەستیان بە رۆیشتن كردووە".
15:56
عەلاوی: عێراق لە ترسناکترین قۆناخدایە
ئەیاد عەلاوی، سەرۆکی هاوپەیمانیی عێراقییە. وێنە: AP
سەرۆکی هاوپەیمانیی عێراقییە رایدەگەیێنێت، عێراق لە ترسناکترین قۆناخەکاندایە و داوای کۆبوونەوەیەکی هەرێمی دەکات تاوەکو تەواوی ناوچەکە بەرەو کەناری ئاشتی ببات.
ئەیاد عەلاوی، سەرۆکی هاوپەیمانیی عێراقییە لە راگەیێندراوێکدا رایگەیاند، "لە ترسناکترین قۆناخی مێژووی عێراق و ناوچەکەداین کە یەکێکە لە دەرەنجامەکانی ئاڵۆزییەکان و پێشتریش هۆشداریمان لەبارەوە دابوو".
عەلاوی دەڵێت، پێشتر داوامان کرد و ئەمڕۆش داواکە دووبارە دەکەینەوە "داوای ئەنجامدانی کۆبوونەوەیەکی هەرێمی دەکەین تاوەکو تەواوی ناوچەکە بەرەو کەناری ئاشتی ببات، دانایی و لێزانی گرنگترین کارە، کاری لەپێشینەش پاراستنی عێراق و عێراقییەکان و سەقامگیری و دوورکەوتنەوەیە لە جەنگ و کاریگەرییەکانی".
15:51
ترەمپ: ئێران لە هیچ شەڕێکدا براوە نەبووە
دۆناڵد ترەمپ، سەرۆکی ئەمریکا
لە یەکەم لێدوانیدا لەدوای کوژرانی قاسم سولەیمانی لەلایەن هێزەکانی ئەمریکا لە بەغدا، دۆناڵد ترەمپ، سەرۆکی ئەمریکا رایگەیاند ''ئێران لە هیچ شەڕێکدا براوە نەبووە و لە هیچ دانوستاندنێکیشدا نەدۆڕاوە".
مایک پۆمپەیۆ، وەزیری دەرەوەی ئەمریکا لە لێدوانێکیدا بۆ کەناڵی سی ئێن ئێنی ئەمریکی گوتی "هێرشەکەی ئەمریکا پشتبەستوو بوو بە زانیاری هەواڵگری کە ئاماژەی بەوە دەدا قاسم سولەیمانی پلانی دادەڕشت بۆ ئەنجامدانی هێرشێک لە ناوچەکەدا".
وەزیری دەرەوەی ئەمریکا دەشڵێت "ئەو هێرشەی کە قاسم سولەیمانی تێیدا کوژرا، بووە هۆی ئەوەی کە ژیانی دەیان خەڵکی ئەمریکی پارێزراوبێت. ئەو هێرشانەش کە قاسم سولەیامنی پلانی بۆ دانابوو. بڕیاربوو لە رۆژهەڵاتی نێوەڕاست ئەنجامیان بدات".
زیاتر بخوێنەوە
15:27
ئۆپەراسیۆنە هاوبەشەكان: هێرشەکەی ئەمریکا لادانە لە ئەرک و دەرچوونە لە چوارچێوەی كاری بەرەنگاربوونەوەی داعش
عەبدولئەمیر یارەڵڵا، جێگری فەرماندەی ئۆپەراسیۆنە هاوبەشەكان
فەرماندەیی ئۆپەراسیۆنە هاوبەشەكانی عێراق رایگەیاند، تیرۆركردنی جێگری سەرۆكی دەستەی حەشدی شەعبی پێشێلكردنێكی روونی سەروەریی عێراقە و ئاماژە بەوە دەکات، هێرشەکەی ئەمریکا لادانە لە ئەرک و دەرچوونە لە چوارچێوەی كاری بەرەنگاربوونەوەی داعش.
عەبدولئەمیر یارەڵڵا، جێگری فەرماندەی ئۆپەراسیۆنە هاوبەشەكان لە بەیاننامەیەكدا رایگەیاند "فەرماندەیی ئۆپەراسیۆنە هاوبەشەكان پرسە و سەرەخۆشی ئاراستەی خانەوادەی جەمال جەعفەر ئیبراهیمی، ناسراو بە ئەبومەهدی موهەندیس، جێگری سەرۆكی دەستەی حەشدی شەعبی دەكات، كە شەوی رابردوو لە هێرشێكی فڕۆكە جەنگییەكانی ئەمریكا لەنزیك فڕۆكەخانەی نێودەوڵەتیی بەغدا لەگەڵ ژمارەیەك لە ئەندامانی دەستەی حەشدی شەعبی تیرۆركرا".
جێگری فەرماندەی ئۆپەراسیۆنە هاوبەشەکانی عێراق گوتیشی "ئەبومەهدی موهەندیس رۆڵی گەورەی هەبوو لە پرۆسەی ئازادكردن و رووبەڕووبوونەوەی داعش، پەرۆشين بۆ لەدەستدانی سەركردەیەكی عێراقی كە بوێرانە رووبەڕووی تیرۆر بووەوە، جەختيش دەكەین تیرۆركردنی پێشێلكردنی سەروەریی عێراقە و دەرچوونە لە چوارچێوەی كاری هێزەكانی ئەمریكی لە بەرەنگاربوونەوەی داعش و هاوكاریكردنی هێزە عێراقییەكان".
14:57
بەرهەم ساڵح: خەمبارین بە شەهیدبوونی قاسم سولەیمانی و ئەبو مەهدی موهەندیس
بەرهەم ساڵح، سەرۆککۆماری عێراق.
سەرۆککۆماری عێراق داوا لە هەمووان دەکات دان بە خۆیان بگرن و بەرژەوەندیی باڵای نیشتمانی بخرێتە سەرووی هەموو شتێکەوە و خەمباری خۆی بە "شەهیدبوونی قاسم سولەیمانی و ئەبومەهدی موهەندیس" دەربڕی.
دکتۆر بەرهەم ساڵح، سەرۆککۆماری عێراق لە راگەیێندراوێکدا لەبارەی کوژرانی قاسم سولەیمانی و مەهدی موهەندیس دەڵێت "بە خەم و پەژارەوە هەواڵی شەهیدبوونی هەردوو سەرکردە ئەبومەهدی موهەندیس، جێگری سەرۆکی دەستەی حەشدی شەعبی و قاسم سولەیمانی-مان پێگەیشت کە رۆڵێکی گرنگ و یەکلاییکەرەوەیان هەبوو لە شەڕی دژی داعشی تیرۆریست".
سەرۆککۆماری عێراق جەخت لەوە دەکاتەوە، ئیدانەی ئەو پەلامارە دەکەین کە فەرماندە ئەمنییەکانی دامەزراوەی سەربازیی عێراقی کردووەتە ئامانج، بێگومان کاریگەری و لێکەوتەی ئەمنی بەسەر عێراق و ناوچەکە دەبێت، ئەگەر خوانەخواستە هۆشمەندان دەستپێشخەر نەبن و دەنگی عەقڵ و لۆژیک باڵا نەبێت و کاریگەرە کەڵەکەبووەکانی ئەو پەلامارە چارەنەکرێن کە بە روونی هەڕەشەیە بۆسەر ئاشتیی ناوچەکە و عێراق.
بەرهەم ساڵح ئاماژەی بەوە کردووە، داوا لە هەمووان دەکەین دان بە خۆیان بگرن، دەنگی عەقڵ و دانایی و بەرژەوەندی باڵای نیشتمانی بخرێتە سەرووی هەموو شتێکەوە.
سەرۆککۆماری عێراق لە بەیاننامەکەدا ئەوەی خستووەتەڕوو، لەو دۆخە تایبەتە ئەرکمانە پابەندبین بە یەکڕیزی و تێپەڕاندنی ناکۆکییەکان لەپێناو پاراستنی بەرژەوەندیی باڵای نیشتمانی، پاراستنی سەروەری و ئاسایشی عێراق، دوورخستنەوەی وڵات لە کارەسات و ململانێی سەربازی کە ماوەی چوار دەیەی رابردوودا هەبووە، تاوەکو ئێستاش کاریگەری و برینەکانی ساڕێژ نەبوون.
درەنگانی شەوی رابردوو لە هێرشێکدا هەریەکە لە ئەبو مەهدی موهەندیس، جێگری سەرۆکی دەستەی حەشدی شەعبی و قاسم سولەیمانی، سەرۆکی سوپای قودس کوژران، وەزارەتی بەرگریی ئەمریکاش رایگەیاندووە "بە فەرمانی سەرۆکی ئەمریکا، سوپای ئەمریکا هێرشێکی یەکلاکەرەوەی ئەنجامدا بەمەبەستی پاراستنی ئەمریکییەکان لە دەرەوەی وڵات لە رێگەی کوشتنی قاسم سولەیمانی، سەرۆکی سوپای قودس کە کەسێکە پێشتر بە تیرۆریست لەقەڵەم دراوە".
دەقی راگەیێندراوەکەی بەرهەم ساڵح، سەرۆککۆماری عێراق
بەو پەڕی دڵگرانی و ماتەمینییەوە هەواڵی شەهیدبوونی هەردوو سەركردە شەهید حاج ئەبومەهدی موهەندیس، جێگری سەرۆكی دەستەی حەشدی شەعبی و شەهید حاج قاسم سولەیمانی-م پێگەیشت، كە رۆڵێكی گرنگ و كارایان گێڕا لە بەگژاچوونەوەی گرووپی تیرۆریستی داعش و ئەو جەنگەیان زۆر خۆنەویستانە و بە وێنایەكی جوانەوە بردەوە.
ئێمە ئیدانەی ئەو هێرشە دووژمنکارییە دەکەین کە فەرماندە ئەمنییەکانی حکومەتی عێراق دەکاتە ئامانج کە بێ گومان کاریگەری ئەمنی لەسەر عێراق و ناوچەکە دەبێت کە خوانەخواستە ئەگەر عاقڵمەندان دەنگی هەرە بەرزی چارەسەکردن نەبن و هەوڵی نەهێشتنی کاریگەری ئەو هێرشە دووژمنکارییە نەدەن کە هەڕەشەیە لەسەر ئاشتی ناوچەکە و عێراق.
داوا لە هەموو لایەك دەكەین كە دان بەخۆدا بگرن و دەنگی عەقڵ و ژیری زاڵ بكەن و بەرژەوەندی باڵای نیشتمانی بخەنە پێشەوە.
لەم دۆخە هەستیارەدا ئەركمانە یەكێتیمان بپارێزین و ریزەكانمان یەك بخەین و جیاوازییەكان بە كاتی وەلا بنێین لە پێناو پارێزگاریكردن لە بەرژەوەندی نیشتمانی باڵا و پارێزگاریكردن لە سەروەری عێراق و ئاسایشەكەی، وڵات و گەلەكەی لە كارەسات و ململانێی چەكداری بپارێزن كە بۆ چوار دەیەیە وڵاتی گیرۆدە كردوە و تا ئێستاش پاشماوەی برینەكانی سارێژ نەبووە.
شكۆمەندی و نەمری بۆ شەهیدان و ئەوانەی كە خۆێنی خۆیان بەخشی لە پێناو عێراق و پارێزگاریكردن لە زەوییەكەی، داواكارین لە یەزدان هەمووان بەر رەحمەت و بەزەیی خۆی بخات و ئارامی و سەبووریش بە كەسوكاریان ببەخشێت.
وإنا لله وإنا إلیه راجعون
بەرهەم ساڵح، سەرۆككۆمار
14:37
مالیكی: سەرکۆنەی تووندی ئەو هێرشە ستەمکارانە دەکەین
نووری مالیكی، سه‌رۆكی هاوپه‌یمانیی ده‌وڵه‌تی یاسا. وێنە: AP
سه‌رۆكی هاوپه‌یمانیی ده‌وڵه‌تی یاسا داواده‌كات به رێگه‌ی یاسایی، سیاسی و دیپلۆماسی وه‌ڵامی كوشتنی ئه‌بومه‌هدی موهه‌ندیس و قاسم سوله‌یمانی بدرێتەوە و دەڵێت "سەرکۆنەی تووندی ئەو هێرشە ستەمکارانەیە دەکەین".
نووری مالیكی، سه‌رۆكی هاوپه‌یمانیی ده‌وڵه‌تی یاسا راگه‌یێندراوێكی بڵاوكرده‌وه و تێیدا هاتووه "سه‌ركرده‌ی شكۆمه‌ند ئه‌بومه‌هدی موهه‌ندیس، جێگری سه‌رۆكی ده‌سته‌ی حه‌شدی شه‌عبیی عێراق، میوانی عێراق لیوا قاسم سوله‌یمانی و شه‌ش موجاهید په‌یوه‌ندییان به كاروانی شه‌هیدان كرد له ئه‌نجامی هێرشێكی قێزه‌ونی ترسنۆكانه‌ی فڕۆكه‌كانی ئه‌مریكا به پێشێلكردنی كایه‌ی ئاسمانی و خاكی عێراق".
مالیكی سه‌ره‌خۆشی خۆی ئاراسته‌ی گه‌لی عێراق و ئێران ده‌كات و سه‌ركۆنه‌ی به‌ئامانجگرتنی موهه‌ندیس و سوله‌یمانی ده‌كات و ده‌ڵێت "سه‌ركۆنه‌ی تووندی ئه‌و هێرشه سته‌مكارانه‌یه ده‌كه‌ین كه ژماره‌یه‌ك له پیاوه قاره‌مانه‌كانی عێراق و میوانه به‌ڕێزه‌كانی كرده ئامانج".
له راگه‌یێندراوه‌كه‌یدا مالیكی داواده‌كات، هه‌موو جۆره رێكارێكی پێویستی یاسایی، سیاسی و دیپلۆماسی وه‌ك وه‌ڵامێك بگیرێنه‌به‌ر بۆ دووباره نه‌كردنه‌وه‌ی ئه‌م جۆره هێرشانه.
13:55
عامری داوا لە پەرلەمانتاران دەکات ئامادەی کۆبوونەوەی پەرلەمان بن و بڕیارێکی بوێرانە بدەن
هادی عامری و ئەبومەهدی موهەندیس
هادی عامری، سەرۆکی هاوپەیمانیی فەتح لە بەیاننامەیەکدا پرسە و سەرخۆشیی خۆی بەهۆی کوژرانی ئەبومەهدی موهەندیس، جێگری سەرۆکی دەستەی حەشدی شەعبی دەردەبڕێت و رایدەگەیێنێت، "لەکاتی پێشوازییکردن لە قاسم سولەیمانیی میوانی لەگەڵ ژمارەیەک کەسی دیکە لەلایەن ئەمریکاوە لە فڕۆکەخانەی بەغدا کوژراون."
هادی عامری سەرکۆنەی ئەو کارە دەکات و جەخت لەوە دەکاتەوە، ئەو کارە سوورتریان دەکات لەسەر بەردەوامبوون لە رێگەی جیهاد و قوربانیدان لە پێناوی پرەنسیپ و بەهای خودایی، بنیادنانی عێراق و بەدیهێنانی سەروەریی تەواوەتی.
هادی عامری کە هاوکات ئەمینداری رێکخراوی بەدرە، داوا لە هەموو هێزە نیشتمانییەکان دەکات، ریزەکانی خۆیان یەک بخەن لە پێناو دەرکردنی هێزە بیانییەکان کە وەک ئەو باسی دەکات بوون و مانەوەیان عێراق تێکدەدات و خوێنی زیاتری عێراقییەکان دەڕێژێت.
سەرۆکی هاوپەیمانیی فەتح داوا لە هێزە چەکدارەکان، دەزگا ئەمنییەکان لە سوپا، پۆلیس، دژە تیرۆر و حەشدی شەعبی دەکات ئاگادار و لە ئامادەباشیدا بن بۆ پاراستنی عێراق لە شەڕی شەڕەنگێزان. هەروەها داواش لە پەرلەمانتاران دەکات ئامادەی کۆبوونەوەی پەرلەمان بن و بڕیارێکی بوێرانە بۆ دەرکردنی هێزە بیانییەکان لە عێراق بدەن کە بوونیان هەڕەشەیە لەسەرعێراقییەکان.
13:44
سیستانی ئیدانەی کوشتنی قاسم سولەیمانی دەکات و داوای دانبەخۆداگرتن دەکات
عەلی سیستانی، مەرجەعی باڵای ئایینی شیعەکان
نوێنەری سیستانی، مەرجەعی باڵای شیعەکانی عێراق لە گوتاری ئەمڕۆ هەینیدا رایگەیاند "ئەو هێرشەی نزیک فڕۆکەخانەی بەغدا پێشێلکردنی سەروەریی عێراق و پەیماننامە نێودەوڵەتییەکانە. تێیدا ژمارەیەک لەو پاڵەوانانە شەهیدبوون کە دژی تیرۆریستانی داعش جەنگان".
ئەبومەهدی کەربەلائی، نوێنەری سیستانی، مەرجەعی باڵای شیعەکانی عێراق لە گوتارەکەیدا ئاماژەی بەوە کرد "رووداوەکان خێرا روودەدەن و قەیرانەکانیش کەڵەکەدەبن، وڵات بە مەترسیدارترین دۆخەدا تێپەڕدەبێت، ئەو پەلامار تاوانکارییەی کرایە سەر هێزەکانی عێراقی لە شاری قاییم بەهۆیەوە شەهید و دەیان برینداری لێکەوتە، هەروەها ئەو رووداوانەی رۆژانی رابردوو کە جێگەی داخن لە بەغدا روویانداوە تا ئەو پەلامارە ستەمکارەی شەوی رابردووی نزیک فڕۆکەخانەی نێودەوڵەتی بەغدا، سەرپێچییەکی روونی سەروەری عێراق و پێشلکردنی رێککەوتن و بەڵگەنامە نێودەوڵەتییەکانە کە بەهۆیەوە ژمارەیەک لە پاڵەوانەکانی گۆڕەپانی جەنگی تیرۆریستانی داعش شەهیدبوون".
لە بەشێکی دیکەی گوتارەکەدا نوێنەری سیستانی رایدەگەیێنێت "ئەو رووداوە و ئەوانی دیکەش ئاماژەی بەوەدەکات کە وڵات لە داهاتوودا رووبەڕووی دۆخێکی زۆر سەخت دەبێتەوە، داوا لایەنە پەیوەندارەکان دەکەین دان بەخۆیان بگرن، بەشێوەیەکی دانایانە مامەڵە بکەن، نزا بۆ خودای گەورە و باڵا دەستدەکەین عێراق و گەلەکەی لە شەڕ شەڕەنگێزان و فڕوفێڵ خراپەکاران بپارێزێت".
زیاتر بخوێنەوە
13:43
كلیچدارئۆغڵو: كوژرانی سوله‌یمانی ده‌ستپێكی كێشه گه‌وره‌كان ده‌بێت
كه‌مال كلیچدارئۆغڵو، سه‌رۆكی پارتی گه‌لی كۆماری توركیا
ئه‌مڕۆ هه‌ینی، كه‌مال كلیچدارئۆغڵو، سه‌رۆكی پارتی گه‌لی كۆماری توركیا "جه‌هه‌په" له‌گه‌ڵ سه‌رنووسه‌رانی رۆژنامه‌كان و به‌ڕێوه‌به‌رانی گشتیی راگەیاندنەکانی توركیا له ئه‌نقه‌ره كۆبوونه‌وه‌یه‌كی رێكخست.
كلیچدارئۆغڵو له‌باره‌ی كوژرانی قاسم سوله‌یمانی، فه‌رمانده‌ی سوپای قودس له به‌غدا رایگه‌یاند، "كوژرانی قاسم سوله‌یمانی ده‌ستپێكی سه‌رهه‌ڵدانی كێشه گه‌وره‌كان ده‌بێت. هیوادارم رۆژهه‌ڵاتی ناوه‌ڕاست نه‌خزێنێته نێو قه‌یرانێك كه ده‌رچوون تێیدا ئه‌سته‌مبێت."
كه‌مال كلیچدارئۆغڵو راشیگه‌یاند، چاوه‌ڕێ ده‌كه‌ین ئه‌ردۆغانیش سیاسه‌تێكی هاوسه‌نگ له رۆژهه‌ڵاتی ناوه‌ڕاست بگرێته‌به‌ر. خۆی له ئاگری رۆژهه‌ڵاتی ناوه‌ڕاست بپارێزێت و له‌بری چه‌ك، دانووستان و گفتوگۆ له‌به‌رچاو بگرێت.
كلیچدارئۆغڵو داوای له ئه‌مریكا و ئێران كرد دان به خۆیاندا بگرن و چیدی رێگه به‌وه نه‌ده‌ن گرژییه‌كان هه‌ڵكشێن.
13:33
جێگری یەکەمی سەرۆکی پەرلەمانی عێراق داوای کۆبوونەوە دەکات
حەسەن کەریم کەعبی، جێگری یەکەمی سەرۆکی پەرلەمانی عێراق
حەسەن کەریم کەعبی، جێگری یەکەمی سەرۆکی پەرلەمانی عێراق داوای کۆبوونەوەی بەپەلەی کردووە بۆ تاوتوێکردنی هێرشی ئەمریکا کە بووە هۆی کوژرانی قاسم سولەیمانی و مەهدی موهەندیس.
کەعبی ئاماژە بەوە دەکات، "کاتی ئەوە هاتووە سنوورێک بۆ خۆبەگەورەزانیی ئەمریکا لە عێراق دابنرێت."
جێگری یەکەمی سەرۆکی پەرلەمانی عێراق ئەوەی خستەڕوو "لە کۆبوونەوەکەی سبەینێدا بە وەردەکاریی تەواوەوە باس لە دانانی سنوورێک بۆ بوونی ئەمریکا لە عێراقدا دەکرێت."
زیاتر بخوێنەوە
13:27
ئێران شوێنگرەوەی قاسم سولەیمانیی دیاریکرد
عەقید ئیسماعیل قائانیی
بە بڕیاری عەلی خامنەیی، رێبەری کۆماری ئیسلامی ئێران عەقید ئیسماعیل قائانی لە جێگەی قاسم سولەیمانی وەک فەرماندەی سوپای قودس دەستنیشانکرا.
خامنەیی لە بڕیاری دستنیشانکردنی ئەو فەرماندەیەی سوپای پاسداراندا دەڵێت، ئیسماعیل قائانی لە ریزی دیارترین فەرماندەکانی سوپای پاسداران بووە لە شەڕی ئێران و عێراقدا و ساڵانێکی زۆر لەگەڵ قاسم سولەیمانی کاریکردووە.
داوا لە هەموو هێزەکانی سوپای قودسیش دەکات کە هاوکاری ئیسماعیل قائانی بکەن.
ئیسماعیل قائانی
- فەرماندەی سوپای قودسی ئێران
- ساڵی 1957 لە مەشهەد لەدایکبووە
- ساڵی 1979 بووەتە ئەندامی سوپای پاسداران
- لە ساڵی 1980ـەوە لە شەڕەکانی دژ بە حیزبەکانی رۆژهەڵاتی کوردستان بەشداربووە
- لە ساڵی 1981 تاوەکو 1987 فەرماندەی لەشکری 21ی ئیمام رەزا بووە
- لە شەڕی ئێران و عێراقدا برینداربووە و کەمئەندامە
- لە 1987 کراوەتە فەرماندەی لەشکری 5ی نەسری سوپای پاسداران
- لە ساڵی 2008 بووەتە جێگری فەرماندەی سوپای قودس
- پلەی سەربازییەکەی عەمیدی پاسدارە
- دوای کوژرانی قاسم سولەیمانی لە 03-01-2020 کرایە فەرماندەی سوپای قودس
13:18
ئامادەکاری بۆ ناردنەوەی تەرمی قاسم سولەیمانی دەکرێت
قاسم سولەیمانی، فەرماندەی سوپای قودسی سوپای پاسدارانی ئێران
لە فڕۆکەخانەی سەربازیی موسەننا ئامادەکاری بۆ ناردنەوەی فەرماندەی فەیلەقی قودسی ئێرانی دەکرێت و لە بەغداش ئامادەکاری بۆ ئەوەی دەکرێت رۆژی شەممە لە رێوڕەسمێکدا تەرمی ئەبومەهدی موهەندیس و ژمارەیەک لە بەرپرسانی حەشدی شەعبی بە خاک بسپێردرێن.
هەڵکەوت عەزیز، پەیامنێری رووداو لە بەغدا رایگەیاند، زۆربەی سەرکردەکانی حەشدی شەعبی ئێستا لە فڕۆکەخانەی سەربازی موسەننان، دەست بە ئامادەکارییەکان کراوە بۆ ئەوەی تەرمی قاسم سولەیمانی فەرماندەی فەیلەقی قودسی ئێرانی بگەڕێننەوە بۆ ئێران.
پەیامنێری رووداو دەڵێت، حەشدی شەعبیش دەستی بە ئامادەکاری کردووە بۆ ئەوەی سبەی شەممە 04-01-2020 لە رێوڕەسمێکی گەورەدا تەرمی ئەبومەهدی موهەندیس جێگری سەرۆکی دەستەی حەشدی شەعبی بە خاک بسپێرن.
لەلایەکی دیکەوە ئامادەکاری بۆ نووسینی رەشنووسی پرۆژەیاسایەک بۆ دەرکردنی هێزەکانی ئەمریکا و هێزە بیانییەکان لە عێراق دەکرێت لەلایەن هاوپەیمانی سائیروون بۆ ئەوەی لە دانیشتنی سبەی پەرلەمانی عێراق گفتوگۆی لەسەر بکرێت.
هاوکات حەسەن کەعبی، جێگری یەکەمی سەرۆکی پەرلەمانی عێراق کە سەر بە هاوپەیمانی سائیرونە داوای دانیشتنێکی نائاسایی پەرلەمان دەکات و داوا لە سەرجەم پەرلەمانتاران دەکات لە دانیشتنەکەی سبەی پەرلەمان ئامادەبن و بگەڕێنەوە بەغدا.
زیاتر بخوێنەوە
12:59
په‌رله‌مانتارێكی ئاكپارتی له‌باره‌ی كوژرانی قاسم سوله‌یمانی: گۆزه‌ی ئاو له رێگه‌ی ئاودا ده‌شكێت
شامیل ته‌ییار، په‌رله‌مانتاری پێشووی فراكسیۆنی ئاكپارتی
شامیل ته‌ییار، په‌رله‌مانتاری پێشووی فراكسیۆنی ئاكپارتی له هه‌ژماری تایبه‌تی خۆی له تۆڕی كۆمه‌ڵایه‌تیی توویته‌ر له‌باره‌ی كوژرانی قاسم سوله‌یمانی، فه‌رمانده‌ی سوپای قودسەوە توویتێكی كرد و تێیدا نوسیوویه‌تی، "كوژرانی قاسم سولەیمانی به ته‌نیا بۆ ئێران كۆست نه‌بوو، به‌ڵكو كۆستێك بوو بۆ په‌كه‌كه و یه‌په‌گه".
ته‌ییار زیاتری نوسیووه، "سوله‌یمانی له پرۆسه‌ی چاره‌سه‌ریدا رێگربوو له راده‌ستكردنی چه‌كه‌كانی په‌كه‌كه و هه‌وڵی شێواندنی ئۆپه‌راسیۆنه‌كانی قه‌ڵغانی فورات، عه‌فرین و كانی ئاشتیی دا. هاوكات گه‌وره‌ترین داكۆكیكاری په‌كه‌كه بوو. گۆزه‌ی ئاو له رێگەی ئاودا ده‌شكێت".
زیاتر بخوێنەوە
12:49
دوای کوژرانی سولەیمانی، نەتەنیاهوو سەردانەکەی بۆ یۆنان کورتدەکاتەوە
بنیامین ناتەنیاهوو، سەرۆکوەزیرانی ئیسرائیل
لەدوای کوژرانی قاسم سولەیمانی لەلایەن ئەمریکاوە، سەرۆکوەزیرانی ئیسرائیل کە بەسەردانێک لە یۆنان بووە، سەردانەکەی کورتکردووەتە و دەگەڕێتەوە ئیسرائیل.
نووسینگەی سەرۆکوەزیرانی ئیسرائیل لە راگەیێندراوێکیدا رایگەیاندووە، بنیامین ناتەنیاهوو، سەرۆکوەزیرانی ئیسرائیل پلانی گەشتەکەی لە یۆنان گۆڕیووە، زووتر لە کاتی خۆی دەگەڕێتەوە.
نووسینگەی سەرۆکوەزیرانی ئیسرائیل، هیچ زانیارییەکی لەبارەی گەڕانەوەی نەتەنیاهوو بڵاونەکردووەتەوە، ئاماژەی بەوەنەکردووە کەی دەگەڕێتەوە، بەڵام تەنیا ئەوە نەبێت نووسیوویەتی بەرەو ئیسرائیل دەگەڕێتەوە.
تاوەکو ئێستا نەتەنیاهوو هیچ لێدوانێکی لەبارەی کوژرانی قاسم سولەیمانی، فەرماندەی سوپای قودس بڵاونەکردووەتەوە.
زیاتر بخوێنەوە
12:38
ئێران: دەبێت هێزەکانی ئەمریکا بە تەواوی لە عێراق دەربکرێن
رەمەزان شەریف، گوتەبێژی سوپای پاسدارانی ئێران
رەمەزان شەریف، گوتەبێژی سوپای پاسدارانی ئێران رایگەیاند، ئاهەنگی ئەمریکییەکان بۆ کوشتنی قاسم سولەیمانی ئاهەنگێکی کاتی دەبێت و ئێمە زوو ئەو شاییەیان لێدەکەین بە شیوەن.
گوتەبێژەکەی سوپای پاسداران ئاماژەی بەوە کرد، لە ئەمڕۆ بەدواوە بەرەی بەرگری کە مەبەستی لێی ئێران و هێزەکانی نزیک لەو وڵاتەن، دەکەونە قۆناخێکی نوێوە و سەرتاپای وڵاتانی ئیسلامی لە دژی هێزەکانی ئەمریکا دەکەنە گۆڕەپانی شەڕ.
هاوکات ئەحمەد خاتەمی، گوتاربێژی مزگەوتی گەورەی تاران رایگەیاند "لەدوای کوشتنی سولەیمانی، ئێستا لە عێراق ژینگەیەک هاتووەتە ئاراوە کە دژایەتیی هەبوونی هێزەکانی ئەمریکا لەو وڵاتە دەکات و دەبێت ئەم ژینگەیە بەردەوامبێت تاوەکو دوایەمین سەربازی ئەمریکی لە عێراق دەردەکرێن".
12:19
مەهمەد کۆچ: ئێران دەبێتە هەڕەشەیەکی گەورە بۆسەر بەرژەوەندییەکانی ئەمریکا
مەهمەد کۆچ، پسپۆر لە ناوەندی ئیرەم لە ئەنقەرە
پسپۆرێکی ناوەندی ئیرەم لە ئەنقەرە پێیوایە ئێران دەبێتە هەڕەشەیەکی گەورە بۆسەر بەرژەوەندییەکانی ئەمریکا لە عێراق و سووریا و ئەفغانستان و وڵاتانی کەنداو، ئەمەش زەنگێکی مەترسیدارە بۆ راگەیاندنی شەڕێکی کراوە.
مەهمەد کۆچ، پسپۆر لە ناوەندی ئیرەم لە ئەنقەرە، لە میانی بەشداریکردنی لە بووڵتەنێکی هەواڵەکانی تۆڕی میدیایی رووداو لەبارەی روانینیان لەو هێرشەی ئەمریکا کە بەهۆیەوە فەرماندەی فەیلەقی قودسی ئێرانی و جێگری سەرۆکی دەستەی حەشدی شەعبی و چەند بەرپرسێکی دیکەی حەشدی شەعبی لە عێراق کوژران، رایگەیاند: "ئەم جۆرە هێرشە لەو ئاستە چاوەڕواننەکراو بوو، بە دڵنیایەوە هاوسەنگییەکە لە عێراق دەگۆڕێت، ئەستەمە شوێنی قاسم سولەیمانی کەسایەتیەکی وا بەهێز و بە توانا و ئەزموون پڕبکرێتەوە و درێژە بە سیاسەتی دەرەوەی ئێران بدات. بێگومان ئەمەش کاریگەری لەسەر سیاسەتی ناوخۆ و دەرەوەی ئێران دەبێت".
بە بڕوای مەهمەد کۆچ کاردانەوەکانی ئێران تەنیا لە سووریا و عێراق نابێت، "بەڵکو لە ئەفغانستان و وڵاتانی کەنداو دەبێتە هەڕەشەیەکی گەورە بۆسەر بەرژەوەندییەکانی ئەمریکا، ئەمەش زەنگێکی مەترسیدارە بۆ راگەیاندنی شەڕێکی کراوە".
پسپۆرەکەی ناوەندی ئیرەم لە ئەنقەرە پێیوایە ئەو هێرشەی ئەمریکا "وەڵامێک بوو بۆ ئەو هێرشەی کرایە سەر سەربازگەی کەی وەن لە کەرکووک و پاشان پەلاماری باڵیۆزخانەی ئەمریکا لە بەغدا لەلایەن هێزەکان و لایەنگرانی حەشدی شەعبی، ئەمریکاش ئەوەی راگەیاند کە ئیدی ئاستی یارییەکە گەیشتە قۆناخێکی زۆر جیاواز و پێویستە مامەڵەی جیاواز ئەنجام بدرێت".
سەبارەت بە روانینی تورکیا لەسەر کوژرانی قاسم سولەیمانی، مەهمەد کۆچ، دەڵێت: "تورکیا لەسەر ئاستی سیاسەتی دەرەوە مامەڵە لەگەڵ ئێران دەکات و پەیوەندی راستەوخۆی نە بە قاسم سولەیمانی و نە ئەوانەوە هەیە کە نوێنەرایەتی سوپای پاسداران دەکەن، بەڵکو تەنیا مامەڵە وەزارەتی دەرەوەی ئێران دەکات، تورکیاش لەلایەن خۆیەوە تاوەکو ئێستا هیچ هەڵوێستی فەرمی رانەگەیاندووە و بێگومان بێلایەنی خۆی لەوبارەیەوە دەپارێزێت و هەوڵی نێوەندگیری هەردوولا دەدات".
12:01
هێرشەکەی ئەمریکا چۆن ئەنجامدراوە و کێن ئەوانەی کوژراون؟
تەرمی قاسم سولەیمانی و کوژراوانی دیکە لە نەخۆشخانەی موسەننای سەربازیی لە بەغدا
بەرەبەیانی ئەمڕۆ هەینی 03-01-2020 قاسم سولەیمانی، فەرماندەی سوپای قودسی سوپای پاسدارانی ئێران و مەهدی موهەندیس، جێگری سەرۆکی دەستەی حەشدی شەعبی لە هێرشێکی ئەمریکادا لە بەغدا کوژران و لە میدیا عێراقییەکانیش بەمشێوەیە باس لەچۆنییەتی ئەنجامدانی هێرشکە دەکرێت.
- فڕۆکەی بێفڕۆکەوانی ئەمریکا هێرشەکەیان ئەنجامداوە
- قاسم سولەیمانی لە دیمەشقەوە بە فڕۆکەیەکی هێڵی ئاسمانی سووری هاتووەتە عێراق
- کاژێر 11:00 گەیشتووەتە فڕۆکەخانەی بەغدا
- مەهدی موهەندیس پێشوازی لێکردووە
- کاتێک ئۆتۆمبێلەکانی لە فڕۆکەخانە دەرچوونە، لە نزیک خاڵی پشکنینی دەرەوەی فڕۆکەخانە کراوەتە ئامانج.
نووسینگەی سوپای قودسی سوپای پاسداران ناوی کوژراوە ئێرانییەکانی رووداوەکەیان بڵاوکردەوە کە بریتین لە
1. قاسم سولەیمانی، فەرماندەی سوپای قودس
2. حوسێن جەعفەری نیا، بەپلەی عەمید لە سوپای پاسداران
3. شەهروود موزەفەری نیا بە پلەی عەقید لە سوپای پاسداران
4. هادی تارمی بە پلەی رائید لە سوپای پاسداران
5. وەحید زەمانیان بەپلەی نەقیب لە سوپای پاسداران
میدیا عێراقییەکان ئاماژەیان بەناوی ئەوکەسانە کردووە کە لە هێرشەکەی بەرەبەیانی ئەمڕۆ کراوەنەتە ئامانج و پێکهاتوون لە:
1. ئەبومەهدی موهەندیس، جێگری سەرۆکی دەستەی حەشدی شەعبی
2. محەممەد رەزا جابری، بەڕێوەبەری پرۆتۆکۆلی حەشد لە فڕۆکەخانە
3. حەسەن عەبدولهادی، حەشدی شەعبی
4. محەممەد شەیبانی، حەشدی شەعبی
5. حەیدەر عەلی، حەشدی شەعبی
هەروەها ئاماژە بە کەسێکی لوبنانی کراوە لەنێو کوژراوەکان بەناوی سامر عەبدوڵڵا کە زاوای عیماد موغنییەیە( عیماد موغنییە یەکێک بوو لە فەرماندە سەربازییەکانی حیزبوڵڵای لوبنان و لە هێرشێکی ئیسرائیل لەساڵی 2008 لەنێو ئۆتۆمبێلەکەی کوژرا).
1. قاسم سولەیمانی، فەرماندەی سوپای قودس
2. حوسێن جەعفەری نیا، بەپلەی عەمید لە سوپای پاسداران
3. شەهروود موزەفەری نیا بە پلەی عەقید لە سوپای پاسداران
4. هادی تارمی بە پلەی رائید لە سوپای پاسداران
5. وەحید زەمانیان بەپلەی نەقیب لە سوپای پاسداران
میدیا عێراقییەکان ئاماژەیان بەناوی ئەوکەسانە کردووە کە لە هێرشەکەی بەرەبەیانی ئەمڕۆ کراوەنەتە ئامانج و پێکهاتوون لە:
1. ئەبومەهدی موهەندیس، جێگری سەرۆکی دەستەی حەشدی شەعبی
2. محەممەد رەزا جابری، بەڕێوەبەری پرۆتۆکۆلی حەشد لە فڕۆکەخانە
3. حەسەن عەبدولهادی، حەشدی شەعبی
4. محەممەد شەیبانی، حەشدی شەعبی
5. حەیدەر عەلی، حەشدی شەعبی
هەروەها ئاماژە بە کەسێکی لوبنانی کراوە لەنێو کوژراوەکان بەناوی سامر عەبدوڵڵا کە زاوای عیماد موغنییەیە( عیماد موغنییە یەکێک بوو لە فەرماندە سەربازییەکانی حیزبوڵڵای لوبنان و لە هێرشێکی ئیسرائیل لەساڵی 2008 لەنێو ئۆتۆمبێلەکەی کوژرا).
زیاتر بخوێنەوە
11:36
فەرەنسا: داوای کەمکردنەوەی گرژییەکان لە رۆژهەڵاتی ناوەڕاست دەکەین
وەزیرێکی فەرەنسا: بە رووی جیهانێکی مەترسیدارتردا خەبەرمان بووەوە
وەزیرێکی فەرەنسا لەبارەی هەواڵی کوژرانی قاسم سولەیمانی، فەرماندەی سوپای قودس لەلایەن ئەمریکاوە رایگەیاند، بەرووی جیهانێکی مەترسیدارتردا خەبەرمان بووەوە.
ئامێلی دی مونتشالین، وەزیری کاروباری یەکێتیی ئەوروپا لە حکومەتی فەرەنسا لە هەڤپەیڤنێکیدا لەبارەی کوژرانی قاسم سولەیمانییەوە رایگەیاند، "ئێمە بەرووی جیهانێکی مەترسیدارتر خەبارمان بووەوە. سەرۆک ماکرۆن لەسەر ئەم پرسە لەگەڵ سەرکردەکانی ناوچەکە قسە دەکات."
دی مونتشالین هەروەها رایگەیاند، "لەم جۆرە ئۆپەراسیۆنەدا کە دەبینین دەبێتە هۆکاری زیادبوونی گرژییەکان، ئەوەی ئێمە دەمانەوێت سەقامگیری و کەمبوونەوەی گرژییەکانە لە ناوچەکە."
وەزیرە فەرەنسییەکە رایشیگەیاند، هەموو هەوڵەکانی فەرەنسا لە هەموو بەشەکانی جیهان، دڵنیابوونە لە درووستکردنی هەلومەرجێکی گونجاو بۆ ئاشتی و سەقامگیری و لەم رووداوەدا لایەنگری ناکەن، بەڵام قسە لەگەڵ هەموو لایەک دەکەن.
هاوکات باڵیۆزخانەی فەرەنسا لە ئێران هاۆشداریی بە هاووڵاتییانی خۆی لەو وڵاتە دا و پێیڕاگەیاندن، خۆتان لە گردبوونەوە و شوێنە گشتییەکان بە دوور بگرن.
11:25
رووسیا: هێرشەکەی ئەمریکا گرژییەکانی ناوچەکە زیاتر دەکەن
رووسیا: هێرشەکەی ئەمریکا گرژییەکانی ناوچەکە زیاتر دەکەن
رووسیا لەبارەی کوژرانی قاسم سولەیمانی، فەرماندەی سوپای قودس لەلایەن ئەمریکاوە هۆشداریدەدات و دەڵێت، دەبێتە هۆکاری زیادبوونی گرژییەکان لەسەرانسەری رۆژهەڵاتی نێوەڕاست.
وەزارەتی دەرەوەی رووسیا لەبارەی کوژرانی قاسم سولەیمانی رایگەیاندووە ''کوژرانی سولەیمانی، هەنگاوێکی سەرکەشی بووە و دەبێتە هۆکاری زیادبوونی گرژییەکان لەسەرانسەری ناوچەکە."
وەزارەتی دەرەوەی رووسیا رایشیگەیاندووە، سولەیمانی بە خۆتەرخانکردنەوە پارێزەری بەرژەوەندییە نیشتمانییەکانی ئێران بووە و سەرخۆشیی خۆمان بە گەلی ئێران رادەگەیێنین."
10:57
باڵیۆزخانەی ئەمریکا لە بەغدا داوا لە هاووڵاتیانی دەکات عێراق جێبهێڵن
باڵیۆزخانەی ئەمریکا لە عێراق
لەدوای کوشتنی قاسم سولەیمانی، فەرماندەی سوپای قودسی سوپای پاسدارانی ئێران لەلایەن ئەمریکاوە، باڵیۆزخانەی ئەمریکا لە بەغدا داوا لە هاووڵاتیانی دەکات دەستبەجێ عێراق بەجێبهێڵن.
باڵیۆزخانەی ئەمریکا لە راگەیێندراوێکدا داوا لە هاووڵاتیانی ئەمریکا لە عێراق دەکات دەستبەجێ عێراق بەجێبهێڵن و لەو وڵاتە بچەنەدەرەوە.
راگەیێندراوەکەی باڵیۆزخانەی ئەمریکا لە عێراق لەکاتێکدایە کە بەرەبەیانی ئەمڕۆ هەینی لە هێرشێکی ئەمریکادا قاسم سولەیمانی، فەرماندەی سوپای قودس و ئەبومەهدی موهەندیس، جێگری سەرۆکی دەستەی حەشدی شەعبی و چەند کەسێکی دیکە کوژران، ئێرانیش دەڵێت "وەڵامێکی تووندمان بۆ ئەم هێرشە دەبێت".
10:47
عادل عەبدولمەهدی ئیدانەی کوشتنی سولەیمانی دەکات و دەڵێت پێشێلی رێککەوتننامەی ستراتیژییە
عادل عەبدولمەهدی، سەرۆکوەزیرانی کاربەڕێکەری عێراق
عادل عەبدولمەهدی، سەرۆکوەزیرانی کاربەڕێکەری عێراق لەبارەی کوژرانی قاسم سولەیمانی راگەیێندراوێکی بڵاوکردەوە و رایگەیاند، بەتووندترین شێوە ئیدانەی ئەو کارە دەکەم، ئەمە کارێکی دووژمنکارانەیە و دژ بە سەروەری عێراقە، ئەم هێرشەی ئەمریکا پێشێلی ئەو رێککەوتنە دەکات کە رێگەیداوە بەبوونی هێزی ئەمریکی لە عێراق.
عادل عەبدولمەهدی سەرۆکوەزیرانی عێراق و فەرماندەی گشتی هێزە چەکدارەکان لە بەیاننامەیەکدا رایگەیاند "بە تووندترین شێوە ئیدانەی تیرۆرکردنی ئەبومەهدی موهەندیس و قاسم سولەیمانی و کەسایەتی عێراقی و ئێرانی دەکەین لەلایەن ئەمریکاوە، ئەو دوو شەهیدە دوو سیمبوولی گەورەی سەرکەوتنبوونە بەسەر داعش".
عادل عەبدولمەهدی دەڵێت، "تیرۆرکردنی فەرماندەیەکی سەربازیی عێراقی پەلاماردانە بۆ سەر دەوڵەت و حکومەت و گەلی عێراقی، لەنێوربردنی سەرکردە عێراقییەکان یاخود وڵاتێکی دراوسێ دۆست کە پۆستێکی فەرمی هەیە لەسەر خاکی عێراق، ئەمە پێشلکردنێکی روونی سەروەری عێراقە، ئەمەش ئاگری شەڕێکی لەنێوبەر لە عێراق و ناوچەکە و جیهان خۆش دەکات".
هاوکات ئاماژەی بەوەشکردووە، ئەو هێرشە پێشێلکردنێکی ئابڕوبەرانەی مەرجی هەبوونی هێزەکانی ئەمریکایە لە عێراق، ئەو رۆڵەی دەیبینێت کە مەشقپێکردنی هێزە عێراقییەکانە بۆ بەرەنگاربوونەوەی داعشە لە چوارچێوەی هاوپەیمانی نێودەوڵەتی لەژێر سەرپەرشتی و رەزامەندی حکومەتی عێراق.
عادل عەبدولمەهدی سەرۆکوەزیرانی عێراق و فەرماندەی گشتی هێزە چەکدارەکان دەشڵێت: "بە فەرمی داوامان کردووە پاڵپشت بە ماددەی 58ی دەستوور کۆبوونەوەیەکی نائاسایی پەرلەمانی عێراق ئەنجام بدرێت لەبارەی هەڵوێستێکی فەرمی عێراق و دەرکردنی بڕیار و یاسا و ئەنجامدانی رێوشوێنی پێویست کە شکۆ و ئارامی و سەروەریی عێراق بپارێزێت".
10:35
موقتەدا سەدر سەرەخۆشی لە ئێران دەکات
قاسم سولەیمانی، موقتەدا سەدر و عەلی خامنەیی
موقتەدا سەدر، رێبەری رەوتی سەدر رایگەیاند، سەرەخۆشی لە گەل و حکومەتی ئێران دەکەم بەهۆی شەهیدبوونی حاجی قاسم سولەیمانی.
موقتەدا سەدر، رێبەری رەوتی سەدر لە بەیاننامەیەکدا لەبارەی کوژرانی قاسم سولەیمانی، فەرماندەی سوپای قودسی سوپای پاسدارانی ئێران رایگەیاند: لیوای سەرایا سەلام و سوپای مەهدی خستە حاڵەتی ئامادەباشییەوە و دەشڵێت: بە ئامانجکردنی سولەیمانی، بەئامانجکردنی جیهادییەکان و رۆحی شۆڕشگیڕییە.
موقتەدا سەدر دەشڵێت، هێزەکانمان دەخەینە خزمەتی پاراستنی عێراق.
10:34
چین داوای دانبەخۆداگرتن لە ئەمریکا و ئێران دەکات
گێنگ شوان، گوتەبێژی وەزارەتی دەرەوەی چین
لەدوای کوژرانی فەرماندەی سوپای پاسدارانی ئێران لەلایەن ئەمریکاوە، وەزارەتی دەرەوەی چین رایگەیاند، داوای دانبەخۆداگرتن لە ئەمریکا و ئێران دەکەین.
وەزارەتی دەرەوەی چین لەبارەی کوژرانی قاسم سولەیمانی، فەرماندەی سوپای پاسدارانی ئێران رایگەیاندووە، داوا لە لایەنە پەیوەندیدارەکان دەکەین، بەتایبەتیش ئەمریکا، دانبەخۆیاندا بگرن.
وەزارەتی دەرەوەی چین رایشیگەیاندووە، داوادەکەین لایەنەکان رێگری لە زیادبوونی گرژییەکان بکەن.
10:32
قەیس خەزعەلی: ئەنجامی ئەمریکا و ئیسرائیل دۆڕانە
قەیس خەزعەلی، ئەمنیداری گشتیی عەسائیبی ئەهلی حەق
قەیس خەزعەلی، ئەمنیداری گشتیی عەسائیبی ئەهلی حەق لەبارەی کوژرانی قاسم سولەیمانی، فەرماندەی فەیلەقی قودس و ئەبومەهدی موهەندیس، جێگری سەرۆکی دەستەی حەشدی شەعبی بەیاننامەیەکی بڵاوکردەوە.
قەیس خەزعەلی، ئەمنیداری گشتی عەسائیبی ئەهلی حەق رایگەیاند، "ئەنجامێکی سروشتییە کە قاسم سولەیمانی و ئەبومەهدیش "شەهید" بوونە، ئەنجامی ئەمریکا و ئیسرائیلیش دۆڕاندنە".
ئەمنیداری گشتیی عەسائیبی ئەهلی حەق جەخت لەوە دەکاتەوە، لەبەرامبەر خوێنی ئەبومەهدی موهەندیس، ئاوابوونی سەربازیی ئەمریکایە لە عێراقدا. لەبەرامبەر خوێنی قاسم سولەیمانی، ئاوابوونی تەواوی ئیسرائیلە.
قەیس خەزعەلی داوا لە هەموو "موجاهیدان" دەکات لە ئامادەباشیدا بن و ئاماژەی بەوەش کردووە لە داهاتوودا سەرکەوتنی گەورە بەدەستدەهێنن و سەرکەوتنیش هەر بۆ ئەوانە.
10:24
کوشتنی سولەیمانی؛ وەزیری بەرگریی ئیسرائیل داوای کۆبوونەوەی سەربازیی دەکات
وێنەی ژمارەیەک سەربازی ئیسرائیل لە بەرزاییەکانی جۆلان. وێنە: AFP
وەزیری بەرگری ئیسرائیل داوای کۆبوونەوەی لەگەڵ سەرۆک ئەرکانی سوپای ئەو وڵاتە و فەرماندە سەربازییەکانی دیکەی کردووە بۆ هەڵسەنگاندنی دۆخەکە لەپاش کوشتنی قاسم سولەیمانی، فەرماندەی سوپای قودسی پاسداران.
رۆژنامەی تایمی ئیسرائیل دەڵێت کە کۆبوونەوەکەی نەفتالی بینێت، وەزیری بەرگری ئیسرائیل و فەرماندە سەربازیەکان لە رۆژی هەینی دەبێت.
هاوکات ئەمڕۆ ئیسرائیل ناوچەیەکی گەشتوگوزاریی لە بەرزایییەکانی جۆلان لەسەر سنووری سووریا داخستووە وەک رێکارێک لەدژی هەر جۆرە هێرشێکی چاوەڕوانکراو لەلایەن هێزەکانی نزیک لە ئێڕان.
بنیامین نەتەنیاهوو، سەرۆکوەزیرانی ئیسرائیل ئەمڕۆ هەینی لە یۆنان بووە و تاوەکو ئێستا دیار نییە کە ئاخۆ دەگەڕێتەوە بۆ ئیسرائیل یان نا.
زیاتر بخوێنەوە
10:22
نوجەبا: دەبێت ئەمریکا بزانێت گەمژەیی کردووە و پەشیماندەبێتەوە
ئەکرەم کەعبی و ئەبومەهدی موهەندیس
ئەمینداری بزووتنەوەی نوجەبا رایدەگەیێنێت، دەبێت ئەمریکا بزانێت گەمژەیی کردووە و پەشیمان دەبێتەوە.
ئەکرەم کەعبی، ئەمینداری گشتی بەرگریی ئیسلامی بزووتنەوەی نوجەبا لە بەیاننامەیەکدا وێڕای ستایشکردنی رۆڵی قاسم سولەیمانی و ئەبومەهدی موهەندیس رایگەیاند، لەسەر هەڵوێستی نەگۆڕی خۆیان بەردەوام دەبن بۆ بەدیهێنانی ئامانجەکانیان.
ئەکرەم کەعبی جەخت لەوەدەکاتەوە، ناشکێن، خۆیان بەدەستەوەنادەن، شەڕەکە دەبەنەوە، لەسەر بەڵێنی خۆیان دەمێننەوە، خوێنتان دەبێتە شۆڕش و ئامرازێک بۆ وشککردنی خۆبەلزانان و رزگارکردنی پیرۆزییەکان.
ئەمینداری بزووتنەوەی نوجەبا دەشڵێت، دەبێت ئەمریکا بزانێت گەمژەییتان کردووە و پەشیمان دەبنەوە، ئەو ئازار و حەسرەتە دەبێتە حەماس و تووڕەیی و شۆڕشێک کە لەسەر زەوی بەم نزیکانە دەبینرێت.
10:14
كەتائیبی حیزبوڵڵای عێراقی: بۆ لێدانی بنكە ئەمریكییەكان چاوەڕێی فەرمانین
محەممەد موحیی، گوتەبێژی كەتائیبی حیزبولڵای عێراقی
گوتەبێژی كەتائیبی حیزبوڵڵای عێراقی ئاماژە بەوە دەکات تاوەكو ئێستا هەڵوێستی فەرمییان لەبارەی كوشتنی ئەبومەهدی موهەندیس، جێگری سەرۆكی دەستەی حەشدی شەعبی رانەگەیاندووە، بۆ هەر کردەوەیەکی دژی ئەمریکاش لە ئامادەباشیدان.
محەممەد موحیی، گوتەبێژی كەتائیبی حیزبولڵای عێراقی بە تۆڕی میدیایی رووداوی راگەیاند، "عێراق لەبەردەم لاپەڕەیەكی نوێدایە كە دەركردنی هێزەكانی ئەمریكایە. هەموو شتێك لەبارەی هەمواركردنەوەی رێككەوتننامەی ئەمنیی نێوان عێراق و ئەمریکا كۆتاییهاتووە تەنیا رۆییشتنی هێزەكانی ئەمریكا ماوە".
گوتەبێژی كەتائیبی حیزبولڵا ئاماژەی بەوە کرد، "مافی خۆمانە هەر كردەوەیەک دژی هێزەكانی ئەمریكا بکەین. بۆ ئەمەش کەتائیبی حیزبوڵلا لەو پەڕی ئامادەباشیدایە بۆ دەستپێكردنی و چاوەڕێی فەرمان دەكەن".
09:51
رووحانی: ئێران و هاوپەیمانەکانمان تۆڵەی کوشتنی قاسم سولەیمانی دەکەنەوە
رووحانی: تۆڵەی ئەم تاوانە قێزەونە لە ئەمریکا دەکەینەوە
حەسەن رووحانی لە پرسەنامەیەکدا بەبۆنەی کوژرانی قاسم سولەیمانییەوە ئاماژەی بەوە کرد، ئێران و هاوپەیمانەکانمان تۆڵەی کوشتنی قاسم سولەیمانی دەکەنەوە.
حەسەن رووحانی، سەرۆککۆماری ئێران لە یەکەم کاردانەوەی بۆ کوژرانی قاسم سولەیمانی، فەرماندەی سوپای قودس رایگەیاند، "بێگومان گەلی گەورەی ئێران و گەلە ئازادەکانی دیکەی ناوچەکە تۆڵەی ئەم تاوانە قێزەونە لە ئەمریکای تاوانبار دەکەنەوە".
هەروەها ئەمیر حاتەمی، وەزیری بەرگریی ئێران لەبارەی کوژرانی قاسم سولەیمانی رایگەیاند، بە تووندی وەڵاممان بۆ ئەو تاوانە قێزەونە دەبێت و هەرچی دەستی لە کوشتنی سولەیمانیدا هەبێت باجەکەی دەدات.
پێشتر خامنەیی، رابەری باڵای ئێران رایگەیاند، بە تووندی تۆڵە لە ئەمریکا دەکەنەوە.
زیاتر بخوێنەوە
09:31
پەیامنێری رووداو: تەرمی کوژراوەکان لە نەخۆشخانەی موسەننای سەربازین لە بەغدا
هەڵکەوت عەزیز، پەیامنێری رووداو لە بەغدا
کوژرانی قاسم سولەیمانی فەرماندەی فەیلەقی قودس لەلایەن فڕۆکەکانی ئەمریکا کاردانەوەی عێراقییەکانی بەدوای خۆیدا هێناو بەشێک لە عێراقییەکان بەو هەواڵە تووشی شۆک بوون و بەشێکی دیکەیان لە گۆڕەپانی تەحریر ئاهەنگ دەگێڕن. پەیامنێری رووداو دەڵێت: تەرمی کوژراوەکان لە نەخۆشخانەی موسەننای سەربازین لە بەغدا.
هەڵکەوت عەزیز، پەیامنێری رووداو لە بەغدا رایگەیاند، بیستنی هەواڵی کوژرانی ئەبوهەمدی موهەندیس و قاسم سولەیمانی لە هێرشێکی ئەمریکادا، بەلای بەشێک لە عێراقییەکان مایەی شۆک بوو، بەشێکی دیکەی عێراقییەکان لە گۆڕەپانی تەحریری بەغدا ئاهەنگ دەگێڕن، بەو پێیەی لە دوو مانگی رابردوو لەگەڵ دەستپێکردنی خۆپیشاندانەکان لە عێراق یەکێک لەو درووشمانەی دەگوترانەوە دژی قاسم سولەیمانی و ئێران بوو.
دەنگۆیەک هەیە ئەم بەیانییە هەریەک لە هادی عامری و قەیس غەزعەلی دەستگیرکرابن، بەڵام تاوەکو ئێستا ئەو هەواڵە پشتڕاستنەکراوەتەوە، بەڵام لەلایەن حەشدی شەعبییەوە ئەو هەواڵە رەتکرایەوە.
لە بەغدا رێوشوێنێکی ئەمنی تووند گیراوەتەبەر، لەسەر شەقامەکان و شوێنە گشتییەکان هێزێکی زۆری ئەمنی دەبیندرێت. لەو شوێنانەشی کە هێزەکانی ئەمریکای لێیە وەکو باڵیۆزخانە و دامەزراوەکانی دیکە، هەمووی خراونەتە حاڵەتی ئامادەباشییەوە، هەلیکۆپتەری ئەمریکیش بە بەردەوام بەسەر باڵیۆزخانەی ئەمریکادا دەسووڕێتەوە.
کوژرانی ئەبومەهدی موهەندیس جێگری سەرۆکی دەستەی حەشدی، کە لەلای هێزەکانی حەشدی شەعبی بە کەسێکی پیرۆز سەیرکراوە، پێناچێت حەشدی شەعبی بە بێدەنگی بمێنێتەوە، لە چەند رۆژی رابردوو هەڕەشەی زۆر تووندیان دەکردە سەر ئەمریکا، ئێستاش دوای کوژرانی موهەندیس بێگومان کاردانەوەکانیان زیاد دەبێت.
09:27
سادق زیبا کەلام: چاوەڕێناکەم شەڕی سەربازی لەنێوان ئەمریکا و ئێراندا رووبدات
سادق زیاباکەلام، مامۆستای زانستە سیاسییەکان لە زانکۆی تاران
سادق زیاباکەلام، مامۆستای زانستە سیاسییەکان لە زانکۆی تاران لە گەشتی هەواڵەکانی کاژێر 07:00ی ئەم بەیانییەی رووداودا رایگەیاند، چاوەڕێناکەم شەڕی سەربازی لەنێوان ئەمریکا و ئێراندا رووبدات.
زیباکەلام لەبارەی رۆڵی قاسم سولەیمانییەوە ئاماژەی بەوە کرد، "قاسم سولەیمانی لە ئێراندا وەک کەسێک دەبینرێت کە توانیویەتی ئاسایش و ئارامیی ئێران لە ناوەوە و دەرەوەی وڵات بپارێزێت".
تاوەکو ئێستا دەسەڵاتدارانی ئێران هیچ کاردانەوەیەکی کردەییان بۆ کوژرانی قاسم سولەیمانی نەبووە و هەر لێدوانی تووندیان داوە.
سادق زیباکەلام ئەوەی خستەڕوو، "ئاشکرایە کە کاردانەوەی دەسەڵاتدارانی ئێران زۆر تووند دەبێت و تۆڵەی قاسم سولەیمانی دەکەنەوە. بژاردەکانی کاردانەوەی ئێران سنووردارن، هەرچەندە ئەگەر هەر رووبەڕووبوونەوەیەکی سەربازی بێتە ئاراوە، ئێران سەردەکەوێت، بەڵام لە ئەنجامدا زیانێکی زۆر بە ئێران دەگات. من باوەڕم وایە هیچ رووبەڕووبوونەوەیەکی سەربازی لەنێوان ئەمریکا و ئێراندا روونادات. دەکرێت ببیین لەبەرامبەردا حیزبوڵڵا چەند رۆکێتێک ئاراستەی ئیسرائیل بکات، یان حەشدی شەعبی چەند مووشەکێک ئاراستەی هەندێک بنەکەی ئەمریکا بکات".
08:30
جۆ بایدن: ترەمپ بەکوشتنی سولەیمانی بۆمبێکی هەڵداوەتە نێو ئاگردانێک
جۆ بایدن، جێگری پێشووی سەرۆکی ئەمریکا و یەکێک لە بەربژێرەکانی دیموکراتەکان بۆ سەرۆکایەتیی ئەمریکا
جۆ بایدن، جێگری پێشووی سەرۆکی ئەمریکا و هەروەها یەکێک لە بەربژێرەکانی دیموکراتەکان بۆ سەرۆکایەتیی ئەمریکا لەبارەی کوژرانی قاسم سولەیمانی لەلایەن ئەمریکا رایگەیاندووە "بەڕێز ترەمپ، بە کوشتنی سولەیمانی بۆمبێکی هەڵداوەتە نێو ئاگردانێک".
بایدن راشیگەیاندووە، ئیدارەی ترەمپ دەڵێت بەم هەنگاوەی دەیەوێت رێگری لە هێرشی دیکە بکات لەلایەن ئێرانەوە، بەڵام ئەم هەنگاوەی بەدڵنیاییەوە کاریگەری پێچەوانەی دەبێت.
جێگری پێشووی سەرۆکی ئەمریکا دەشڵێت، سەرۆک ترەمپ دەبێت روونکردنەوە لەبارەی پلانەکانی و هەروەها ستراتیژییەکەی بۆ خەڵکی ئەمریکا بدات کە دەیەوێت چۆن پارێزگاری لە هێزەکانمان، ستافی باڵیۆزخانەکانەمان، خەڵک و بەرژەوەندییەکانمان دەکات.
بایدن هۆشداری ئەوەشدەدات کە بە دڵنیاییەوە ئێران وەڵامی بۆ ئەم هێرشەی ئەمریکا دەبێت.
08:26
مەکگۆرک: کوژرانی قاسم سولەیمانی بەبێ زانینی دەرئەنجامەکانی جێبەجێکراوە
مەکگۆرک: کوژرانی قاسم سولەیمانی بەبێ زانینی دەرئەنجامەکانی جێبەجێکراوە
نێردەی پێشووی سەرۆکی ئەمریکا لە هاوپەیمانیی نێودەوڵەتیی دژی داعش رایگەیاند، کوژرانی قاسم سولەیمانی بەپێی پێوەرەکانی دادپەروەری بووە، بەڵام بەبێ ئەوەی دەرئەنجامەکانی بزانرێت، جێبەجێکراوە.
برێت مەکگۆرک، نێردەی پێشووی سەرۆکی ئەمریکا لە هاوپەیمانیی نێودەوڵەتیی دژی داعش لە توویتێکیدا نووسیوویەتی، "ئەو هەواڵەی لە عێراقەوە بڵابووەتەوە، پێوەری دادپەروەرییە، بەڵام بەبێ زانینی دەرئەنجامەکانی جێبەجێکراوە".
مەکگۆرک لە توویتەکەیدا ئاماژەی بەوە داوە، پێویستە پارێزگاری لە خەڵکی خۆمان بکەین لەسەرانسەری رۆژهەڵاتی ناوەڕاست و هەروەها دەبێت پێگەکەمان لە عێراق بەهێزبکەین و درێژە بە ئامادەیی هاوپەیمانییەتییەکەمان بدەین و ئاستی مەترسییەکان کەمبکەینەوە.
زیاتر بخوێنەوە
08:12
خامنەیی: تۆڵەیەکی تووند دەکەینەوە
خامنەیی و قاسم سولەیمانی
رێبەری ئێران بەبۆنەی کوژرانی قاسم سولەیمانی و هاوڕێکانی راگەیێندراوێک بڵاودەکاتەوە و رایدەگەیێنێت: "بەڕۆشتنی ئەو کارەکانی و رێگەکەی ناوەستێت و داناخرێت، بەڵام تۆڵەیەکی تووند چاوەڕێی ئەو تاوانبارانەدەکات کە دەستیان بە خوێنی ئەو و شەهیدەکانی دیکەی رووداوەکەی شەوی رابردوو پیس کردووە".
عەلی خامنەیی هەروەها سێ رۆژ ماتەمینی لە ئێران رادەگەیێنێت.
زیاتر بخوێنەوە
07:59
وەزارەتی دەرەوەی ئێران راگەیێندراوێک لەبارەی کوشتنی قاسم سولەیمانییەوە بڵاودەکاتەوە
وەزارەتی دەرەوەی ئێران راگەیێندراوێک لەبارەی کوشتنی قاسم سولەیمانییەوە بڵاودەکاتەوە
جەواد زەریف، وەزیری دەرەوەی ئێران ئەم بەیانییە راگەیێندراوێکی لەبارەی کوژرانی قاسم سولەیمانییەوە بڵاوکردەوە و تێیدا بە تووندی سەرکۆنەی کوشتنی قاسم سولەیمانی دەکات.
جەواد زەریف ئاماژە بەوە دەکات، "چەپەڵی و گەمژەیی هێزە تیرۆریستییەکانی ئەمریکا لە تیرۆرکردنی سولەیمانیدا، بێگومان درەختی بەرگری لە ناوچەکە و جیهاندا بەهێزتر دەکات".
وەزیری دەرەوەی ئێران جەخت دەکاتەوە، کۆماری ئیسلامیی ئێران تەواوی هەوڵە سیاسی، یاسایی و نێودەوڵەتییەکانی خۆی بۆ جێبەجێکردنی بڕیارەکانی ئەنجوومەنی باڵای ئاسایشی نەتەوەیی بۆ وەڵامدانەوەی رژێمی تاوانبار و تیرۆریستیی ئەمریکا لەبارەی ئەو تاوانە ئاشکرایەوە دەخاتەگەڕ.
07:45
مایک پۆمپیۆ: عێراقییەکان بۆ کوژرانی قاسم سولەیمانی سەمادەکەن
مایک پۆمپیۆ، وەزیری دەرەوەی ئەمریکا
لەیەکەم کاردانەوەی دوای کوژرانی فەرماندەی سوپای قودسی سوپای پاسدران، مایک پۆمپیۆ، وەزیری دەرەوەی ئەمریکا رایگەیاند: عێراقییەکان دڵخۆشن بە کوژرانی قاسم سولەیمانی و رژاونەتە سەر شەقامەکان و سەمادەکەن بۆ ئازادی.
مایک پۆمپیۆ، وەزیری دەرەوەی ئەمریکا لە توویتەکەیدا ڤیدیۆییەکی بڵاوکردووەتەوە کە تیایدا دەردەکەوێت ژمارەیەک کەس لە بەغدا رژاونەتە سەر شەقامەکان و ئاڵایەکی گەورەی عێراقیان بەرزکردووەتەوە. کەسێک لەنێو ڤیدیۆکە قسەدەکات و دەڵێت ئەوە کاژێر 04:30 خولەکی بەیانییە، خەڵک هاتوونەتەدەرەوە و خۆشحاڵن بە کوشتنی قاسم سولەیمانی.
وەزیری دەرەوەی ئەمریکا، لە توویتەکەیدا نووسیوویەتی ''عێراقییەکان، عێراقییەکان، سەمادەکەن بۆ ئازادی، سوپاسگوزارن بەوەی کە چی دیکە قاسم سولەیمانی بوونی نییە".
مایک پۆمپیۆ، وەزیری دەرەوەی ئەمریکا لە توویتەکەیدا ڤیدیۆییەکی بڵاوکردووەتەوە کە تیایدا دەردەکەوێت ژمارەیەک کەس لە بەغدا رژاونەتە سەر شەقامەکان و ئاڵایەکی گەورەی عێراقیان بەرزکردووەتەوە. کەسێک لەنێو ڤیدیۆکە قسەدەکات و دەڵێت ئەوە کاژێر 04:30 خولەکی بەیانییە، خەڵک هاتوونەتەدەرەوە و خۆشحاڵن بە کوشتنی قاسم سولەیمانی.
وەزیری دەرەوەی ئەمریکا، لە توویتەکەیدا نووسیوویەتی ''عێراقییەکان، عێراقییەکان، سەمادەکەن بۆ ئازادی، سوپاسگوزارن بەوەی کە چی دیکە قاسم سولەیمانی بوونی نییە".
زیاتر بخوێنەوەIraqis — Iraqis — dancing in the street for freedom; thankful that General Soleimani is no more. pic.twitter.com/huFcae3ap4
— Secretary Pompeo (@SecPompeo) January 3, 2020
07:22
ئەنجوومەنی باڵای ئاسایشی نیشتمانی ئێران بەپەلە کۆدەبێتەوە
عەلی شەمخانی، سکرتێری ئەنجوومەنی ئاسایشی نیشتمانی ئێران
ئەنجوومەنی باڵای ئاسایشی نیشتمانی ئێران لەسەر کوشتنی قاسم سولەیمانی فەرماندەی سوپای قودس کۆدەبێتەوە.
کەیوان خوسرەوی گوتەبێژی ئەنجوومەنی باڵای ئاسایشی نیشتمانی ئێران رایگەیاند، لە چەند کاژێری داهاتوو کۆبوونەوەیەکی بەپەلە لەبارەی کردەوە سامناکەکەی هێرشکردنە سەر ئۆتۆمبێلی قاسم سولەیمانی فەرماندەی سوپای قودس لە ئەنجوومەنی باڵای پاراستنی ئاسایشی نیشتمانی ئێران بەڕێوەدەچێت.
چاوڕێ دەکرێت لە کۆبوونەوەی ئەنجوومەنی باڵای پاراستنی ئاسایشی نیشتمانی ئیراندا چۆنیەتی کاردانەوەی ئێران بە کوشتنی قاسم سولەیمانی تاوتوێ بکرێت.
07:13
زەریف: ئەمریکا بەرپرسیارییەتی هەموو دەرئەنجامێکی پیلانگێڕییە خراپەکەی هەڵدەگرێت
محەممەد جەواد زەریف
محەممەد جەواد زەریف، وەزیری دەرەوەی ئێران لە توویتێکیدا رایگەیاندووە، هەنگاوە تیرۆرستانە نێودەوڵەتییەکەی ئەمریکا، بە ئامانجکردن و تیرۆرکردنی ژەنەڕاڵ سولەیمانی، کاریگەرترین هێز لە شەڕی دژ بە داعش، بەرەی نووسرە، ئەلقاعیدە و هێزە هاوشێوەکانیان، مەترسییەکی زۆر گەورەیەوەو پەرەسەندنێکی گەمژانەیە.
زەریف راشیگەیاندووە، ئەمریکا بەرپرسیارییەتی هەموو دەرئەنجامێکی پیلانگێرییە خراپەکەی هەڵدەگرێت.
06:50
لیندزی گراهام: ئەگەر ئێران بەردەوام بێت کەرتی نەوتی وێران دەکەین
لیندزی گراهام
لیندزی گراهام، سیناتۆری دیاری کۆمارییەکان لە توویتێکدا سوپاسی سەرۆکی ئەمریکا دەکات بۆ کوشتنی قاسم سولەیمانی و لەهەمانکاتدا هەڕەشەی تووند لە ئێران دەکات و رایدەگەیێنێت: "ئەگەر هێرشەکانی ئێران بەردەوام بێت و من کەسێک بم لە پاڵاوگەیەکی نەوتی ئێران کار بکەم، هەر ئێستا بیرم لەکارێکی دیکە دەکردەوە".
لیندزی گراهام هەروەها دەڵێت: "ئەگەر هێرشی ئێران بۆسەر ئەمریکا و هاوپەیمانەکانی بەردەوام بێت دەبێت قورسترین باج بدەن کە لەنێویدا پاڵاوگە نەوتییەکانیان دەگرێتەوە. ئەگەر دەتانەوێت لە سێکتەری نەوتدا بمێننەوە واز لە ئەمریکا و هاوپەیمانەکانی بهێنن و وازبهێنن لەوەی ببنە گەورەترین پاڵپشتیی تیرۆر لە جیهاندا".
زیاتر بخوێنەوە
06:03
پێنتاگۆن: بە فەرمانی ترەمپ قاسم سولەیمانی کوژرا
رووداو
وەزارەتی بەرگریی ئەمریکا رایگەیاند: "بەفەرمانی سەرۆکی ئەمریکا، سوپای ئەمریکا هێرشێکی یەکلاکەرەوەی ئەنجامدا بەمەبەستی پاراستنی ئەمریکییەکان لەدەرەوەی وڵات لەرێگەی کوشتنی قاسم سولەیمانی سەرۆکی سوپای قودس کە کەسێکە پێشتر بە تیرۆریست لەقەڵەم دراوە".
پێنتاگۆن دەڵێت: "ئەو بەرپرس بووە لە هێرشەکانی سەر بنکەکانی هاوپەیمانان لە عێراق لە چەند مانگی رابردوو و لەنێویاندا هێرشەکەی 27-12-2019. هەروەها قاسم سولەیمانی گڵۆپی سەوزی هەڵکردووە بۆ هێرشەکەی سەر باڵیۆزخانەی ئەمریکا لە بەغدا".
وەزارەتی بەرگریی ئەمریکا هێرشەکە بۆ رێگریکردن لە هێرشەکانی ئێران لە داهاتوودا ناودەبات و رایدەگەیێنێت: "ئەمریکا ئامادەیە هەموو رێگەکان بگرێتەبەر بۆ پاراستنی خەڵک و بەرژەوەندییەکانی لە هەموو شوێنێکی جیهان".
زیاتر بخوێنەوە
05:46
سوپای پاسداران کوژرانی قاسم سولەیمانی پشتڕاستدەکاتەوە
قاسم سولەیمانی
سوپای پاسدارانی ئێران لە راگەیێندراوێکدا هەواڵەکانی کوژرانی قاسم سولەیمانی فەرماندەی سوپای قودسی سوپای پاسداران پشتڕاستدەکاتەوە.
لە راگەیێندراوەکەی سوپای پاسداران هاتووە کە سەردار قاسم سولەیمانی دوای "تەمەنێک جیهادکردن"، بەرەبەیانی ئەمڕۆ لە هێرشی هەلیکۆپتەرەکانی ئەمریکا بۆ ئۆتۆمبێڵێک لە بەغدا لەگەڵ ئەبومەهدی موهەندیس کوژراوە.
زیاتر بخوێنەوە
05:43
دۆناڵد ترەمپ ئاڵایەکی ئەمریکا لە توویتەرەکەی دادەنێت
دۆناڵد ترەمپ
لەیەکەم کاردانەوەی کوژرانی قاسم سولەیمانی، فەرماندەی سوپای قودسی سوپای پاسداران و ئەبومەهدی موهەندیس، دۆناڵد ترەمپ، سەرۆکی ئەمریکا وێنەیەکی ئاڵای ئەمریکای لەسەر توویتەرەکەی بڵاوکردووەتەوە.
— Donald J. Trump (@realDonaldTrump) January 3, 2020زیاتر بخوێنەوە
05:13
حەشدی شەعبی: پێنج ئەندامی حەشدی شەعبی و دوو میوان کوژراون
ئەبومەهدی موهەندیس و قاسم سولەیمانی
بەرپرسانی ئەمریکی بە ئاژانسی رۆیتەرزیان راگەیاند دوو هێرش بۆ سەر دوو ئامانجی دیاریکراو ئەنجامدراوە و لەئەنجامدا دوو ئامانجیان پێکاوە بەڵام زانیاری زیاتریان نەداوە.
ئەحمەد ئەسەدی، گوتەبێژی حەشدی شەعبی بە رۆیتەرزی راگەیاندووە کە قاسم سولەیمانی و ئەبومەهدی موهەندیس بەرەبەیانی رۆژی هەینی لەرێگەی هێرشیكی ئاسمانییەوە کوژراون.
گوتەبێژی حەشدی شەعبی ئەمریکا و ئیسرائیل بە بەرپرسیار دەزانێت لە کوشتنی قاسم سولەیمانی و ئەبومەهدی موهەندیس.
هەروەها دەستەی حەشدی شەعبی رایگەیاندووە کە سێ مووشەک فڕۆکەخانەی نێودەوڵەتی بەغدای کردووەتە ئامانج و 5 ئەندامی حەشدی شەعبی لەگەڵ دوو میوان کوشتووە. بەپێی زانیارییەکانی حەشدی شەعبی هێرشەکە لەنزیک کارگۆی فڕۆکەخانەکە ئەنجامدراوە و دوو ئۆتۆمبێڵی سووتاندووە.
05:13
قاسم سولەیمانی و ئەبومەهدی موهەندیس کوژران
قاسم سولەیمانی، فەرماندەی سوپای قودسی سوپای پاسداران و مەهدی موهەندیس، جێگری سەرۆکی دەستەی حەشدی شەعبی
رووداو-هەولێر
کەناڵی عێراقییە رایگەیاند: قاسم سولەیمانی و ئەبومەهدی موهەندیس لە هێرش بۆ سەر فڕۆکەخانەی بەغدا کوژران.
هەروەها ئاژانسی هەواڵی تەسنیم کە نزیکە لە سوپای پاسداران هەواڵی کوژرانی قاسم سولەیمانی فەرماندەی سوپای قودس و ئەبومەهدی موهەندیسی بڵاوکردووەتەوە و نووسیویەتی: "هێرشکراوەتەسەر کاروانێکی حەشدی شەعبی لەنزیک فڕۆکەخانەی بەغدا و تێیدا قاسم سولەیمانی و ئەبومەهدی موهەندیس و محەممەد رەزا جابری کوژراون".