یەڵدا عەباسی گۆرانیبێژ و ژەنیاری کوردی خۆراسانە
رووداو - هەولێر
خەڵاتی ساڵانەی کەسایەتی ساڵی ناوەندی کولتووری و هونەری ڤەژین ، درا بە یەڵدا عەباسی، ژەنیار و گۆرانیبێژی کوردی خۆراسان.
ئەو خەڵاتە لە میانەی رێوڕەسمی شەوی یەڵدا پێشکەش بە یەڵدا عەباسی کرا، دوای وەرگرتنی خەڵاتەکە، یەڵدا عەباسی رایگەیاند، زیاتر کار لەسەر پەرەپێدانی کولتوور و هونەری کوردی دەکات.
ناوەندی ڤەژین، شەش ساڵە خەڵاتی بەڕووی زێڕین کە هێمای خۆڕاگرییە دەداتە کەسێک کە زیاترین رۆڵی لە گەشەپێدانی کولتوور و هونەری کوردیدا هەبێت.
رێوڕەسمی شەوی یەڵدا لە مەریوان، رێوڕەسمێکی تایبەت کە ساڵانە ناوەندی ڤەژین بۆ بەخشینی خەڵاتی ساڵانەی ئەو رێکخراوە بە کەسایەتی ساڵی رۆژهەڵاتی کوردستان بەڕێوەی دەبات.
لەو رێوڕەسمەدا نووسەر، شاعیر، چالاکڤانانی کولتووری و هونەری ناوچە جیاوازەکانی رۆژهەڵاتی کوردستان لە ئیلامەوە تاوەکو ماکۆ بەشداربوون.
هەروەها کوردانی خۆراسان کە دوای زیاتر لە 400 ساڵ دوورخرانەوەیان هێشتا پەیوەندی نەتەوەییان بەسەر دووری مەودایان زاڵە.
پێداچوونەوە: راوچی حەسەن
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ