رووداو دیجیتاڵ
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان دەڵێ، کاریگەریی نزمەپەستانی دەریای سپیی نێوەڕاست بەردەوام دەبێت و "پێشبینی دەکرێ ئەمشەو و سبەی نمەباران لە سەرجەم ناوچەکان بەردەوام بێ، لە هەندێک ناوچەش بڕێکی باش باران دەبارێ."
لە راپۆرتی کەشناسی بۆ پێشبینی بارانبارین بۆ ئەمشەو و سبەی شەممەدا هاتووە، پێشبینی دەکرێ ئەمشەو و سبەی بارانبارین بەشێوەی پچڕ پچڕ بەردەوام بێ و "بەرەبەیانیی سبەی بڕێکی باش باران لە ناوچەکانی باکووری رۆژئاوای هەولێر، بەتایبەتی لە نێوان بەردەڕەش و بەحرکەدا ببارێت."
کەشناسیی هەرێمی کوردستان ئاماژەی بەوەش کردووە، ئێوارە و شەوی شەممە نمەباران تەنیا لە ناوچەکانی رۆژهەڵاتی هەرێمی کوردستان دەبێت و پاشان کۆتایی دێت، لە ناوچە شاخاوییە سنوورییەکانیش بەفر دەبارێ.
کەشناسی پێشبینیش دەکات رۆژی یەکشەممە شەپۆلەکە کۆتایی بێت و پلەی گەرما کەمێک بەرز ببێتەوە.
پێشبینیی کەشناسی بۆ بڕی بارانبارین بۆ ئەمشەو و سبەی بەم شێوەیە:
- پارێزگای هەولێر:
سەنتەری هەولێر: ئەمشەو 3-5 میلیمەتر؛ سبەی 7-10 میلیمەتر
باکووری رۆژئاوای هەولێر: ئەمشەو 2-3 میلیمەتر؛ سبەی 12-15 میلیمەتر
رۆژئاوای هەولێر: ئەمشەو 2-3 میلیمەتر؛ سبەی 10-12 میلیمەتر
ناوچە شاخاوییەکان: ئەمشەو 4-6 میلیمەتر؛ سبەی 8-10 میلیمەتر
- پارێزگای دهۆک و ئیدارەی سەربەخۆی زاخۆ:
سەنتەری دهۆک: ئەمشەو 8-11 میلیمەتر؛ سبەی 4-6 میلیمەتر
سەنتەری زاخۆ: ئەمشەو 5-8 میلیمەتر؛ سبەی 1-2 میلیمەتر
ئاکرێ: ئەمشەو 2-3 میلیمەتر؛ سبەی 3-5 میلیمەتر
ناوچە شاخاوییەکان: ئەمشەو 4-6 میلیمەتر؛ سبەی 3-5 میلیمەتر
- پارێزگای سلێمانی و هەڵەبجە و ئیدارە سەربەخۆکان:
سەنتەری سلێمانی: ئەمشەو 2-4 میلیمەتر؛ سبەی 7-10 میلیمەتر
سەنتەری راپەڕین: ئەمشەو 3-5 میلیمەتر؛ سبەی 6-8 میلیمەتر
سەنتەری هەڵەبجە: ئەمشەو 1-3 میلیمەتر؛ سبەی 8-10 میلیمەتر
ئیدارەی گەرمیان: ئەمشەو 1 میلیمەتر؛ سبەی 7-10 میلیمەتر
- پارێزگای کەرکووک:
سەنتەری کەرکووک: ئەمشەو 2-4 میلیمەتر؛ سبەی 8-10 میلیمەتر
