رووداو دیجیتاڵ
لە سنووری ناحیەی چەمانکێ لە پارێزگای دهۆک بوومەلەرزەیەک روویدا.
حەمید حەسەن، بەڕێوەبەری بەشی بوومەلەرزەزانی لە بەڕێوەبەرایەتیی کەشناسی و بوومەلەرزەزانیی دهۆک ئەمڕۆ سێشەممە بە تۆڕی میدیایی رووداوی گوت: "گوڕی بوومەلەرزەکە 2.4 پلە بووە بە پێوەری رێختەر".
حەمید حەسەن گوتی، قووڵیی بوومەلەرزەکە 39 کیلۆمەتر بووە؛ بۆیە هەستپێکردنی لەلایەن هاونیشتمانیانەوە کەم بووە.
بە گوتەی بەڕێوەبەری بەشی بوومەلەرزەزانی لە کەشناسیی دهۆک، ئەو سنوورەی بوومەلەرزەکە تێیدا روویداوە ناوچەیەکە هێڵی بوومەلەرزە تێیدا چالاکە.
هەر لە پارێزگای دهۆک و 15ـی ئەم مانگە، لە سنووری قەزای ئاکرێ بوومەلەرزەیەک بە گوڕی سێ پلە بە پێوەری رێختەر روویدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ