رووداو دیجیتاڵ
لە رووداوێکی تەقەکردندا لەنێو بازاڕی شاری سلێمانی، هاونیشتمانییەک بریندار بوو.
سەرکەوت ئەحمەد، گوتەبێژی پۆلیسی سلێمانی ئەمڕۆ چوارشەممە بە تۆڕی میدیایی رووداوی گوت، ئەو کەسەی بریندار کراوە دووکانی لە ژێر پردەکەی شەقامی مەولەوی هەیە و گولـلە بەر قاچی کەوتووە.
بەگوێرەی پۆلیسی سلێمانی، چەند شەوێک پێش ئێستا ئەو کەسەی ئەمڕۆ بریندار کراوە لەگەڵ کەسێکی دیکە لە نزیک شەقامی 60 مەتریی سلێمانی دەمەقاڵێیان هەبووە، ئەمڕۆ تۆمەتبارەکە لەگەڵ دوو کەسی دیکەدا چوونەتە دووکانەکە و ئەو کەسەیان بریندار کردووە.
سەرکەوت ئەحمەد دەڵێت، بریندارەکە تۆمەتبارەکان دەناسێتەوە و سکاڵای یاسایی تۆمار کردووە.
پۆلیس پەڕاوی لێکۆڵینەوەی بۆ رووداوەکە کردووەتەوە و تاوەکو ئێستا تۆمەتبارەکان دەستگیر نەکراون.
سەرکەوت ئەحمەد گوتی، "لەگەڵ ئاسایش سەرقاڵی گەڕانین بۆ دەستگیرکردنی تۆمەتباران."
.webp&w=3840&q=75)