04-09-2020
19:00
ئەردۆغان بۆ نێچیرڤان بارزانی: ئامادەین بۆ هەموو جۆرە هاوکارییەکی هەرێمی کوردستان
کۆبوونەوەی نێچیرڤان بارزانی لەگەڵ رەجەب تەیب ئەردۆغان
ئەمڕۆ سەرۆکی هەرێمی کوردستان سەردانی تورکیای کرد و لەگەڵ سەرۆککۆماری تورکیا کۆبووەوە، بەپێی راگەیێندراوی سەرۆکایەتیی هەرێمی کوردستان، سەرۆککۆماری تورکیا جەختی کردووەتەوە، "وڵاته‌كه‌ى بۆ هه‌موو جۆره يارمه‌تيدان و هاوكارييه‌كى هه‌رێمى كوردستان ئاماده‌يه و هه‌موو پێداويستييه‌كى ته‌ندروستى و پزيشكى پێشكه‌ش ده‌كه‌ن".
دەقی راگەیەیێندراوی سەرۆکایەتیی هەرێمی کوردستان لەبارەی کۆبوونەوەکە:
پاشنيوه‌ڕۆى ئه‌مڕۆ هه‌ينى 4/9/2020 به‌ڕێز نێچيرڤان بارزانى، سه‌رۆكى هه‌رێمى كوردستان له ئه‌نقه‌ره له‌گه‌ڵ به‌ڕێز ڕه‌جه‌ب ته‌ييب ئه‌ردۆغان سه‌ركۆمارى توركيا كۆبووه‌وه.
له كۆبوونه‌وه‌كه‌دا جه‌ختيان له خواستى دوولايه‌نه بۆ بره‌ودان به په‌يوه‌ندييه‌كانى هه‌رێمى كوردستان و توركيا، به‌تايبه‌تى فراوانكردن و به‌رزكردنه‌وه‌ى ئاستى ئالوگۆڕى بازرگانى و هاريكارى و هاوبه‌شيى ئابوورى كرده‌وه، هه‌روه‌ها تيشكيان خسته سه‌ر ده‌رفه‌تى كار و وه‌به‌رهێنانى توركى له كه‌رته جياوازه‌كانى هه‌رێمى كوردستاندا.
هه‌ردوولا پوخته‌يه‌كيان له‌باره‌ى بڵاوبوونه‌وه و به‌ره‌نگاربوونه‌وه‌ى په‌تاى ڤايرۆسى كۆرۆنا و لێكه‌وته‌كانى خسته ڕوو، له‌مباره‌يه‌شه‌وه به‌ڕێز سه‌رۆكى توركيا دووپاتى كرده‌وه كه وڵاته‌كه‌ى بۆ هه‌موو جۆره يارمه‌تيدان و هاوكارييه‌كى هه‌رێمى كوردستان ئاماده‌يه و هه‌موو پێداويستييه‌كى ته‌ندروستى و پزيشكى پێشكه‌ش ده‌كه‌ن.
له ته‌وه‌رێكى ديكه‌ى كۆبوونه‌وه‌كه‌دا باس له گفتوگۆى حكوومه‌تى هه‌رێمى كوردستان و حكوومه‌تى فيدرالى عێراق و دوايين هه‌نگاوه‌كان بۆ چاره‌سه‌كردنى كێشه‌كان و ئاڵۆزييه‌كانى سنوور كرا، هه‌روه‌ها دۆخى گشتيى عێراق و هه‌وڵه‌كانى بۆ به‌ره‌نگاربوونه‌وه‌ى مه‌ترسييه‌كانى داعش خرانه به‌ر باس.
دوايين پێشهاته‌كانى دۆخى ناوچه‌كه به‌گشتى، هه‌وڵه‌كان بۆ سه‌قامگيريى ناوچه‌كه و چه‌ند پرسێكى جێى بايه‌خى هه‌ردوولا، ته‌وه‌رێكى ديكه‌ى كۆبوونه‌وه‌كه بوو.
15:41
کۆبوونەوەکەی نێچیرڤان بارزانی و رەجەب تەیب ئەردۆغان کۆتاییهات
کۆبوونەوەکەی سەرۆکی هەرێمی کوردستان و سەرۆککۆماری تورکیا لە کۆشکی سەرۆکایەتیی تورکیا
کۆبوونەوەکەی نێوان سەرۆکی هەرێمی کوردستان و سەرۆککۆماری تورکیا لە کۆشکی سەرۆکایەتیی تورکیا لە ئەنقەرە کۆتاییهات. کۆبوونەوەکە بەپێی ئاژانسی فەرمیی تورکیا کاژێرێک و 15 خولەک بووە.
نێچیرڤان بارزانی لەسەر داوای فەرمیی رەجەب تەیب ئەردۆغان، سەرۆککۆماری تورکیا چووەتە ئەو وڵاتە.
زیاتر بخوێنەوەرەجەب تەیب ئەردۆغان لە کۆشکی سەرۆکایەتی لە ئەنقەرە پێشوازیی لە نێچیرڤان بارزانی دەکات pic.twitter.com/PJ7BQsS6E7
— Rudaw (@Rudawkurdish) September 4, 2020
15:00
سەفین دزەیی: کۆبوونەوەکانی نێچیرڤان بارزانی لە بەغدا و ئەنقەرە پتەویی پێگەی هەرێمی کوردستان دەردەخەن
سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان
بەرپرسی فەرمانگەی پەیوەندییەكانی دەرەوەی هەرێمی كوردستان رایگەیاند، کۆبوونەوەکانی نێچیرڤان بارزانی لە بەغدا و ئەنقەرە پتەویی پێگەی هەرێمی کوردستان دەردەخەن.
سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان کە ئەندامێکی ئەو شاندەیە کە بە سەرۆکایەتیی نێچیرڤان بارزانی لە ئەنقەرەیە، ئاماژەی بەوەش کرد، هەرێمی کوردستان دەتوانێت یاریکەرێک بێت لە کۆی هاوکێشەکان.
هەروەها بەرپرسی فەرمانگەی پەیوەندییەكانی دەرەوەی هەرێمی كوردستان هۆکاری لەشکرکێشیی تورکیای بۆ سنوورکانی هەرێمی کوردستان بۆ بوونی پارتی کرێکارانی کوردستان - پەکەکە گێڕایەوە و گوتی، ئۆپەراسیۆن و لەشکرکێشیی و شەڕی نێوان پەکەکە و تورکیا بووەتە هۆی "ماڵوێرانی بۆ خەڵکی سیڤیلی هەرێمی کوردستان".
سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان کە ئەندامێکی ئەو شاندەیە کە بە سەرۆکایەتیی نێچیرڤان بارزانی لە ئەنقەرەیە، ئاماژەی بەوەش کرد، هەرێمی کوردستان دەتوانێت یاریکەرێک بێت لە کۆی هاوکێشەکان.
هەروەها بەرپرسی فەرمانگەی پەیوەندییەكانی دەرەوەی هەرێمی كوردستان هۆکاری لەشکرکێشیی تورکیای بۆ سنوورکانی هەرێمی کوردستان بۆ بوونی پارتی کرێکارانی کوردستان - پەکەکە گێڕایەوە و گوتی، ئۆپەراسیۆن و لەشکرکێشیی و شەڕی نێوان پەکەکە و تورکیا بووەتە هۆی "ماڵوێرانی بۆ خەڵکی سیڤیلی هەرێمی کوردستان".
زیاتر بخوێنەوە
14:13
کۆبوونەوەی نێوان نێچیرڤان بارزانی و رەجەب تەیب ئەردۆغان دەستیپێکرد
کەمێک پێش ئێستا کۆبوونەوەی نێوان نێچیرڤان بارزانی، سەرۆکی هەرێمی کوردستان و رەجەب تەیب ئەردۆغان، سەرۆککۆماری تورکیا لە کۆشکی سەرۆکایەتی لە ئەنقەرە دەستیپێکرد.
پێشتر سەرۆکی هەرێمی کوردستان لەگەڵ مەولوود چاوشئۆغڵو، وەزیری دەرەوەی تورکیا کۆبووەوە. سەرۆکایەتیی هەرێمی کوردستان لە راگەیێندراوێکدا لەبارەی کۆبوونەوەکە ئاماژەی بەوە کردووە، وەزیری دەرەوەی تورکیا ئامادەیی وڵاتەکەی نیشانداوە بۆ هاوکاریکردنی هەرێمی کوردستان لە رووبەڕووبوونەوەی پەتای کۆرۆنا بە پێشكه‌شكردن و ناردنى يارمه‌تى و پێداويستيى پزيشكى.
بەپێی راگەیێندراوەکەی سەرۆکایەتیی هەرێمی کوردستان، لە کۆبوونەوەکەدا جەخت لە بره‌ودانى زياتر به جموجووڵ و ئاڵوگۆڕى بازرگانی نێوان هەرێمی کوردستان و تورکیا کراوەتەوە.
فەلاح مستەفا، راوێژكاری باڵای سەرۆكی هەرێمی كوردستان دەڵێت، سەردانەکەی نێچیرڤان بارزانی، سەرۆکی هەرێمی کوردستان لەسەر داوای رەجەب تەیب ئەردۆغان، سەرۆککۆماری تورکیا بووە.
شاندی یاوەری نێچیرڤان بارزانی پێكهاتووە لە فەوزی هەریری، سەرۆكی دیوانی سەركایەتیی هەرێمی كوردستان، كەریم شنگالی، بەڕێوەبەری ئۆفیسی سەرۆكی هەرێمی كوردستان، سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان و فەلاح مستەفا راوێژكاری باڵای سەرۆكی هەرێمی كوردستان.
12:54
فەلاح مستەفا: سەردانەکەی نێچیرڤان بارزانی لەسەر داوای رەجەب تەیب ئەردۆغان بووە
فەلاح مستەفا، راوێژكاری باڵای سەرۆكی هەرێمی كوردستان
راوێژكاری باڵای سەرۆكی هەرێمی كوردستان رایگەیاند، سەردانەکەی نێچیرڤان بارزانی، سەرۆکی هەرێمی کوردستان لەسەر داوای رەجەب تەیب ئەردۆغان، سەرۆککۆماری تورکیا بووە، دەشڵێت "وەزیری دەرەوەی تورکیا ئامادەیی وڵاتەکەی بۆ یارمەتیدانی هەرێمی کوردستان نیشانداوە".
فەلاح مستەفا، راوێژكاری باڵای سەرۆكی هەرێمی كوردستان بە گرنگی دەزانێت پەیوەندییەکانی هەرێمی کوردستان لەگەڵ تورکیا بەردەوامبن، دەشڵێت "تورکیا ئامادەیە هاوکاریی کەرتی تەندروستیی هەرێمی کوردستان بکات".
راوێژکارەکەی سەرۆکی هەرێمی کوردستان گوتیشی "لەگەڵ وەزیری دەرەوەی تورکیا باس لە پتەوکردنی پەیوەندیی بازرگانی کرا".
فەلاح مستەفا باسی لەوەش کرد کە سەرۆکی هەرێمی کوردستان پاشنیوەڕۆ لەگەڵ ئەردۆغان کۆدەبێتەوە و باس لە پەیوەندییە دووقۆڵییەکانی نێوانیان دەکرێت.
رۆژی چوارشەممە 2ی ئەیلوولی 2020 سەرۆکی هەرێمی کوردستان دوو کۆبوونەوەی لەگەڵ ئیمانوێل ماکرۆن، سەرۆککۆماری فەرەنسا ئەنجامدا، هاوکات لەگەڵ سێ سەرۆکایەتییەکەی عێراق و عەممار حەکیم، سەرۆکی رەوتی حیکمە کۆبووەوە، فەلاح مستەفا کۆبوونەوەکانی بەغدای بە "سەرکەوتوو" ناوبرد.
د. زوبێر رەسوڵ، مامۆستای زانکۆ لەمیانی بەشداریکردنی لە بووڵتەنێکی هەواڵەکان بە رووداوی گوت، ئەگەری هەیە نێچیرڤان بارزانی پەیامێکی پێبێت لە سەرۆکی فەرەنساوە بۆ ئەردۆغان سەبارەت بە گرژییەکانی نێوان ئەو دوو وڵاتە، بەتایبەت بەهۆی کێشەکانی نێوان یۆنان و تورکیا لە دەریای ناوەڕاست.
12:37
دوای سەردانی نێچیرڤان بارزانی بۆ ئەنقەرە، تورکیا بڕیاریدا هاوکاریی تەندروستی بۆ هەرێمی کوردستان بنێرێت
کۆبوونەوەی سەرۆکی هەرێمی کوردستان و وەزیری دەرەوەی تورکیا. وێنە: سەرۆکایەتیی هەرێمی کوردستان
رووداو دیجیتاڵ
سەرۆکایەتیی هەرێمی کوردستان راگەیێندراوێکی لەبارەی کۆبوونەوەی نێوان نێچیرڤان بارزانی، سەرۆکی هەرێمی کوردستان و مەولوود چاوشئۆغڵو، وەزیری دەرەوەی تورکیا بڵاوکردەوە و دەڵێت، لە کۆبوونەوەکەدا جەخت لە بره‌ودانى زياتر به جموجووڵ و ئاڵوگۆڕى بازرگانی نێوان هەرێمی کوردستان و تورکیا کراوەتەوە.
بەپێی راگەیێندراوەکە، وەزیری دەرەوەی تورکیا ئامادەیی وڵاتەکەی نیشانداوە بۆ هاوکاریکردنی هەرێمی کوردستان لە رووبەڕووبوونەوەی پەتای کۆرۆنا بە پێشكه‌شكردن و ناردنى يارمه‌تى و پێداويستيى پزيشكى.
دەقی راگەیێندراوەکەی سەرۆکایەتیی هەرێمی کوردستان:
هه‌رێمى كوردستان و توركيا جه‌خت له پته‌وكردنى په‌يوه‌ندييه‌كانيان ده‌كه‌نه‌وه
سه‌رله‌به‌يانيى ئه‌مڕۆ شه‌ممه 4/9/2020 به‌ڕێز نێچيرڤان بارزانى، سه‌رۆكى هه‌رێمى كوردستان و شاندێكى ياوه‌رى له ئه‌نقه‌ره له‌گه‌ڵ به‌ڕێز مه‌ولوود چاوشئۆغلو وه‌زيرى ده‌ره‌وه‌ى توركيا كۆبوونه‌وه.
له كۆبوونه‌وه‌كه‌دا په‌يوه‌ندييه‌كانى هه‌رێمى كوردستان و عێراق له‌گه‌ڵ توركيا و چۆنيه‌تيى په‌ره‌پێدانى زياتريان له هه‌موو بوراه‌كاندا به‌تايبه‌تى له بوارى ئابووريدا تاوتوێ كران و هه‌ردوولا جه‌ختيان له بره‌ودانى زياتر به جموجووڵ و ئاڵوگۆڕى بازرگانيى نێوانيان كرده‌وه.
بڵاوبوونه‌وه‌ى په‌تاى ڤايرۆسى كۆرۆنا و كاريگه‌رى و لێكه‌وته‌كانى به‌تايبه‌تى له‌سه‌ر بوارى ئابوورى له هه‌رێمى كوردستان و توكيا ته‌وه‌رێكى ديكه‌ى كۆبوونه‌وه‌كه بوو. له‌مباره‌يه‌وه به‌ڕێز وه‌زيرى ده‌ره‌وه‌ى توركيا ئاماده‌ييى وڵاته‌كه‌ى بۆ هاوكاريكردنى هه‌رێمى كوردستان نيشان دا به پێشكه‌شكردن و ناردنى يارمه‌تى و پێداويستيى پزيشكى بۆ به‌ره‌نگاربوونه‌وه‌ى په‌تاكه.
په‌يوه‌ندييه‌كانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانيان، مه‌ترسييه‌كانى داعش و به‌ره‌نگاربوونه‌وه‌ى، دوايين پێشهاته‌كانى دۆخى ناوچه‌كه به‌گشتى و چه‌ند پرسێكى جێى بايه‌خى هه‌ردوولا، ته‌وه‌رێكى ديكه‌ى كۆبوونه‌وه‌كه بوو.
زیاتر بخوێنەوە
10:51
کۆبوونەوەی سەرۆکی هەرێمی کوردستان و وەزیری دەرەوەی تورکیا کۆتاییهات
کۆبوونەوەی نێچیرڤان بارزانی، سەرۆکی هەرێمی کوردستان و مەولوود چاوشئۆغڵو، وەزیری دەرەوەی تورکیا. وێنە: سەرۆکایەتیی هەرێمی کوردستان
سەرۆکی هەرێمی کوردستان لە سەردانیدا بۆ تورکیا یەکەم کۆبوونەوەی لەگەڵ وەزیری دەرەوەی تورکیا ئەنجامدا، بڕیارە کاژێر 02:00ی پاشنیوەڕۆ لەگەڵ سەرۆککۆماری ئەو وڵاتە کۆببێتەوە.
نێچیرڤان بارزانی، سەرۆکی هەرێمی کوردستان لە ئەنقەرە لەگەڵ مەولوود چاوشئۆغڵو، وەزیری دەرەوەی تورکیا کۆبووەوە و چەند پرسێکیان تاوتوێ کرد.
کۆبوونەوەی #نێچیرڤان_بارزانی، سەرۆکی هەرێمی #کوردستان و مەولوود چاوشئۆغڵو، وەزیری دەرەوەی #تورکیا دەستیپێکرد
— Rudaw (@Rudawkurdish) September 4, 2020
وێنەکان: سەرۆکایەتیی هەرێمی کوردستان pic.twitter.com/E8PVbvA3pr
زیاتر بخوێنەوە
08:31
رەجەب تەیب ئەردۆغان لە کۆشکی سەرۆکایەتی لە ئەنقەرە پێشوازیی لە نێچیرڤان بارزانی کرد
-
رووداو دیجیتاڵ
ئەمڕۆ نێچیرڤان بارزانی، سەرۆکی هەرێمی کوردستان لەگەڵ رەجەب تەیب ئەردۆغان، سەرۆککۆماری تورکیا کۆدەبێتەوە.
بەپێی ماڵپەڕی فەرمیی سەرۆکایەتیی تورکیا کە بەرنامەی سەردانەکەی سەرۆکی هەرێمی کوردستانی بڵاوکردووەتەوە، کاژێر 02:00ی ئەمڕۆ لەگەڵ رەجەب تەیب ئەردۆغان، سەرۆککۆماری تورکیا لە کۆشکی کۆماری لە ئەنقەرە کۆدەبێتەوە و لەبارەی پەیوەندییەکانی نێوان هەردوولا گفتوگۆ دەکەن.
هەروەها یەكەمین دیداری سەرۆکی هەرێمی کوردستان لە كاژێر 9:30 خولەک دەبێت و بۆ نانی بەیانی لەگەڵ مەولوود چاوشئۆغڵو، وەزیری دەرەوەی توركیا دەبێت.
کۆبوونەوەی #نێچیرڤان_بارزانی، سەرۆکی هەرێمی #کوردستان و مەولوود چاوشئۆغڵو، وەزیری دەرەوەی #تورکیا دەستیپێکرد
— Rudaw (@Rudawkurdish) September 4, 2020
وێنەکان: سەرۆکایەتیی هەرێمی کوردستان pic.twitter.com/E8PVbvA3pr
شاندی یاوەری نێچیرڤان بارزانی پێكهاتووە لە فەوزی هەریری سەرۆكی دیوانی سەركایەتی هەرێمی كوردستان، كەریم شنگالی بەڕێوەبەری ئۆفیسی سەرۆكی هەرێمی كوردستان، سەفین دزەیی بەرپرسی فەرمانگەی پەیوەندییەكانی دەرەوەی هەرێمی كوردستان، فەلاح مستەفا راوێژكاری باڵای سەرۆكی هەرێمی كوردستان.
ئەمڕۆ نێچیرڤان بارزانی و رەجەب تەیب ئەردۆغان کۆدەبنەوەئەمڕۆ نێچیرڤان بارزانی و رەجەب تەیب ئەردۆغان کۆدەبنەوە
Posted by Rudaw on Thursday, September 3, 2020
رووداو رای بەشێک لە هاونیشتمانیانی باکووری کوردستانی لەبارەی پەیوەندییەکانی هەرێمی کوردستان و تورکیا وەرگرتووە. یەکێک لە هاونیشتمانییەکان دەڵێت، باشترە پەیوەندییە بازرگانییەکانی نێوان هەردوولا، تێکەڵاوی سیاسەت نەکرێت.
رۆژی 2ی ئەیلوولی 2020 نێچیرڤان بارزانی، سەرۆکی هەرێمی کوردستان لە بەغدا لەگەڵ ئیمانوێل ماکرۆن، سەرۆککۆماری فەرەنسا، بەرهەم ساڵح، سەرۆککۆماری عێراق، مستەفا کازمی، سەرۆکوەزیرانی عێراق و چەندین بەرپرسی دیکەی حیزبی و حکومیی عێراق کۆبووەوە.
دوایین جار سەرۆکی هەرێمی کوردستان کە سەردانی تورکیای کرد، مانگی حوزەیرانی ساڵی 2019 بوو، ئەوکات رەجەب تەیب ئەردۆغان باسی لەوە کرد کە نێچیرڤان بارزانی "میوانی تایبەت"ی ئەوە.