رووداو- ئەنقەرە
پەرلەمانتارێکی دیکەی پارتی دیموکراتی گەلان لەلایەن هێزە ئەمنییەکانی تورکیاوە دەستگیرکرا.
عەلیجان ئۆنلو، پەرلەمانتاری هەدەپە پێشتر بڕیاری بەزۆر بردنی بۆ دادگای بۆ دەرکرابوو رۆژی چوارشەممە 14-12-2016 لە فڕۆکەخانەی ئەسەنبۆغا لە ئەنقەرەی پایتەختی تورکیا، لەلایەن هێزە ئەمنییەکانی تورکیاوە دەستگیرکرا.
بەرەبەیانی هەینی 4-11-2016 لە ئۆپەراسیۆنێکدا سەڵاحەدین دەمیرتاش و فیگەن یوکسەکداغ هاوسەرۆکانی هەدەپە لەگەڵ 10 پەرلەمانتاری دیکەی ئەو پارتە لەلایەن پۆلیسی تورکیاوە دەستگیرکران و دوای وەرگرتنی گوتەکانیان لەلایەن پۆلیس و داواکاری گشتییەوە، هەندێکیان بڕیاری زیندانیکردنیان بۆ دەرچوو و چەند کەسێکیشیان ئازاد کران.
پرۆفایلی عەلیجان ئۆنلو
پەرلەمانتاری هەدەپە
لە ساڵی 1967 لەدایک بووە
لە ساڵی 1994 - 1996 بەرپرسی لقی ئیستەنبوڵی پارتی گەلی دیموکراتی بووە
لە 2002 - 2004 ئەندامی بەڕێوەبردنی پارتی گەلی دیموکراتی بووە
لە 2009 - 2014 ئەندامی شارەوانی دەرسیم بووە
لە هەڵبژاردنەکانی 2015دا بە پەرلەمانتاری هەدەپە هەڵبژێردراوە
پێداچوونەوە؛ عومەر شایان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ