رووداو - گەرمیان
گوتەبێژی حکومەتی هەرێمی کوردستان رایگەیاند، وەزارەتی ناوخۆ ناوی ئەو کەسانەی بڵاوکردەوە کە لە دەروازەی سنووریی مونزریەوە گەڕاونەتەوە هەرێمی کوردستان و پشکنینی ڤایرۆسی کۆرۆنایان بۆ نەکراوە و لیژنەیەک بۆ ئاگادارکردنەوەیان پێکهێنراوە.
د. جووتیار عادل، گوتەبێژی حکومەتی هەرێمی کوردستان بە تۆڕی میدیایی رووداوی راگەیاند، "ناوی هەموو ئەو کەسانە بڵاودەکەینەوە کە لە دەروازەی سنووریی مونزریەوە هاتوونەتەوە هەرێمی کوردستان و لیژنیەک پێکهێنراوە بۆ ئەوەی هەموویان ئاگادار بکرێنەوە".
وەزارەتی ناوخۆی هەرێمی کوردستان داوا لە هاونیشتمانییان دەکەن ئەگەر کەسانێک دەناسن لە ئێران گەراوەتەوە و کەرەنتینە نەکراون، زانیاری بە لیژنەکانی تەندروستیی بەرەنگاربوونەوە بدەن بۆ خۆپاراستن لە ڤایرۆسی کۆرۆنا.
د. جووتیار عادل ئاماژەی بەوە کرد، "هێڵی بەپەلەمان هەیە و دەبێت خەڵک هاوکارمان بن لەڕێگەی هێڵی بەپەلەوە لیژنەکانی بەرەنگاربوونە و خۆپاراستن دژ بە ڤایرۆسی کۆرۆنا ئاگاداربکەنەوە".
گوتەبێژی حکومەتی هەرێمی کوردستان جەختی لەوە کردەوە، دەبێت خەڵک هەست بەبەرپرسیارێتی بکەن و کەرەنتینەکردنی خۆیان بە زیندانیکردن تێنەگەن.
ناو و ناونیشانی ئەو هاونیشتمانییانەی لە دەروازەی مونزریەوە هاتوونەتەنەوە:
![](https://scontent.febl1-1.fna.fbcdn.net/v/t1.15752-9/88347034_136455784344677_5121935542010773504_n.jpg?_nc_cat=103&_nc_sid=b96e70&_nc_ohc=fGAp6CfeJV4AX9X1je6&_nc_ht=scontent.febl1-1.fna&oh=a6d73b883671e36fe6a5d8e5cc3c46cc&oe=5EF3FBB8)
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ