رووداو دیجیتاڵ
گوتەبێژی کۆمیسیۆنی باڵای سەربەخۆی هەڵبژاردنەکانی عێراق دەڵێ: "تانە لە ئەنجامی بەرایی هەڵبژاردن نادرێت."
ئەمڕۆ پێنجشەممە، 17.10.2024، جومانە غەلای بە تۆڕی میدیایی رووداوی راگەیاند، دوای 24 کاژێر، ئەنجامی بەرایی هەڵبژاردن رادەگەیێندرێت و "تانە لەو ئەنجامە وەرناگیرێت."
جومانە غەلای گوتی: "دوای راگەیاندنی ئەنجامی بەرایی، راستەوخۆ دەست بە یەکلایی کردنەوەی ئەنجامەکان دەکرێت، دوای راگەیاندنی ئەنجامی کۆتایی، تانەی حیزب، هاوپەیمانێتی و بەربژێرەکان وەردەگیرێت."
بڕیارە سبەی هەینی، 18ی تشرینی یەکەم، پرۆسەی دەنگدانی تایبەت لە هەر چوار بازنەی هەڵبژاردنی هەرێمی کوردستان بەڕێوەبچێت و 20ی ئەم مانگەش دانگدانی گشتی بۆ هەڵبژاردنی پەرلەمانی کوردستان بەڕێوەدەچێت.
گوتەبێژی کۆمیسیۆنی باڵای سەربەخۆی هەڵبژاردنەکانی عێراق ئاماژەی بەوەکرد، دوای وەرگرتن و بەدواداچوون بۆ تانەکان، دواتر هەر گۆڕانکارییەک دروست بکەن یاخود نا، لە پێگەی فەرمیی کۆمیسیۆن بڵاودەکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ