رووداو دیجیتاڵ
دوای ئەوەی لە یەکێک لە چێشتخانەکانی هەولێر داوا لە گەنجێکی کورد دەکەن کە کاری گەیاندن (دیلیڤەری) دەکات، بە زمانی عەرەبی قسە بکات، ئەمڕۆ لەلایەن پارێزگا و قایمقامییەتی هەولێرەوە داخرا و پارێزگاری هەولێریش دەڵێت، رێکار بەرامبەر چێشتخانەکە گیراوەتەبەر.
چێشتخانەکە ناوی فراید چیکنە. گەنجەکە لە بەردەم چێشتخانەکەدا ڤیدیۆی تۆمارکردووە و دەڵێت، پێمدەڵێن تاوەکو بە عەرەبی قسە نەکەیت خواردنەکەت پێنادەین.
دووشەممە 16-2-2026 ئومێد خۆشناو، پارێزگاری هەولێر بە تۆڕی میدیایی رووداوی راگەیاند، لێکۆڵینەوە و رێکاری پێویست بەرامبەر چێشتخانەکە گیراوەتەبەر.
بە گوتەی پارێزگاری هەولێر، دوای تەواوبوونی رێکارەکان، سبەی چێشتخانەکە دەکرێتەوە.
