رووداو - تەندروستی
توێژینەوەیەکی ئەمریکی ئاشکرای دەکات، چەند منداڵ زیادبێت، ئەوەندەش مێشکی دایک و باوک چالاکتر دەبێت، چونکە گۆڕانکاری لە بەرپرسیارێتییان روودەدات.
توێژینەوەکە لە سکووڵی پزیشکیی زانکۆی یاڵێ لە ئەمریکا لەسەر 37 هەزار کەس کرا و دەرکەوت، هەندێک ناوچەی مێشکی دایک و باوکان گۆڕانکارییەکی گەورە تێیاندا روویداوە، بەجۆرێک ئەوانەی منداڵیان زۆر بووە، ئەو ناوچەیەی مێشکیان زیاتر گەشەی کردووە و چالاکتر بووە.
ئێدوینا ئۆرچارد، توێژەرێکی سکووڵی پزیشکیی یاڵێیە و دەڵێت: ئەو دایک و باوکانەی منداڵی زیاتریان هەیە، مێشکیان چالاکترە و درەنگتر پیردەبێت، بەتایبەت لەو ناوچەیەی مێشک کە بەرپرسە لە هەست، سۆز و جووڵە.
لەم بارەیەوە د. ئەڤرام هۆڵمز، دەروونناس لە زانکۆی رۆتگێرز دەڵێت: بەهێزکردنی پەیوەندیی کۆمەڵایەتی هۆکارێکە بۆ درەنگ پیربوونی خانەکانی مێشک، کە منداڵ بەشێکە لە بەهێزکردنی ئەو پەیوەندییە بۆ دایک و باوک.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ