رووداو دیجیتاڵ
لە پارێزگای چەولیگ ـی باکووری کوردستان، بۆ ماوەی شەش رۆژ قەدەخەی خۆپێشاندان و گردبوونەوە راگەیێندرا.
بەگوێرەی راگەیێندراوێکی پارێزگای چەولیگ لە باکووری کوردستان، لە کاژێر 23:59 خولەکی 26ـی کانوونی یەکەمی 2023ـەوە تاوەکو کاژێر 23:59 ـی یەکی کانوونی دووەمی 2024 لە ناوەندی شار و شارۆچکەکانی چەولیگ بۆ ماوەی شەش رۆژ هەموو جۆرە گردبوونهوه، خۆپێشاندان، رێپێوان و مانگرتن، ههڵدانی چادر و چالاكییەکی دیکە قهدهخەیە.
لە راگەیێندراوەکەدا ئاماژە بەوەدراوە، بەمەبەستی "پاراستنی ماڵ و گیانی هاووڵاتییان، رێگریکردن لە هێرش، لەنێوبردنی رێکخراوی تیرۆر و دەستەبەرکردنی ئاساییشی نیشتمانی" ئەو بڕیارە دراوە و جەخت کراوەتەوە، لەو وادەیەدا رێگە بە هیچ کار و چالاکییەکی بێ مۆڵەت نادرێت تەنیا ئەو چالاکییانە نەبێت، کە لەلایەن پارێزگار و قایمقامەکانەوە مۆڵەتیان پێدەدەرێت.
ماوەی چەند ساڵێکە بە هۆکاری جۆراوجۆری ئەمنی، قەدەخەکردنی خۆپێشاندان و گردبوونەوەکان لە چەندین ناوچەی باکووری کوردستان راگەیێندراوە و ماوەی ئەو قەدەخەکردنانەش بەردەوام درێژدەکرێنەوە.
