رووداو دیجیتاڵ
سەرۆک مەسعود بارزانی برووسکەیەکی پیرۆزبایی ئاراستەی دانا ئەحمەد مەجید، رێکخەری گشتیی بزووتنەوەی گۆڕان، ئەندامانی جڤاتی نیشتمانی و هەموو ئەندام و لایەنگرانی بزووتنەوەکە کرد.
سەرۆک بارزانی هیوای خواستووە، "هەڵبژاردنی سەركردایەتیی تازەی بزووتنەوەی گۆڕان خزمەتی پڕۆسەی سیاسی و بەرژەوەندییە باڵاكانی گەلی كوردستان و تەبایی نێوان لایەنە سیاسییەكان بكات."
رۆژی دووشەممە لە شاری کەرکووک، کۆنفرانسی گشتیی بزووتنەوەی گۆڕان بەڕێوەچوو، تێیدا رێکخەری گشتی و 55 ئەندامی جڤاتی نیشتمانی هەڵبژێردران.
کۆنفرانسەکە بە بەشداریی 2132 کەس کە ساڵی 2017 بۆ نوێکردنەوەی مۆڵەتی بزووتنەوەکە ناویان لە بەغدا تۆمار کردبوو مافی بەشداربوونیان هەبوو بەرێوەچوو.
کۆنفرانسەکە بە بەشداریی 2132 کەس کە ساڵی 2017 بۆ نوێکردنەوەی مۆڵەتی بزووتنەوەکە ناویان لە بەغدا تۆمار کردبوو مافی بەشداربوونیان هەبوو بەرێوەچوو.
دەقی برووسکەی پیرۆزباییەکەی سەرۆک بارزانی:
بەناوی خودای بەخشندە و میهرەبان
بەڕێز كاك دانا ئەحمەد مەجید ڕێكخەری گشتیی بزووتنەوەی گۆڕان
بەبۆنەی هەڵبژاردنی بەڕێزتان وەك ڕێكخەری گشتیی بزووتنەوەی گۆڕان و هەڵبژاردنی ئەندامانی جڤاتی نیشتیمانیی بزووتنەوەكەتان، پیرۆزبایی لە ئێوە و ئەندامانی جڤاتی نیشتیمانی و سەرجەم ئەندام و لایەنگرانی بزووتنەوەی گۆڕان دەكەم. هیوادارم هەڵبژاردنی سەركردایەتیی تازەی بزووتنەوەی گۆڕان خزمەتی پڕۆسەی سیاسی و بەرژەوەندییە باڵاكانی گەلی كوردستان و تەبایی نێوان لایەنە سیاسییەكان بكات.
هیوای سەركەوتنتان بۆ دەخوازم.
مسعود بارزانی
17ی شوباتی 2026
.jpg&w=3840&q=75)
