رووداو دیجیتاڵ
ئەمڕۆ هەینی لە نزیک گوندی دوهۆلا لە باکووری چیای شنگال، تەرمی پێشمەرگەیەکی کوردی ئێزدی دۆزرایەوە کە دوو مانگ بوو بێسەروشوێن بوو.
تەرمەکە لەلایەن پۆلیسی عێراقییەوە دۆزراوەتەوە. پێشمەرگەکەش ناوی موحسین عیسا موراد بووە و تەمەنی 28 ساڵان بوو.
داود عیسا، برای موحسینە و بە تۆڕی میدیایی رووداوی راگەیاند، تەرمەکەی براوەتە دادپزیشکی موسڵ و لەوێ چوونە ناسیویانەتەوە.
بە گوتەی براکەی، شوێنەواری گولـلە بەسەر جەستەی موحسینەوە هەبووە و "بە گولـلە کوژراوە."
بەپێی زانیارییەکانی رووداو، پێشمەرگەکە ژیانی هاوژینی پێکهێناوە و باوکی دوو منداڵە. خەڵکی کۆمەڵگەی گوهبەلە کە سەر بە شارۆچکەی سنوونێیە لە باکووری چیای شنگال.
.jpeg&w=3840&q=75)
