رووداو دیجیتاڵ
دوای ئەوەی لە چەند رۆژی رابردوودا گرتەڤیدیۆیێکی کچێکی دهۆک لە تۆڕە کۆمەڵایەتییەکان بڵاوبووەوە. پۆلیسی دهۆک رایگەیاند، هەندێک قسەی نەشیاوی کردووە و ئەمڕۆ دەستگیریان کرد.
رۆژی چوارشەممە، 11ـی حوزەیرانی 2025، هێمن سلێمان، گوتەبێژی پۆلیسی دهۆک بە تۆڕی میدیایی رووداوی راگەیاند: "ئەو کچەی لە چەند رۆژی رابردوودا لە نەخۆشخانە بێڕێزی بە پۆلیس کرد، ئەمڕۆ بە مادەی دووی خراپ بەکارهێنانی مۆبایل دەستگیرکرا."
ئەو کچە چەند رۆژێک لەمەوبەر سەردانی نەخۆشێکی لە نەخۆشخانەیەکی دهۆک کرد و لەگەڵ خۆی مەنجەڵێک دۆڵمەی بردبوو بۆ ئەوەی بیباتە ژوورەوە. بەپێی رێنماییەکان، نابێت خواردن ببرێتە نێو نەخۆشخانە.
پۆلیس رێگری لەو کچە کردبوو و نەیهێشتبوو خواردنەکە بباتە ژوورەوە؛ دوایی ئەو کچە گرتە ڤیدیۆیەکی بڵاوکردەوە و دەڵێت: "دەمویست مەنجەڵی دۆڵمەکە بەسەری ئەو پۆلیسەدا بکێشم."
.webp&w=3840&q=75)