حاجییەکی دیکەی خەڵکی رۆژهەڵاتی کوردستان لە مەککە کۆچی دواییکرد

12-07-2023
فواد حەقیقی
A+ A-

رووداو دیجیتاڵ 

بەرپرسی حەج و زیارەتی پارێزگای سنە دەڵێت، شەشەمین حاجی خەڵکی ئەو پارێزگایەی رۆژهەڵاتی کوردستان لە مەککە کۆچی دواییکرد.

  

بەگوتەی کاوە شێرزادی، بەرپرسی حەج و زیارەتی پارێزگای سنە، ئەو حاجییە ناوی عەلی نەجیبییە، 84 ساڵ تەمەنی بووە، خەڵکی شاری سنە بووە و رۆژی سێشەممە 11-7-2023 کۆچی دواییکرد.
 
کاوە شێرزادی دەڵێت، گەرمای ئەمساڵی سعودیە لە 25 ساڵی رابردوودا بێوێنە بووە و هەر ئەوەش بووەتە هۆی نەخۆشکەوتنی ژمارەیەکی زۆر حاجی.
 
بەپێی رێکخراوی حەج و زیارەتی ئێران، ئەمساڵ لە ئێران و رۆژهەڵاتی کوردستانەوە 87 هەزار و 550 کەس چوون بۆ حەج. هەزار و 340 کەس لەوان خەڵکی پارێزگای سنە بوون کە بە نۆ کاروان چوون. 
 
تاوەکو ئێستا 9 حاجی خەڵکی ئێران و رۆژهەڵاتی کوردستان لە سعودیە گیانیان لەدەستداوە؛ شەش کەس لەوان خەڵکی رۆژهەڵاتی کوردستان و شارەکانی بانە، دیواندەرە، مەریوان و روانسەر بوون.
 
گەڕانەوەی حاجییان چەند رۆژێکە دەستیپێکردووە و بڕیارە دوایین کاروان 24-7-2023 بگەڕێنەوە ئێران.
 
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

باڵەخانەی پەرلەمانی کوردستان. وێنە: بڵند تاهیر - رووداو

پارتی بۆ هەڵبژاردنی پەرلەمانی کوردستان 190 بەربژێری دەبێت و زۆرترینیان لە سلێمانییە

پارتی دیموکراتی کوردستان لە دوایین رۆژی دیاریکراو بۆ پێشکێشکردنی لیستی ناوی بەربژێران، لیستەکەی رادەستی کۆمیسیۆنی باڵای سەربەخۆی هەڵبژاردنەکان دەکات. 190 بەربژێری دەبێت و زۆرترین بەربژێری لە پارێزگای سلێمانییە.