زاوایەک لە ئاهەنگی هاوسەرگیرییەکەیدا براکەی خۆی دەکوژێت

 رووداو - هەولێر

لە ڤیدیۆیەکدا کە لەتۆڕە کۆمەڵایەتییەکان بڵاوبووەتەوە لەنێو ئاهه‌نگی هاوسەرگیرییدا و  لەکاتی هەڵپەڕکێدا، زاوایەک براکەی دەداتە بەر دەسترێژی گوللە.

وەکو لە گرتە ڤیدیۆییەکەدا دەردەکەوێت کەسێک کە بەجلوبەرگەکەیدا دەردەکەوێت و دەگوترێت زاوایە دەیەوێت گوللەی خۆشی بتەقێنێت، بەڵام چەکەکەی دەستی لاردەبێتەوە و ئەو کەسەی کە دەگوترێت برای زاواکەیە بەر دەستڕێژی گوللە دەکەوێت و گیانی لەدەست دەدات.

هەرچەندە نازانرێت رووداوەکە کەی روویداوە، بەڵام ئەوە روونە کە ئەو کەسانە کوردن و پێشدەچێت خەڵکی رۆژهەڵاتی کوردستان بن.
 
ته‌قه‌ی خۆشی یه‌كه‌مینجار نییه‌ له‌ كوردستان رووداوی هاوشێوه‌ی لێده‌كه‌وێته‌وه‌ و، پێشتریش له‌كاتی ته‌قه‌ی خۆشی چه‌ندینجار خه‌ڵك بوونه‌ته‌ قوربانی.  

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger