رووداو - تەندروستی
توێژینەوەیەک لە ئوسترالیا ئاشکرای دەکات، بەکارهێنانی ئەو خوێیانەی سۆدیۆمیان کەمە لەبری خوێی ئاسایی مەترسیی مردنی پێشوەخت کەمدەکاتەوە.
توێژینەوەکە لە زانکۆی بۆند لە ئوسترالیا کراوە و دەرکەوتووە، ئەو خوێیانەی کە مادەی سۆدیۆم تیایاندا کەمترە لە خوێی ئاسایی مەترسیی گیانلەدەستدان بەهۆی نەخۆشییەکانی دڵ و لوولەکانی خوێن کەمدەکەنەوە.
سەرپەرشتیاری توێژینەوەکە دەڵێت: ''خوێی کەمسۆدیۆم، جگە لە کەمکردنەوەی مەترسیی نەخۆشییەکانی دڵ، پۆتاسیۆمی بۆ زیادکراوە کە سوودی هەیە بۆ هاوسەنگکردنی کارەباییەکانی دڵ بۆ خاوبوونەوە و گرژبوونی ماسوولکەکانی دڵ و هاوسەنگکردنی پەستانی خوێن''.
بە گوێرەی کۆمەڵەی خۆراکی ئەمریکی، خوێی کەمسۆدیۆم ئەوانەن کە تێکەڵکراوە لەگەڵ بیبەری رەش، پاپریکا، پیاز و سیر.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ