رووداو دیجیتاڵ
شاندێکی باڵای حکومەتی هەرێمی کوردستان بۆ پرسی سەرژمێریی گشتیی گەیشتنە بەغدا.
بەگوێرەی زانیارییەکانی تۆڕی میدیایی رووداو، شاندەکەی حکومەتی هەرێمی کوردستان بە سەرۆکایەتیی د. دارا رەشید، وەزیری پلاندانانە و هەر یەک لە د. ئومێد سەباح، سەرۆکی دیوانی ئەنجوومەنی وەزیران، د. ئامانج رەحیم، سکرتێری ئەنجوومەنی وەزیران و سیروان محەممەد، بریکاری وەزارەتی پلاندانانی ئەندامی شاندەکەن.
بەرپرسێک لە وەزارەتی پلاندانان بە تۆڕی میدیایی رووداوی گوت، شاندەکە گەیشتوونەتە بەغدا و بڕیارە لە چەند دیدار و کۆبوونەوەیەکدا پرسی سەرژمێریی گشتیی لە عێراق و هەرێمی کوردستان تاوتوێ بکەن.
کارەکانی ژمارە لێدان و گەمارۆسازی سەرژمێریی گشتیی لە عێراق لە سەرەتای مانگی ئەیلول دەستپێکردووە و بڕیارە تاوەکو یەکی تشرینی دووەم بەردەوام بێت، لە هەرێمی کوردستانیش لە 1-10-2024 دەستیپێکردو تاوەکو ئێستا بەردەوامە.
بڕیارە لە 20-11-2024 سەرژمێریی گشتی لە عێراق و هەرێمی کوردستان بکرێت.
.jpg&w=3840&q=75)