رووداو دیجیتاڵ
سەرۆک بارزانی لە پیرمام پێشوازیی لە محەممەد حەلبووسی، سەرۆکی پارتی تەقەدووم کرد.
رۆژی پێنجشەممە، 7ـی ئاداری 2024، بارەگای بارزانی لە راگەیێنراوێکدا گوتی، لە پیرمام سەرۆک مەسعود بارزانی پێشوازی لە محەممەد حەلبووسی، سەرۆکی پارتی تەقەدووم و شاندێکی یاوەری کرد.
لە دیدارەکەدا، وەکو لە راگەیێندراوەکەدا هاتووە، بیروڕا لەبارەی بارودۆخی سیاسیی عێراق و دوا پێشهاتەکان ئاڵوگۆڕ کرا.
هەروەها "جەخت لە پابەندبوون بە دەستوور و لێکتێگەیشتنی لایەنە سیاسییەکانی عێراق کرایەوە، ئەویش لەپێناو دەستەبەرکردنی سەقامگیریی سیاسی و باشترکردنی کاروباری دامودەزگاکانی دەوڵەت."
