رووداو دیجیتاڵ
پێنج ئەندامی هێزەکانی پاسەوانی سنووریی ئێران لە پارێزگای سیستان و بەلوچستان لە پێکدادان لەگەڵ گرووپێکی چەکداریدا کوژران.
بەڕێوەبەرایەتیی راگەیاندنی پۆلیسی ئێران لەبارەی پێکدادانەکە راگەیێندراوێکی بڵاوکردەوە و دەڵێت، "شەوی رابردوو لە هێرشێکی تیرۆریستیی گرووپێکی 'چەکدار' و 'دژبەر' پێنج ئەندامی بنکەی پاسەوانیی 'مزە سەر' لە پارێزگای سیستان و بەلوچستان گیانیان لەدەست داوە."
بەڕێوەبەرایەتیی راگەیاندنی پۆلیسی ئێران راشیگەیاند؛ لە پێکدادانەکەدا ژمارەیەک لە ئەندامی ئەو گرووپە چەکدارە کوژراون و دواتریش لە شوێنی رووداوەکە نەماون.
جێگری بەڕێوەبەری گشتیی پۆلیسی ئێران و فەرماندەی پاسەوانی سنوور بۆ بەدواداچوونی رووداوەکە سەردانی پارێزگای سیستان و بەلوچستانیان کردووە. پۆلیسی ئێران دەڵێت، ئەم هێرشە "ناجوامێرانە" بێ وەڵام نامێنێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ