لە ڕێككەوتنی ساڵی 1930 نێوان عێراق و بەریتانیادا بەهیچ شێوەیەک باسی کورد نەکرا و باشووری کوردستانیش بە عێراقەوە لکێندرا. ئەم رێککەوتنە ناڕەزایی کوردی لێکەوتەوە و لە مانگی ئەیلولی هەمان ساڵدا لە سەرای سلێمانی، یەكەمین خۆپیشاندانی نارەزایەتی خەڵک لە دژی بەریتانییەکان ئەنجامدرا و خۆپیشاندانەکەش شەهید و برینداری لێکەوەتەوە.
عەولە سیس، یەکێک لە رێکخەرانی خۆپیشاندانەکە بووە و هەر لە خۆپیشاندانەکەشدا شەهیدبووە و ئێستاش ناوی چووەتە نێو مێژووەوە.
6ی ئەیلوولی ساڵی 1930دا، رووداوێكی مێژوویی گرنگی روبەروو بوونەوەی ئینگلیزەكانە لەلایەن خەڵكی كوردستانەوە، بەڵام دەكرێ وەك رۆژ ژمێرێك ی گرنگی سەرهەڵدانی خۆپیشاندان و نارەزایەتی جەماوەریش سەیری بكرێت. لەبەردەركی سەرای سلێمانی، یەكەمین خۆپیشاندانی نارەزایەتی خەڵك دەستی پێكرد كە دواتر شەهید و برینداری لێكەوتەوە.
لەساڵی 1925 كوردستان بەعێراقەوە لكێندرا، كورد ناوی لە ڕاسپاردەكانی كۆمەڵەی گەلاندا هاتبوو، لەبەر ڕۆشنایی ئەو لیژنەیەی نێدرابووە كوردستان، كۆمەڵەی گەلان بەو مەرجە كوردستانی بە عێراقەوە لكاند، كە دەوڵەتی عێراق زمانی كوردی و خەڵكی كورد وەك فەرمانبەر لە دامودەزگاكانی بەڕێوەبردندا لەبەرچاو بگیرێن، پاش ئەوەی لە ڕاسپاردەی كۆمەڵەی گەلاندا بەو شێوەیە ناوی كورد هات، لە ڕێككەوتنی ساڵی 1930ی نێوان عێراق و بەریتانیادا بە هیچ شێوەیەك ناوی نەهات، ئەمەش بووە هۆی ناڕەزایی كوردو ڕۆژی 6 ی ئەیلوولی 1930 خۆپێشاندانێكی گەورە لەبەردەركی سەرای سلێمانی كراو خوێن ڕژا.
(عەولە سیس) لە 6 ئەیلوول دا ، پاڵەوانی چیرۆكەكەیە، چوونكە وەك یەكێك لە ڕێكخەرانی خۆپێشاندانەكە بووە ناوو هێمای شەهیدانی ئەو رۆژە لەمێژوودا.
بە درێژایی لكاندنی باشووری كوردستان بە عێراقەوە و سەردەمی ڕژێمی پاشایەتی، (سەرا) شوێنی كۆبوونەوەی هاوڵاتیان و مەیدانی هەموو خۆپێشاندانەكان بووە.تەنانەت ئەو میراتە كلتورییە بۆ خەڵك بەجێما و هەمیشە سەرای سلێمانی شوێنی كۆبوونەوەی نارەزایەتی بووە.
سەرچاوە مێژووییەكان ئاماژە بەوە دەدەن كە (بێكەس)ی شاعیر شیعری دژ بە (ئەدمۆنس) حاكمی ئینگلیز دەخوێنێتەوە، كە لەو كاتەدا خۆپێشاندەران وەكوو شۆڕشێكی سپی دژی ئینگلیز باسیان دەكرد.
