رووداو - تەندروستی
توێژینەوەیەکی فراوانی ئەمریکی دەریدەخات، بەرکەوتنی بەردەوام بە دەنکۆڵە پیسەکانی هەوا، کاریگەریی مەترسیدار لەسەر لوولەکانی خوێن دروستدەکات و رەنگە ببێتەهۆی مردن.
توێژینەوەکە بە هاوبەشی لەنێوان زانکۆکانی مینیسۆتا، واشنتن و ئۆکلاهۆما لە ئەمریکا لەسەر 7600 نەخۆش کە لە ژینگەی هەوای پیسبوودا دەژیان، کرا؛ دەرکەوت، لە ماوەی 17 ساڵدا 250ـیان بەهۆی گیرانی لوولەکانی خوێنیانەوە گەێندراونەتە نەخۆشخانە و ئەگەری مردنیان بە جەڵتە زۆر بووە.
توێژینەوەکە ئاشکرای دەکات، ئەوانەی لە ژینگەی پیسبوو بە ئاگرکەوتنەوە ژیاون، مەترسیی تووشبوونیان بە مەیینی خوێن 39٪ بووە و ئەوانەشی کە لە ناوچە قەرەباڵخەکانی نێو شار ژیاون کە ئۆتۆمبێلی زۆر و کارگەکانی لێبووە ٪121 و ٪174 ئەگەرەکە زیادبووە.
.png&w=3840&q=75)
