بەگوێرەی بەدواداچوونی رووداو، لەنێو دەنگی جیاکراوەی بەربژێرەکان بۆ ئەنجوومەنی پارێزگای کەرکووک، نەشئەت شاهوێز خورشید لە لیستی کەرکووک هێز و ئیرادەمانە (یەکێتیی نیشتمانیی کوردستان) زۆرینەی دەنگەکانی لەسەر ئاستی پارێزگا بەدەستهێناوە.

ئەو کەسانەی لە کەرکووک دەرچوون 

کەرکووک هێز و ئیرادەمانە (یەکێتی نیشتمانی کوردستان)، پێنج کورسی: 
-نەشئەت شاهوێز خورشید: 37971 دەنگ
-رێبوار تەها: 27265 دەنگ
-ئەحمەد فاتیح: 11 هەزار دەنگ
-هۆشیار هیجران: 5961 دەنگ
-پەروین فاتیح جەباری: 5396 دەنگ

هاوپەیمانی عەرەبی، سێ کورسی: 
-راکان جبووری: 36617 دەنگ
-ئەحمەد عەبدولواحید حەمدانی: 8717 دەنگ
- سەلوا میفرەجی: 4190 دەنگ 

بەرەی تورکمانی یەکگرتووی عێراق، 2 کورسی: 
-ئەحمەد رەمزی کەریم:  19339 دەنگ
-محەممەد سەمعان کەنعان: 10698 دەنگ

پارتی دیموکراتی کوردستان، 2 کورسی:
-حەسەن مەجید رەشید شێخانی: 7505 دەنگ
-شۆخان حەسیب : 3582 دەنگ

قیادە، دوو کورسی: 
-رەعد ساڵح حوسێن جبووری: 9967 دەنگ
-بەیدا حەموود دەرویش: 1744 دەنگ

عرووبە، یەک کورسی: 
-زاهیر ئەنوەر عاسی حوسێن عوبەیدی: 10060 دەنگ

 بزووتنەوەی بابلیون:
-ئینجیل زیا شیبا زیا: 56 دەنگ

سەلاحەدین: هاوپەیمانیی جەماهیری وەتەنی (بەربژێرەکەی یەکێتیی لەنێودایە) 122305 دەنگ
سەلاحەدین: حەسمی وەتەنی (بەربژێرەکەی پارتی لەنێودایە) 40187 دەنگ
سەلاحەدین: هاوپەیمانیی سیادە 47136 دەنگ 
سەلاحەدین: هاوپەیمانیی تەقەدوومی وەتەنی 48875 دەنگ
سەلاحەدین: هاوپەیمانی ئیتاڕی وەتەنی: 65210 
سەلاحەدین: هاوپەیمانی عەزمی مەدەنی: 61561 
سەلاحەدین: حیزبی سیقە: 4192 
سەلاحەدین: هاوپەیمانی ریئاسە: 3730 
سەلاحەدین: هاوپەیمانی زەمیری عێراقی: 1496

بەگوێرەی ئەنجامە بەراییەکانی کۆمیسیۆن، لە پارێزگای نەینەوا، پارتی 127,938 دەنگ و یەکێتی 45,939 دەنگی بەدەستهێناوە.

ئێستا کۆمیسیۆنی باڵای سەربەخۆی هەڵبژاردنەکان لە بەغدا کۆنفرانسی رۆژنامەڤانی هەیە و ئەنجامە بەراییەکان رادەگەیێنێت.

ئەم بابەتە لەلایەن زریان رۆژهەڵاتی، بەڕێوەبەری ناوەندی لێکۆڵینەوەی رووداو ئامادەکراوە

پارتی دیموکراتی کوردستان لە سنووری قەزای شێخانی پارێزگای نەینەوا ژمارەیەکی زۆر دەنگی بەدەستهێناوە. 

بە گوێرەی زانیارییەکانی تۆڕی میدیایی رووداو، پارتی دیموکراتی کوردستان لە 13 بنکەکەی سنووری قەزای شێخانی پارێزگای نەینەوا 15 هەزار و 834 دەنگی بردووەتەوە و ئەوەش دەکاتە رێژەی 76٪ی دەنگەکانی ئەو قەزایە. 

هەر بە گوێرەی زانیارییەکانی تۆڕی میدیایی رووداو، یەکێتیی نیشتمانیی کوردستانیش 1254 دەنگی لە شێخان بەدەستهێناوە. 

پارتی لە سنووری پارێزگای نەینەوا بەگشتی ژمارەیەکی زۆر دەنگی بەدەستهێناوە. 

ئەوەی کە پەیوەندی بە مەخموور و گوێڕەوە هەیە، پەیام سەربەست، پەیامنێری تۆڕی میدیایی رووداو لە مەخموور گوتی، "لە ناوەندی مەخموور 5 بنکەی دەنگدانی لێ بوو. بەگوێرەی ئەو ئەنجامە بەراییانەی دەستمانکەوتوون، پارتی دیموکراتی کوردستان 2101 دەنگی بردووەتەوە. هەروەها یەکێتی نیشتمانیی کوردستان 1915 دەنگی بەدەستهێناوە. پارتی لە قەراج  2100 دەنگی بردووەتەوە، یەکێتیش 280 دەنگی بەدەستهێناوە".

هاوکات رەنجە جەمال، پەیامنێری تۆڕی میدیایی رووداو لە موسڵ رایگەیاند، پارتی لە سنووری بەشێک لە گوند، ناحیە و قەزاکانی سنووری پارێزگای نەینەوا دەنگی یەکەمی بەدەستهێناوە.

رەنجە جەمال گوتی، پارتی لە گوندی دووبەردان لە کۆی 3348 دەنگ 1840 دەنگی بەدەستهێناوە؛ لە گوندی سێکانی لە کۆی 3 هەزار دەنگ 1801 دەنگی بردووەتەوە و دابەشبوونی دەنگەکان لە بەشێکی دیکەی شوێنەکانیش بەو جۆرەیە. 

هاوکات پارتی لە سنووری ناحیەی فایدەش 14460 دەنگی بەدەستهێناوە و یەکێتیش لە هەمان شوێن 511 دەنگی بردووەتەوە. 

رەنجە جەمال زانیاری لەبارەی دەنگدانی تایبەت لە سنووری نەینەواش راگەیاند و گوتی، پارتی 15 هەزار و 642 دەنگ و یەکێتی 3661 دەنگی بردووەتەوە. 
وەک پەیامنێری رووداو گوتی، پارتی چاوی لەوەیە 7 بۆ 8 کورسی ئەنجوومەنی پارێزگای نەینەوا بباتەوە و لەسەر ئەو بنچینەیەش جێگری پارێزگای نەینەوا و سەرۆکی ئەنجوومەن وەربگرێت. یەکێتیش کورسییەک بۆ دوو کورسی دەباتەوە.

کۆمیسیۆنی باڵای سەربەخۆی هەڵبژاردنەکانی عێراق لە کۆنفرانسێکی رۆژنامەڤانیدا رایگەیاند، "هەڵبژاردنەکە بە ستانداردی نێودەوڵەتی بەڕێوەچوو و سەرکەوتوو بوو".

کۆمیسیۆن راشیگەیاند، رێژەی بەشداری لە هەڵبژاردنی گشتی و تایبەت 41% بووە لە سەرجەم پارێزگاکانی عێراق و کەرکووکدا.

کۆمیسیۆن سوپاسی هەموو ئەو لایەنانەی کرد کە هاوکار بوون لە بەڕێوەچوونی هەڵبژاردنی ئەنجوومەنی پارێزگاکانی عێراق.

 بەگوێرەی بەدواداچوونی رووداو، ئەنجامی بەرایی دەنگەکان بەم شێوەیەن:

 ناحیەی گوێڕ: پارتی 11,260 دەنگ و یەکێتی 1,490 دەنگ

 ئەنجامی زیاتر لە 32 هەزار دەنگ لە کەرکووک: یەکێتی 21,701 دەنگ, پارتی 6,130 دەنگ و نەوەی نوێ 4,375

 ئەنجامى ناوەندى دەنگدانى تەقەدوومى کچان لە کەرکووک:

 پەیامنێرانی رووداو لە مەخموور و خانەقین ئەنجامی بەرایی بنکەکانی دەنگدانیان دەستکەوتووە، لە بنکەی قەراج لەنێو مەخموور، لەکۆی 2700 دەنگی بنکەکە، 1124 کەس دەنگیانداوە.