تووشبوویێکی شێرپەنجە لەنێو نەخۆشخانە چارەسەر وەردەگرێت. وێنە: رووداو
رووداو - تەندروستی
بەڕێوەبەری نەخۆشخانەی هیوا رایدەگەیێنێت، شێرپەنجە لە هەموو جیهاندا لە هەڵکشاندایە، بەڵام بەو شێوەیە نییە کە هاونیشتمانییان لە ترس و دڵەڕاوكێدا بن، ئاماژەش بە ژمارەیەکی تووشبووان دەکات.
ئەمڕۆ یەکشەممە 18ـی ئابی 2024 د. یاد نەقشبەندی، بەڕێوەبەری نەخۆشخانەی هیوا لە سلێمانی لە لێدوانێکی رۆژنامەڤانیدا گوتی، لە شەش مانگی یەکەمی ئەمساڵدا لە سلێمانی هەزار و 416 تووشبووی شێرپەنجە تۆمارکراون.
د. یاد نەقشبەندی، بەڕێوەبەری نەخۆشخانەی هیوا گوتیشی، باشترین کار ئەوەیە هاونیشتمانییان لەکاتی دەرکەوتنی نیشانەکانی شێرپەنجە پشکنین بکەن، بۆ ئەوەی چارەسەرکردنی ئاسانتر بێت.
تەنانەت ئاماژە بەوەشدەکات، باوترین جۆری شێرپەنجە شێرپەنجەی مەمکە، ئینجا هەریەک لە شێرپەنجەکانی 'کۆڵۆن، سی و خوێن'ـن.
بەپێی رێکخراوی تەندروستیی جیهانی، رێگەکانی پێشگیریکردن لە شێرپەنجە ئەمانەن؛
* خۆراکی تەندروست
* کەمخواردنی خۆراکە لەقوتوونراوەکان
* نەکێشانی جگەرە و نێرگەلە
* دوورکەوتنەوە لە کحول
* وەرزش
* کێشڕێکی
* ژینگەی خاوێن
* خۆپاراستن لە تیشکە زیانبەخشەکان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ