هەڵەیەک روویدا! دووبارە هەوڵبدە
رووداو - تەندروستی
بەڕێوەبەری کوتان لە بەڕێوەبەرایەتیی گشتیی تەندروستیی سلێمانی رایدەگەیێنێت، مەرج نییە کوتان بە ڤاکسینی ئەنفلەوەنزا تەنیا لە وەرزی پاییزدا بێت و ئێستاش باشترین کاتە بۆ کوتان.
ئەمڕۆ پێنجشەممە 19-12-2024 د. دەشنێ شەماڵ، بەڕێوەبەری کوتان لە تەندروستیی سلێمانی بە رووداوی گوت، لە بنکە و مەڵبەندە تەندروستییەکان ڤاکسینی ئەنفلەوەنزا بەردەستە و دایک و باوکان لە نزیکترینیان منداڵەکان و خۆیان بە ڤاکسینەکە بکوتن
بە گوتەی د. دەشنێ، رێژەی کوتانی منداڵ دوای پەتای کۆڤید-19 بە ڤاکسینە رۆتینییەکان کەمبووەتەوە، ئەمەشی بە مەترسی ناوبرد، چونکە هەر ڤاکسینێک رۆتینی بوو دەبێت لێبدرێت، دەنا مەترسیی دەکەوێتە سەر ژیانی منداڵەکە.
بەم رێگەیانە خۆت لە ئەنفلەوەنزای وەرزی بپارێزە؛
1- شووشتنی دەستەکان بەمەرجێک زیاتر بێت لە 20 چرکە
2- بەکارهێنانی مادەی پاکژکەرەوە بۆ سەر مێز و کەلوپەلەکانی دەوروبەرت
3- بایەخ بە خواردنی سەوزە و میوەکان بدە بەتایبەت مزرەمەنییەکان
4- رۆژانە ئاوی پێویست بخۆرەوە
5- نزیک مەکەورەوە لە کەسی تووشبوو
6- کەسانی تووشبوو لەکاتی کۆکە و پژمە کلینێکس بەکاربهێنن
7- دوورکەوتنەوە لە شوێنی قەرەباڵخ
8- هەواگۆڕکێ لەنێو ماڵدا هەبێت
9- کوتان بە ڤاکسینی ئەنفلەوەنزای وەرزی
10- دەرزیی تێکەڵە بەکارمەهێنە، چونکە بەرگریی جەستە لاوازدەکات
11- بە ئاوی شلەتێن یاخود سارد خۆت بشۆ، چونکە بەرگریی جەستە بەهێزدەکات
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ