رووداو-کرماشان
قوربانی یەکەمی ھەر نەھامەتییەک جا شەڕ بێت یان کارەساتی سرووشتی منداڵانن ، بەڵام ئەوە نابێتە ھۆی ئەوەی خەندە لەسەر لێویان بتارێت. ھەمیشەش لە جیھانە تایبەتەکەیاندا، شوێنەواری کارەساتەکان دەکەن بە شوێنی گاڵته و گەپیان و پاشماوەکەیشی دەکەنە کەرەستەی یارییان، جا ئەگەر کەرستەکانیش داروپەردووی خانووەکانیان بووبێت.
بەھۆی شەپۆلی ئەو بوقمەلەرزەیەی باشوور و رۆژھەڵاتی کوردستانی گرتەوە، جگە لە زیانە ماددییەکانی کە چەندین گوند و ناوچەی وێرانکرد، زیاتر لە 500 کەس گیانیان لەدەستدا و نزیکەی 10 هەزار کەسیش بریندار بوون.
لەو وێنانەدا بەشێک لە منداڵانی سەرپێڵی زەھاو دەردەکەون کە خەریکی راکەڕاک و بەزمی خۆیانن، بێئاگا لەوەی چ زستانێکی قورس لەڕێیانە و ھێشتاش بەپێی پێویست یارمەتی نەدراون.
داڕشتنەوە؛ عومەر شایان
.jpg&w=3840&q=75)