رووداو دیجیتاڵ
بارهەڵگرێک، پاسێک و ئۆتۆمبێلێکی تایبەت لە پارێزگەی دیلۆکی باکووری کوردستان خۆیان بەیەکدا کێشا و لە ئەنجامدا 19 کەس بریندار بوون و کەسێک گیانی لەدەستدا.
رووداوەکە درەنگانی شەوی رابردوو لە رێگەی سەرەکی ئادانا- دیلۆک روویدا؛ دوای رووداوەکە دەستبەجێ بارهەڵگر و ئۆتۆمبێلەکە گڕیان گرت.
تیمەکانی جەندرمە، تەندروستی و بەرگریی شارستانی چوونە شوێنی رووداوەکە؛ 20 سەرنشین بریندار بوون و دواتریش لەلایەن تیمەکانەوە گەیێندرانە نەخۆشخانە.
یەکێک لە بریندارەکان کە سەرنشینی پاسەکە بوو، لە نەخۆشخانە گیانی لەدەستدا.
ساڵی رابردوو لە سەرانسەری باکووری کوردستان و تورکیادا 623 هەزار و 148 رووداوی هاتووچۆ روویاندابوو، لە ئەنجامدا دوو هەزار و 713 کەس گیانیان لەدەستدا و 388 هەزار و 644 کەسی دیکەش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ